Australia cov nyiaj dollar los yeej tsis tshua tau nqe zoo yav dhau los thiab.
Thiaj kuj tsis tshua muaj nqe vim ntau hlias dhau los no yeej poob nqe txog li ntawm 10 feem pua yog piv rau nyiaj Meskas, thiab tam sim no ces nyiaj Australia 1 dollars tsuas pauv tau 62 cents nyiaj Meskas xwb.
Dua ntawm qhov uas yuav ua rau cov kev mus ntoj ncig txawv teb chaws kim dua ntxiv ntawd, ces Australia cov nyiaj dollars uas ib nyuag poob nqe dua no kuj yuav ua rau muaj teeb meem rau Australia ib co lagluam twg uas pheej yuav tau nqus tej khoom txawv teb chaws los li tej khoom siv hluav taws xob, tej khaub ncaws, roj sam tsheb mus txog rau tej khoom noj ntau yam thiab.
Yav lig lub 9 hli ntuj dhau los ces nyiaj Australia ib dollars yeej pauv tau nyiaj Meskas 69.4 cents.
Tsis tas li ntawd los kuj muaj ntau yam tau ua rau Australia cov nyiaj dollars poob nqe thiab.
Vim li cas Australia cov nyiaj dollars thiaj poob nqe ntau ua luaj?
Griffith University Graeme Hughes uas yog ib tug kws paub zoo txog tej neeg yuav khoom siv thiab kuj yog tus coj tswj cov hauj lwm kev kawm ntawm tsev kawm qib siab Griffith University tau hais tias yeej muaj ntau yam ua rau Australia cov nyiaj poob nqe los yog tau nqe zoo dua piv rau lwm cov nyiaj.
Nws tau hais tias "Thawj yam ces yuav txo tej kab theem paj tsawg dua ntawm teb chaws Meskas lawm, thiaj ua rau muaj tej neeg nqes peev xav yuav Meskas tej peev txheej dua. Tej no thiaj ua rau Meskas tej nyiaj muaj nqe dua lwm hom nyiaj, suav Australia tej nyiaj dollar nrog,''
''Ob tuaj ces vim tab tom muaj kev txhawj xeeb ntau tuaj ntxiv txog cov kev txhawb nqa Suav tuam tshoj tej lagluam tias yog ib cov siv tsis tau hauj lwm, vim Suav cov nyiaj Yuam poob nqe thiab ces thiaj ua rau muaj teeb meem rau Australia cov nyiaj dollar.
"Thiab tsis tas li ntawd los cov kev tsis tshua tau nqe zoo rau tej khoom tseem ceeb li hlau, roj zeb ntsuam, nrog rau tej zaum kuj yuav muaj tau tej kev tsis sib haum xeeb ntawm tej laj fai kum xeeb rau ib cheeb tsam twg thiab tej zaum kuj yuav muaj tau tej xwm txheej tsov rog lagluam, ces thiaj tau muaj feem ua rau nyiaj Australia poob nqe.''
Greg Jericho uas yog tus chief economist ntwam lub chaw teeb txheeb Australia Institute tau tshab txhais tias.
" yuav ua rau tej khoom ntawd muag tib tug nqe li qub, ces yuav ua rau nyiaj Suav poob nqe. Vim li ntawd ces thiaj ua rau nyiaj Australia poob nqe thiab,''
"Ces Australian cov nyiaj dollar thiaj cuam tshuam nrog Suav tuam tshoj tej lagluam vim peb cov kev xa khoom muag txawv teb chaws.''
Nyiajj dollar poob nqe ho ua rau muaj teeb meem li cas rau tej nuj nqes siv ua lub neej?
Australia cov nyiaj dollars poob nqe no ua rau tej khoom nqus txawv teb chaws los siv kim zog ntxiv, ces thiaj yuav ua rau muaj teeb meem rau Australia tej cuab yig tej nyiaj siv.
Jericho tau hais tias thiaj tau ua rau muaj teeb meem loj tshaj plaws rau tej nqe roj sam tsheb, vim yeej muaj kev cuam tshuam nrog ntiaj teb tej kiab khw lagluam. Txawm li cas los nws kuj tau hais ntxiv tias lwm yam khoom los tej zaum kuj yuav kim tuaj ntxiv thiab.
Nws tau hais tias "Yog tias nyiaj Australia pauv tau nyiaj Meskas tsawg ntawm USD$0.65 cent los ua USD$0.60 cent lawm xwb ces tus nqe yuav ib phau ntawv raug nyiaj dollars Meskas ntawm USD$20 yuav nce kim tuaj ntxiv ntawm nyiaj Australia AUD$30.80 mus ua tus nqe tshiab AUD$33.33 lawm,''
"Yog li ntawd ces Australia cov nyiaj poob nqe no thiaj ua rau muaj teeb meem rau tej nqe siv ua lub neej ntawm tej cuab yig uas pheej yuav tej khoom nqus txawv teb chaws los siv ntau, tab sis kuj tsis muaj teeb meem dab tsi rau ntau yam li tej fees, charges, tej nqe ntiav tsev thiab tej nqe zov me nyuam.''
Tam sim no puas yog lub caij zoo pauv nyiaj?
Yog tias kom npaj tias yuav mus ntoj ncig txawv teb chaws tom ntej no, ces Australia cov nyiaj dollars uas poob nqe no kuj pab tsis tshua tau yus lawm thiab.
Huges tau hais tias "Yog li thiaj yuav tau xav tias seb puas tsim nyog yuav pauv ib txhia nyiaj tam sim no kom tau tus nqe zoo dua,''
''Txawm li cas los yog tias yus ho tsis tau mus ntoj ncig sai sai no, ces tsim nyog tos zoo dua seb tej nyiaj ho zoo li cas ntxiv tso.''
Tau muaj cov kev kwv yees zoo li cas rau Australia cov nyiaj dollar?
Hughes tau hais tias ''yeej tsis muaj peev xwm twv tau tej nyiaj txiaj li'' tab sis yeej muaj qee yam uas peb muaj peev xwm txheeb thiab.
Nws tau hais tias “, seb ntiaj teb tej lagluam ho zoo li cas, thiab Meskas cov nyiaj dollar los kuj muaj feem thiab,''
"Thiab txawm tias Australia cov nyiaj dollar tau poob nqe lawm, los zoo li tej xwm txheej no yeej nyob tus ruaj li qub thiab, tab sis tej zaum kuj yuav ua rau haj yam poob nqe ntxiv tuaj thiab los kuj tau.''
Listen to on Thursday at 6 pm and on Sunday at 11 am, or follow us on , , and . Downloadand or follow us on or other third party podcast platforms
