Ntsiab lus tseem ceeb:
- Muaj ib txhia niam txiv neeg Australia tab tom los koom tes xav txwv tsis pub lawv tej me nyuam siv xov tooj ntawm tes (smartphone) kom tsis txhob tau siv social media.
- Muaj ib tug neeg qhia media hais tias yej muaj ntau yam uas tej hluas tam sim no ua lub neej hauv online.
- Lwm pab nom teb chaws tau hais tias nws yuav nce tej me nyuam yaus hnoob nyoog ua 16 xyoo mam pub siv social media ntawm Australia no.
Ebony Hunt yeej xav tsim ib lub koom haum nrog lwm tus niam txiav los nrog daws ib yam teeb meem nyuaj tshaj plaws uas tej zaum tej niam txiv yeej yuav zam tsis dhau niaj hnub no li: lawv tej me nyuam cov kev siv social media.
Nws tej ntxhais muaj hnoob nyoog 3 xyoos thiab 6 xyoo xwb, thiab tseem tsis tau pab tab txaus mus siv Snapchat los yog qhib Instagram account siv tab sis nws cia siab tias yog tsim kom muaj ib co kev pom zoo nrog lwm tus leej niam leej txi ntawm nws lub zejzog, ces lawv yuav muaj peev xwm ncua kom lawv tej me nyuaj tsis tshob tau siv social media thiab.
Hunt nyob ntawm lub zos Torquay ntawm xeev Victoria, los kuj yog ib feem ntawm cov kev tawm tsam smartphone-free childhood movement, uas yog ib co ua tau xub pib ntawm teb chaws Askiv ua ntej, thiab kuj xav coj lub tswv yim no coj los siv ntawm Australia.
Nws thiaj li tau muaj ib co kev ceb toom rau nws lub teej kawm tej ntawv xov xwm limtiam no coj lso txhawb nqa kom lwm tus koom nws los xyuas kom lawv tej me nyuam tsis txhob tau siv social media thiab smartphones txog rau lub caij uas nto nkauj nto raug tso.
"Yog yus pheej tos xwb, thiab txhua tus ntawm lub chav kawm pheej hais tias txog qib 6 los yog 7 tso mam li pub siv smartphone, ces yus yeej tsis muaj peev xwm yuav tsim tej kev pom zoo nrog tej niam txiv ntawm tej chav kawm ntxiv lawm — vim rau qhov lig dhau heev lawm,'' raws li Hunt tau qhia rau SBS News.
Txhawb nqa kom muaj cov kev sib txuas lus sib cuag mus las tim ntsej tim muag tsis txhob siv online
Yog li ntawd ne, tsim nyog tej me nyuam muaj hnoob nyoog li cas thiaj pub siv smartphone thiab social media?
Hunt tau qhia tias nws xav kom tej niam txiv ua cov txim kev pom zoo thiab ua cov txiav txim siab, tab sis nws cia siab tias yuav tsis pub nws tej me nyuam siv smartphones thiab social media txog rau thaum lawv muaj hnoob nyoog 18 xyoo tso.
Txawm li cas los nws kuj hais tias thaum hnoob nyoog 14 xyoos ''los kuj yog lub caij pib pub lawv siv tau'', thiab yog tias ho pom zoo tias xav lub hnoob nyoog ntawd siv los nws yeej yuav txwv kom hnoob nyoog loj tshaj tawv mam pub siv thiab.
Ebony Hunt xav kom nws tej me nyuam muaj cib fim ntsib tej xwm txheej ua rau lawv dhuav tsis paub ua dab tsi thiab kom lawv thiaj kub siab txog tias muaj dab tsi tab tom tshwm sim ib puag ncig lawv, uas nws cia siab tias yuav pab kom lawv pheej tsis txhob siv social media ntau. Source: Supplied
Tsis tas li ntawd los kuj tseem muaj ntau yam kev txhawj xeeb thiab tias muaj tej neeg phem hauv online, ua rau tej hluas pheej pom tej kev ua lub neej txhua hnub uas tsis muaj tseeb tiag, thiab pheej pom thiab hnov txo tej xov xwm cuav thiab yuam kev.
