Cov ntsiab lus tseem ceeb:
- AEC yeej muaj twj pab koj nrhiav koj lub rooj nom thiab tej chaw xaiv nom
- Muaj ntau txoj xub ke rau koj siv xaiv nom ntxov thiab siv rau hnub xaiv tsa
- Yeej muaj ntau yam xov xwm ua ntau hom lus coj los qhia txog cov kev xaiv tsa
- AEC yeej muaj cov neeg txhais lus pab cuam hauv xov tooj pab koj xaiv nom thiab
Nyob ntawm Australia no ces peb yeej muaj ib lub koom haum ywj pheej los tswj cov kev xaiv tsa tsoom fwv teb chaws. Lub koom haum Australian Electoral Commission (AEC) yog lub yuav los ua tib zoo xyuas kom tej pej xeem muaj cai xaiv nom muaj cib fim koom txhim kho peb tus tsoom fwv teb chaws.
Txheeb koj lub rooj nom
Yeej muaj 151 lub rooj nom teb chaws ntawm teb chaws Australia no. AEC yeej muaj ib co twj hauv online pab koj txheeb koj lub rooj nom.
Thiab koj muaj peev xwm hu rau tus xov tooj 13 23 26 los yog siv
READ MORE
Yuav xaiv tsa li cas
Voting Centre Source: AEC
Nrhiav koj lub chaw xaiv nom
AEC yeej npaj ntau txheeb lub ntawm tej teej kawm thiab tej koom haum zej zog los yog tej tsev teev hawm thiab lwm cov chaw rau hnub xaiv tsa.
“Koj muaj peev xwm sau koj lub zos thiab tus postcode ces peb tej twj mam pab nrhiav tias seb tus neeg koj yuav xaiv yog tus twg thiab koj yuav mus xaiv nom qhov twg."
Qhov yooj yim tshaj plaws ces koj mus rau tej chaw xaiv nom ntawm koj lub zos rau hnub xaiv tsa ntawd. Thiab yeej muaj ntau cov kev xaiv tsa ces yeej xaiv rau hnub Saturday.
Yeej tseem muaj ib co neeg mus xyuas tej neeg uas tau txais kev tu tsom kwm, tej zos toj siab, tej teej kawm thiab tej tsev laj cuj thiab.
Cov kev xaiv nom ua koj hom lus
Yeej tso cai cia ib tug nrog koj mus pab koj yog koj xav tau kev pab cuam. Tsis tas li no yeej muaj cov tham ua koj hom lus pab kom paub xaiv nom thiab.
Lwm txoj xub ke pab koj xaiv nom
Yeej muaj ib co chaw xaiv nom ntxiv qhib ua ntej rau ntau limtiam ua ntej yuav txog hnub xaiv tsa.
Yeej tseem muaj lwm txoj xub kev rau koj li cov kev thov ib daig , hauv online los yog thov tau ntawm AEC tej chaw ua hauj lwm.
Ms Lilley hais tias “Yuav muaj cov xub ke no rau tej neeg siv xyoo no vim tseem muaj tej xwm txheej kab mob COVID. Peb yeej cia tej neeg sau ntawv xaiv nom thiab xa hauv post office tau yog tias lawv tsis xav mus siv tej chaw xaiv nom, los yog lawv ho nyob thiab ho ua hauj lwm ntawm tej chaw nyob deb thiab ho xav siv peb cov postal voting services."
Tej neeg uas tab tom cais vim kab mob COVID los yeej muaj peev xwm siv tau AEC cov kev xaiv nom hauv xov tooj thiab.
AEC yeej muaj ntau cov kev pab cuam rau tej neeg siv rau lub sij hawm ntau limtiam tom qab tau qhia tias yuav xaiv tsa hnub twg lawm.
Remote Polling Source: AEC
Cov kev xaiv nom ntawm txawv xeev thiab txawv teb chaws
Yog tias koj npaj yuav mus txawv xeev ces koj muaj peev xwm siv tau cov postal vote los yog mus xyuas tau ib lub chaw xaiv ntawm txawv xeev tau.
Yog koj mus txawv teb chaws lawm los koj yeej muaj peev xwm xaiv nom thiab. ntawm AEC lub website, nrog rau ib co xub ke rau tej neeg ntiag tug xaiv siv, nyob ntawm seb lawv ho poob rau cov xwm txheej zoo li cas xwb. Yeej muaj ib txhia nom Australia txawv teb chaws npaj ib co chaw xaiv nom thiab.
Faib xov xwm txog cov kev xaiv tsa
Ntau pab nom los sis cov pab nom ywj pheej yeej ib txwm faib tej xov xwm txog cov kev xaiv tsa nom tswv sab nraum zoov ntawm tej chaw xaiv nom. Tsis txhob cia lawv ua rau yus totaub yuam kev txog cov kev xaiv tsa no raws li William Bowe hais.
Ntau pab nom yeej faib tej ntawv qhia txog ‘tias yuav xaiv nom li cas' ntawm tej chaw xaiv nom rau hnub xaiv tsa, thiab taw qhia kom koj xaiv nom raws ib txoj xub ke twg. Tab sis koj tsis tau ua li hais ntawd los tau. Vim tsuas yog ib cov kev tawm tswv yim xwb.
Ballot paper Source: AEC
Mus tawm koj cov suab xaiv tsa
Koj yuav tau ib daim ntawv ntsuab thiab ib daim ntawv dawb.
Daim ntawv xaiv nom ntsuab
Daim ntawv xaiv nom ntsuab ces yog xaiv ib tug nom ntawm lub rooj nom ntawm koj lub zos mus koom tsev kis xeev qes (House of Representative - Lower House). Thiab muaj 151 lub rooj nom hauv tsev kis xeev qes los sawv cev rau txhua lub rooj nom zos.
