Tej me nyuam hnoob nyoog qes dua 16 xyoo yuav raug txwv tsis pub siv social media lawm raws li tsoom fwv cov kev xav thov los sab laj nrog tej nom tswv xeev ntawm lub rooj sab laj National Cabinet hnub zwj Kuab (Friday).
Thawj pwm tsav Anthony Albanese tau qhia tias nws tab tom npaj xav thov tsim cai los txwv thiab txib kom tej social media platforms yuav tau nrog txwv tsis txhob pub tej me nyuam siv, kom tej niam txiv tsis txhob raug tsub nias.
Nws tau hais ntawm Canberra hnub zwj Teeb (Thursday) tias "Social media tab tom tsim teeb meem tsis zoo rau peb tej me nyuam, thiab kuv yuav xaus tej xwm txheej no,''
"Tej no thiaj yog ib co tseem ceeb uas yuav sib tham sab nraum tej teej kawm tej qhov rooj, los yog sib tham thaum sib tw tennis, cricket, ncaws pob, ntau pob netball, ua luam dej rau lub caij tej niam txiv sib sau ua ke,''
"Yog tej yam uas ua rau muaj kev txhawj xeeb kawg nkaus li, thiab peb paub tias tej social media no yuav muaj peev xwm tsim tau teeb meem dab tsi thiab yuav muaj tej teeb meem dab tsi ntawm no.''
Peb paub dab tsi txog cov kev xav thov tsim tsab cai no siv?
Lub koom haum eSafety commissioner lub tuam chav ua hauj lwm yuav tawm tswv yim me ntsis thiab qhia txog cov kev txwv no tias tom qab tsev tsoom fwv tsim tau tsab cai no 1 lub xyoo ces yuav coj los siv li cas.
Albanese tau qhia tias "Kuv xav kom tej niam txiv muaj peev xwm hais tias: 'Thov txim os, phooj ywg, yog kev tseem cia koj ua li no ces yog ua txhaum cai laid',''
''Kuv yeej tau nrog tej niam txiv, tej pog yawg, tej niam ntxawm txiv ntxawm, niam hlob txiv hlob ntau txheeb tus tham lawm. Lawv los yeej zoo tib yam li kuv thiab uas yeej txhawj xeeb heev txog peb tej me nyuam cov kev nyab xeeb hauv online thiab.''
Tsoom fwv los kuj tseem tab tom sim ib cov program los txheeb kom paub meej tseeg txog tej neeg tej hnoob nyoog, uas yuav qhia peb tias ho yuav siv cov kev txwv no li cas.
Michelle Rowland uas yog tus nom Communications Minister hais tias peb yuav xyuas kom tej social media platforms yog cov lis tej hauj lwm no.
Nws tau hais tias "Yeej yuav npaj ib co cai tseg los ua tib zoo xyuas kom tej platforms muaj ib co txheej txheem raws li qhov tsim nyog los ua tib zoo xyuas kom txwv tias pub tej neeg muaj hnoob nyoog npaum li cas siv xwb,''
"Txog rau tam sim no ces tsoom fwv thiaj li tau los siv txoj xub ke uas muaj peev xwm ua tau tiag,''
"Qhov uas peb tej xub ke no ua ces yog pab kom muaj kev luj haum rau cov kev muaj teeb meem tsawg zog rau tej hluas cov kev siv social media, uas tseem pab kom lawv sib cuag tau thiab muaj feem koom nrog lwm tus.''
Tsoom fwv los kuj yuav los pov puag tej neeg cov privacy rau tej xov xwm tau teev txog tej hnoob thiab.
Rowland tau hais tias tej social media platforms li Instagram, TikTok, Facebook thiab X (Twitter) los yeej raug teev rau cov kev txwv no, thiab ''YouTube los yeej yuav raug txwv thiab.''
"Tej ntawd ces yuav cuam tshuam txog ntau yam li cov kev zam thiab, los yog cuam tshuam txog cov kev xyuas kom tsis txhob muaj peev xwm sib txuas tau los yog siv tau ib co system twg.''
Nws tau hais tias lub koom haum eSafety Commissioner mam li ua tus txiav txim seb tej platforms twg los yog tej activities dab tsi yog cov raug kev phom sij tsawg uas yuav raug zam ntawm cov kev txwv no.
With additional reporting by AAP.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