Hunt tau qhia tias tsis yog nws tawm tsam "tsis pub tej me nyuam siv xov tooj kiag li lawm'' thiab nws yeej totaub tias nws tej me nyuam yeej siv technology loas ua ntau yam hauj lwm kev lawm li tej sob kawm, tab sis nws tsis xav kom lawv pheej mus siv tau tej xov xwm uas tsis raug txheeb raug txwv dab tsi yooj yooj yim txog 24 teev 7 hnub.
Nws hais tias "Tej xov tooj ua rau muaj peev xwm siv tau tej social media yooj yim heev li, vim yeej nyob rawv hauv yus lub hnab ris hnab tsho xwb. Tab sis vim li cas peb thiaj pheej cia lawv saib tej xov xwm tsis tsim nyog saib hauv tej social media uas lawv twb sis muaj peev xwm yuav los txheeb tau qhov tseeb li?''
"Tej algorithms los yeej raug tsim coj los ua kom tej neeg pheej mus siv tej social media platforms kom ntev npaum li ntev tau thiab. Txawm kuv yog neeg paub tab lawm los kuj yeej tseem quav thiab, tab sis kuv yeej tau siv kuv lub caij thaum kuv tseem yau raws li qhov tsim nyog lawm.''
"Kuv yeej tau muaj cib fim ua ntau yam kuv xav ua, txheeb kom paub tias kuv yog leej twg yam tsis tas yuav muaj ib tug twg los saib los txheeb kuv, kuv yeej tau ua ntau yam yuam kev yam tsis raug coj mos qhia mus tso rau hauv online, kuv yeej muaj kev sib cuag nrog rau kev tej phooj ywg thiab kev tsev neeg yam tsis muaj dab tsi cuam tshuam rau kuv lub neej.''
Nws tau hais tias nws yeej totaub tias yuav yog tej yam nyuaj vim nws tus ntxhais tej phooj ywg tsev neeg lawv yeej ua ntau yam txawv.
"Txawm li cas los kuv yeej cia siab tias yuav tau phooj ywg txaus los pom zoo ua raws lub tswv yim no kom pab tau dab tsi zoo rau lawv tej me nyuam thiab pab kom lawv tej me nyuam tau siv lub caij nyoog tsim nyog raws li ib tug me nyuam yaus thaum lawv tseem yau li kuv tham txog thiab.''
Tej niam txiv yuav tsum tau nrog lawv tej me nyuam siv ua ke
Dany Elachi uas yog ib tug leej txi ntawm Sydney los kuj tau teeb tsa lub koom haum Heads Up Alliance tom qab tau nrog lwm tus niam txiv tham txog nws tus ntxhais raug tsuab nias los ntawm nws tej phooj ywg kom yuav ib lub xov tooj rau nws kom thiaj sib cuag tau nrog nws tej phooj ywg.
Ces lub koom haum no thiaj thov kom tej niam txiv kom kub siab cheem thiab ncua tsis txhob pub lawv tej me nyuam siv xov tooj ntawm tes (smartphones) thiab social media txog rau thaum kawm tiav xyoo 8 tso.
Nws tau hais tias "Tej peb ua ces yog qhia rau tej niam txiv txog qhov tseeb ntawm tej algorithms thiab tej tuam txhab social media uas txhob txwm tsim lawv tej apps coj los siv kom tau txais txiaj ntsim los ntawm peb tej me nyuam txoj kev xav.''
Dany Elachi tau teeb tsa lub koom haum Heads Up Alliance tom qab uas nws tau muab ib lub xov tooj ntawm tes rau nws tus ntxhais hlob siv, vim tsis xav kom nws yog tib tug ntawm nws tej phooj ywg uas thiaj tsis muaj xov tooj siv xwb. Source: Supplied
Nws tau hais tias "Nyias yeej muaj nyias txoj kev xaiv, tab sis kuj yog tej yam tseem ceeb uas lwm tus niam txiv paub tias yeej muaj ntau tus niam txiv yeej tau cheem tsis pub lawv tej me nyuam siv.''