Mr Bowe hais tias “Tej neeg yeej ib txwm xav tias ib cov kev xaiv tsa twg yog xaiv ib tug coj ntawm haiv neeg, tab sis qhov tseeb tiag tus coj uas yuav los ua tus thawj pwm tsav rau haiv neeg no yog tus coj ntawm ib pab nom uas yeej cov rooj nom ntau tshaj plaws hauv tsev tsoom fwv. Tsis yog yuav xaiv tus coj no ncaj qha."
Pab nom uas yeej cov rooj nom ntau tshaj plaws ntawm tsev kis xeev qes yog pab nom uas muaj cai los teeb tsa tsoom fwv.
Cov kev siv daim ntawv ntsuab xaiv nom ntawd ces koj tsuas sau tus zauv '1' rau tus nom koj nyiam ua ntej tshaj plaws, sau tus zauv '2' txuas ntxiv rau tus nom kom nyiam ua zum 2 thiab tso cov zauv (number) rau tag nrho txhua lub boxes.
Daim ntawv xaiv nom dawb
Daim ntawv xaiv nom dawb ces yog siv xaiv 76 lub rooj nom hauv tsev kis xeev siab - Senate (Upper House). Koj yuav xaiv ib tug nom kis xeev siab (senator) ntawm koj lub xeev.
Raws li Mr Bowe hais ces cov kev xaiv nom ntawm tsev kis xeev siab no ib nyuag txawv me ntsis. Vim yuav tau siv tej ntawv xaiv nom ntau heev los xaiv tag nrho tej nom ntawm koj lub xeev.
“Yeej muaj peev xwm xaiv nom yooj yim xwb. Muaj ob txoj xub ke uas koj muaj peev xwm ua tau. Muaj ib co thawv (boxes) saum toj txoj kab thiab hauv qab txoj kab. Cov thawv saum qaum kab ces yog siv xaiv cov pab nom ib pab twg. Cov kev xaiv yooj yim tshaj plaws thiab sai tshaj plaws ces yog koj xaiv 6 pab nom uas koj nyiam thiab tso cov zauv (number) ntawm tus zauv 1 mus txog tus zauv 6 rau cov pab nom uas koj nyiam raws zum. Hos yog tias koj xav xaiv ib tug nom twg tsi ntsees ces koj yuav tsum tau tso cov zauv (number) rau cov thawv (boxes) hauv qab txoj kab. Yog koj xaiv cov hauv qab txoj kab ces koj yuav tsum tau tso cov zauv rau 12 lub thawv.
Tso cov zauv rau cov thawv raws li qhov koj nyiam kom thiaj li pab tau koj cov kev xaiv tsa zoo dua. Cov kev xaiv nom no hu ua 'preferential voting' los yog cov kev xaiv tus nom koj nyiam ua ntej.
Raws li Evan Ekin-Smyth uas yog tus kis ntawm AEC hais ces “Yog tias tus neeg uas koj xaiv ua thawj tug swb cov kev suav lawm, ces koj cov suab xaiv nom tseem yuav suav txuas ntxiv rau tus nom koj xaiv txuas ntxiv thiab yuav suav txuas ntxiv rau txhua tus nom mus txog rau thaum uas xaiv tau ib tug.”
While queuing at your polling centre you might see a fundraising stall selling sausages in bread. This is fondly known as the ‘democracy sausage Source: AAP Image/James Ross
Cov kev xaiv nom uas yuav tsis raug suav
Ua tib zoo xyuas kom koj ua raws li cov kev taw qhia xaiv tsa. Yog tias koj tsis sau koj daim ntawv xaiv nom raug, tsis li ntawd ces yuav ras los ua daim ntaiv xaiv nom uas yuav tsis raug suav nrog rau cov kev tawm suab xaiv tsa.
Yuav muaj dab tsi tshwm sim yog kuv tsis mus xaiv nom?
Cov kev xaiv nom no yeej yog tej yam uas yuav tsum tau ua xwb xwb li. Tsuas yog koj ho muaj laj thawj zoo txaus tsis mus xaiv nom xwb mas AEC mam txheeb tias seb yog li cas xwb. AEC yeej nkag siab tias muaj ib txhia neeg txawv teb chaws yuav tsis muaj peev xwm xaiv nom thiab.
“Raws li Mr Ekin-Smyth tshab txhais ces yog ib tug twg mus teev zwm npe lawm tab sis tsis mus xaiv nom, ces lawv yuav tau ib daim ntawv ceeb toom hu ua 'non-voter notice' - 'daim ntawv cov neeg tsis xaiv nom. Thiab yog koj tsis muaj laj thawj zoo txaus ces koj yuav raug nplua $20. Thiab yog koj tseem tsis teb thiab qhia rau AEC paub thiab ces koj yuav raug coj mus hais plaub thiab yuav raug nplua $170 thiab yuav tau them tej nqe hais plaub nrog thiab."
Tab sis qhov tseeb tiag ces yuav ua rau koj plam cib fim tawm suab lawm, yog li thiaj xav kom ua tib zoo teeb txheeb thiab mus xaiv tej nom raws li qhov koj nkag siab zoo lawm.
AEC cov kev teev tej xov xwm cuav
Lub koom haum AEC yeej yog ib lub koom haum ywj pheej thiab tsis tuaj tog twg, yog li ntawd cov txheej txheem xaiv tsa thiaj yog ib co yuav tau txheeb xyuas kom zoo heev. AEC yeej tau npaj los teev tej xov xwm cua hu ua los daws tej teeb meem cuam tshuam txog tej xov xwm cuav thiab tej xov xwm ntxias dab lwm tus cuam tshuam txog Australia tej txheej txheem xaiv tsa.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