"Li tej xwm txheej tau tshwm sim rau kuv thiab kuv poj niam wb — wb tau xav tias ntshe tsuas yog wb thiaj cheem tsis pub tej me nyuam siv xwb thiab yeej raug tsub nias ntau heev kom ua li lwm cov niam txiv ua thiab thaum xub wb yeej tau muab ib lub xov tooj rau ib tus ntxhais siv,'' tab sis kuj tau hais ntxiv tias cov kev txiav txim siab no tau ua rau nkawv tu siab tom qab tuaj thiab.
Tso cai rau tej me nyuam siv social media
Catherine Page Jeffery yog ib tug lees kais qhia txog media thiab communicaitons ntawm tsev kawm qib siab University of Sydney thiab kuj yog ib tug leej niam muaj ob tug me nyuam.
Nws yeej lees paub tias muaj ntau yam teeb meem phom sij cuam tshuam nrog tej hluas cov kev siv social media, tab sis ntseeg tias tsis tsim nyog yuav txwv lawv txog ntua hnoob nyoog 16 xyoo.
"Yog tias tej niam txiv xav ua tiag, thiab lawv tej me nyuam los kuj mloog lus thiab, ces tej zaum kuj ua tau, tab sis ho yuav ua rau tus me nyuam ntawd plam dab tsi thiab?
"Seb ho ua rau lawv ho plam tej tcuj ci dab tsi ua us rau lawv tsis muaj cib fim tau txais kev txhim kho lawm? Thiab seb cov kev txwv no ho ua rau tej me nyuam chim rau yus npaum li cas? Los yog ua rau muaj cov kev tsis sib haum xeeb nrog yus ntau npaum li cas thiab?''
''Yog tias peb ho tham txog tej xub ke los tiv thaiv kom raug teeb meem tsawg zog rau tej me nyuam hauv online, ces tsim nyog yuav tau sib khom ua ntuv zus thiab sab laj sib tham txog tej kev siv no ntawm tej niam txiv thiab tej me nyuam.''
Yeej muaj tej social media platforms ntau lub yeej tau teev tias ib tug neeg siv lawv tej platforms yuav tsum tau muaj hnoob nyoog yam tsawg pes tsawg xyoo tab sis yeej tsis los ua tib zoo txheeb tej neeg uas tsim tej account ntawd siv tej hnoob nyoog li. Source: Getty / Picture Alliance / DPA
Nws tus ntxhais los yeej xav siv lub platform no kom thiaj tau sib ntsib sib cuag tau nrog nws tej phooj ywg uas yeej tau tab tom siv.
"Yeej muaj ib co kev xav tias tej hluas cov kev sib ntsib sib cuag hauv social media thiab online tsis yog tej yam kev sib ntsib sib cuag tiag thiab yuav ua rau tej hluas plam tej txuj sib ntsib sib cuag nrog lwm tus.
"Tab sis zoo li tej laus pheej xav kom tej hluas siv tej laus lub tswv yim los sib ntsib sib cuag nrog lwm tus los sis thiaj tsuas yog tib txoj xub ke uas tsim nyog siv hauv ntiaj teb no xwb, kuv xav tias tej laus los yog tej nom tswv muaj fwj chim tsim nyog yauv tau xyuas tej no kom zoo tshaj thiab yuav tau koom tej hluas lub ntuj thiab lees tias tej hluas tsuas ua lub neej qee yam hauv online xwb.''
''Yeej tsis yog ib cov kev yuav tsis ua raws li ib txwm ua dab tsi vim tsuas siv internet los yog social media xwb.''
Page Jeffery yeej lees tias nws tau dag nws tus ntxhais lub hnoob nyoog kom thiaj tsim tau ib phau account rau nws siv, vim tej social media platform yeej teev tias yuav tsum muaj hnoob nyoog yam tsawg li 13 xyoos mas thiaj pub qhib ib phau account siv.
Nws tau hais tias nws yeej xav kom nws tus ntxhais ua li cas thaum nws siv social media.
"Wb yeej tau tham txog nws cov kev siv. Kuv yeej koom ua phooj ywg nrog nws thiab nws los yeej caum kuv qab, kuv yeej paub tias nws ua dab tsi thiab wb los yeej sib tham ua kev thiab yeej siv social media ua ke thiab kuj kawm ua ke tias ho yuav siv li cas kom thiaj tau txais txiaj ntsim.''
Page Jeffery yeej tham qhib siab lug nrog nws tus ntxhais txog tej xov xwm uas nws tau mus siab hauv online thiab kuj tau tham txog tej duab liab qab, tej kev xav txog yus lub cev tias tsim nyog zoo li cas, lub tswv yim txhawb nqa kom tej neeg yuav khoom siv, thiab txoj kev sib raug zoo coj los qhia txog nws cov kev siv social media.
Nws kuj tau hais tias txawm tias tej teeb meem cuam tshuam txog cov kev coj lwm tus tej duab coj mus siv txhaum cai, cov kev pheej mus tham mus ntxias lwm tus thiab cov kev thab zes lwm tus yeej yog ib co teeb meem muaj hauv online, thiab yeej muaj tej kev teeb txheeb txog lwm yam teeb meem — vim tias tej xwm txheej no yuav ua rau tsis muaj kev hwm yus tus kheej, muaj teeb meem rau cov kev txhim kho lub hlwb thiab cov kev kub siab nias siab hlo rau ib yam dab tsi — yeej muaj feem cuam tshuam tsawg dua thiab.
"Lawv kuj tau qhia tias yeej muaj qee yam kev sib cuam tshuam ntawm cov kev tsis tshua hwm yus tus kheej thiab cov kev siv social media, tab sis tsuas muaj tsawg tsawg xwb thiab kuj yog tej yam nyuaj heev ... yuav qhia tau tias yog tim dab tsi ua rau muaj tej teeb meem no tiag.
"Yog li thiaj xav kom peb yuav tsum ua tib zoo txheeb zoo zoo txog tej kev teeb txheeb no uas pheej qhia tias cov kev siv social media yuav ua rau muaj tau lwm yam teeb meem ntawd thiab.''
Nws tau hais tias yeej zoo tib yam li txhua yam uas peb yuav tsum tau xyuas kom tsuas siv tej social media no hauj sim thiab yuav tsum muaj cov kev txwv tias tsuas pub siv tej twj twg siv social media xwb, ua ke no los kuj tsuas txwv raws li qhov tsim nyog txwv xwb thiab.
Catherine Page Jeffery uas yog ib tug lees kais qhia communications thiab media hais tias yeej ib txwm muaj ib co kev xav tias tej hluas cov kev sib ntsib sib cuag hauv online yeej tsis yog cov kev sib ntsib sib cuag tiag li tej laus cov kev sib ntsib sib cuag. Source: Supplied / Bill Green
"Yeej tau muaj cov kev tham (ntawm teb chaws Australia no ntau heev) txog tej kev pho sij thiab tej teeb meem tsis zoo yuav muaj tau, thiab kuv xv tias peeb yuav tau ua tib zoo los tham txog tej no,'' raws li Page Jeffery tau qhia.
"Vim pheej ua rau tej neeg xav tias cov kev ua ib tug niam txiv zoo yog yuav tau pov puag yus tus me nyuam kom tsis txhob tau siv tej xov tooj, ces tej zaum tej niam txiv thiaj ua lu ntawd xwb, vim tej niam txiv los yeej xav kom tau qhov zoo tshaj plaws rau lawv tej me nyuam.
''Qhov tseeb tiag mas peb tseem yuav tau los ua tib zoo tham kom ntxaws txog tej no.''
Tsoom fwv tseem tab tom xav tsim cai los tswj tej hluas cov kev siv social mdia
Tam sim no ces yeej Mobile lawm.
Tsoom fwv South Australia los kuj tseem tab tom xav tias seb puas yuav txwv tsis pub tej me nyuam hnoob nyoog qes dua 14 xyoos qhib tej social media account siv thiab limtiam dhau los los tej hau xeev NSW, Queensland thiab Victoria yeej tau txhawb nqa kom nce tej hnoob nyoog kom siab tuaj ntxiv mam pub siv ntau cov platforms li TikTok, Facebook thiab Instagram.
Tsis tas li ntawd los kuj muaj cov kev siab hais muaj ceev heev kom txwv tej kev siv social media hauv tsev tsoom fwv teb chaws thiab. Thawj pwm tsav Anthony Albanese los yeej tau hais rau hnub zwj Teeb (Thursday) tias social media yog ''tej yam ua rau sawv daws kev kub ntxhov ntau yam'' thiab nws yeej tau hais tias xav kom tau txais kev txhawb nqa thiab koom tes los daws tej teeb meem no ntawm ob pab nom tseem ceeb.
Mark Dreyfus uas yog Australia tus nom lij choj teb chaws los kuj tau qhia tias tsoom fwv tseem tau tab tom sab laj txog tias tsim nyog muaj hnoob nyoog li cas thiaj pub siv social media thiab.
Dreyfus tau hais tias "Peb xav tau kev koom tes los ntwm tej social media platforms ... thiab peb yuav tsum tau nrog xyus kom tej social media platforms yuav tsum ua raws li Australia tej cai.''
Peter Dutton uas yog tus coj ntawm lwm pab nom teb chaws los yeej tau qhia rau hnub zwj Teeb (Thursday) tias Facebook, Instagram thiab TikTok los yeej tau txais txiaj ntsim los ntawm tej hluas thiab ua rau muaj teeb meem rau tej hluas. Nws thiaj tau cog lus tias yuav ub zib zoo xyuas kom nces tej hluas hnoob nyoog 16 xyoo tso mas thiaj pub siv yog tias nws pab nom koom tswj yeej cov kev xaiv tsa tsoom fwv teb chaws tshiab tom ntej no.
Nws tau hais tias "Tej tuam txhab social media tau tsis kub siab txog Australia tej cua byig vim lawv tsis nrog tswj tej neeg cov hnoob nyoog. Tej no yog ib co ntawm ntau cov teeb meem uas peb muaj peev xwm ua coj los pab pov puag peb tej me nyuam hauv online, thiab peb tej cuab yig thiab tej niam txiv kom muaj tej twj coj los pab raws li qhov lawv xav tau xwb.''
Mark Butler uas yog Australia tus nom tswj dej num noj qab haus huv tau hais tias tseem yuav los txheeb tias seb tsim yog yuav txwv tej me nyuam muaj hnoob nyoog li cas, tab sis yeej tau los ua cov hauj lwm yuav los txheeb kom paub tej hnoob nyoog tiag tiav lawm.
Nws tau hais tias ''Peb yuav tsum xyuas kom teev kiag tias hnoob nyoog li cas thiaj pub siv thiab yuav tau xyuas kom peb muaj tej technology coj los ua tau tej hauj lwm no.''
Ces tsoom fwv teb chaws thiaj kub siab tshwm nyiaj $6.5 million los los lis cov hauj lwm "age assurance technologies" thiab tej nyiaj seem ntawm $43.2 million communications package ntawd los kuj yuav raug coj mus siv tswj tej teeb meem ''uas tab tom tshwm sim muaj thiab tej xwm txheej uas tau pauv hloov tshiab uas yuav ua rau muaj teeb meem hauv online''.
Lub 5 hlis ntuj ces tsoom fwv teb chaws yeej tau qhia tias nws tau npaj ib cov kev mus txheeb txog tej social media tej fwj chim thiab tej teeb meem uas muaj rau Australia tej zejzog.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
