Jess Chandler kuj pom tias ''yog tej yam txaus txhawj xeeb heev'' uas ntshe yus tib leej khwv nyiaj xwb yuav tsis muaj peev xwm yuav tau tsev nyob lawm.
Nws yeej tau mus koom sib tw yuav tsev ntau zaus nrog tej nkawm ntiam txiv, tej cuab yig ces thiaj ua rau nws pom tau tias ntshe nws tib leeg xwb ces ntshe yuav tsis muaj peev xwm them tau tag nrho tej nuj nqes siv ua lub neej thiab tsis muaj peev xwm qev tau nyiaj los yuav tsev thiab tsis muaj peev xwm them tej nqe yuav tsev.
Tus neeg hnoob nyoog 36 xyoo uas ua hauj lwm rau nom tswv yeej khwv tau nyiaj ntau tshaj $120,000 ib xyoos twg, tab sis tus neeg qev nyiaj yuav tsev tseem tau qhia rau nws tias ''koj tsis muaj peev xwm yuav tau txhua yam thiab.''
Nws thiaj tau qhia rau SBS News tias ''Kuv xav tias ntshe tej hluas yuav tau xaiv tias seb lawv xav nyob rau qhov twg, yuav siv lawv tej nyiaj li cas, thiab xav ua tej yam dab tsi uas lawv xav tau rau lawv lub neej.''
"Yog xav yuav tsev, ces kuj yog tej yam zoo yog koj muaj peev xwm yuav. Tsis tas li ntawd los cov kev ntoj ncig kuj tseem ceeb thiab, los yog cov kev npaj muaj yus lub cuab yig kuj yog tej yam tseem ceeb rau yus thiab, yog li ntawd yog yus tib leeg xwb ces thiaj yuav tsis muaj peev xwm ua tau txhua yam. Tus neeg mortgage broker thiaj tau qhia rau kuv tias koj yuav tsum xaiv seb koj xav tau qhov twg, thiab yeej yog tej yam nyuaj heev."
Thiab kuj yog ib cov kev xaiv uas haj yam nyuaj heev rau hnub zwj Quag (Tuesday) tim 7.11.2023 thiab, uas Reserve Bank of Australia .
Cov kev txiav txim siab no thiaj yog tej yam nyuaj heev rau tej neeg qev nyiaj yuav tsev, yog tias lawv qev nyiaj nrab li $590,000 los yuav tsev , raws li lub tuam txhab Finder uas sib piv tej kab theem paj rau tej nyiaj qev yuav tsev hais.
Ces ntshe tej zaum tej neeg zoo li Jess uas muaj txoj kev npau suav xav yuav thawj lub tsev rau nws nyob ntawd yuav tsis muaj peev xwm yuav tau lawm.
Vim rau qhov tej kab theem paj kim tau ua rau Jess tsuas qev tau nyiaj txog li ntawm $150,000 rau ib xyoos dhau los xwb uas tej nqe tsev twb tau kim tuaj ntxiv lawm thiab, ces nws thiaj raug yuam kom ''ncua'' nws cov kev npau suav xav yuav tsev rau nws nyob lawm.
Tab sis puas tseem muaj peev xwm yuav tau ib lub tsev rau yus ntawm Australia?
Koj yuav tsum khwv tau nyiaj npaum li cas thiaj muaj peev xwm yuav tau ib lub tsev thoob plaws teb chaws Australia no?
Raws li tej xov xwm uas lub tuam txhab Finder tau qhia, ces tom qab hnub zwj Quag (Tuesday tim 8.11.2023) uas tus kab theem paj tshiab kim zog tuaj lawm, ces kuj tau kwv yees tias neeg Australia yuav tsum khwv kom tau nyiaj yam tsawg li $182,000 mas thiaj muaj peev xwm them tau ib lub tsev tus nqe nrab thoob teb chaws no.
Source: SBS
Hos yog tham txog tej vaj tse uas tseem muaj peev xwm yuav tau nyob ces nroog Perth thiab Darwin yog ob lub nroog zoo tshaj plaws rau yus yuav, yog yus khwv tau nyiaj $116,125 ces yuav muaj peev xwm yuav tau lub tsev tus nqe nrab $590,000 nyob, yog xam raws li cov nyiaj 20 feem puas uas yus coj mus luab/xiab yuav lub tsev ntawd.
Leej twg thiaj muaj peev xwm yuav tau ib lub tsev nyob?
Raws li lub koom haum Prop Track uas yog ib lub koom haum teeb txheeb txog tej xov xwm cuam tshuam txog tej kiab khw lagluam vaj tse tsab ntawv cej luam lub 9 hlis ntuj uas tau tshuaj ntsuam txog tej vaj tse ntawd tau hais, ces ntshe yuav ua rau tej neeg Australia tag kev cia siab rau cov kev xav yuav kom tau thawj lub tsev rau lawv nyob lawm.
Angus Moore uas yog ib tug economist tseem ceeb ntawm lub koom haum PropTrack tau qhia rau SBS News tias yog tham txog cov kev muaj peev xwm yuav tau tej tsev pheej yig nyob lawm ces yog ib co teeb meem loj tshaj plaws uas peb pom rau lub caij peb caug xyoo no.
Moore tau hais tias "Tsis hais yus yuav khwv tau nyiaj npaum li cas li, yus yeej tsis muaj peev xwm yuav tau tej vaj tse qho lub uas muaj tsawg heev lawm."
Source: SBS
Hos tej cuab yig khwv tau nyiaj tsawg txog $64,000 rau ib xyoos twg xwb ces tsuas muaj peev xwm them tau tus nqe tsev txog li 3 feem pua xwb.
Nws tau hais tias "Kuv xav tias yog tej yam qhia tias nyuaj npaum li cas rau cov kev yuav tsev tam sim no thiab seb yus ho puas muaj peev xwm them tsev rau lub caij uas tus kab theem paj kim sai heev tuaj lawm."
''Vim rau qhov tias muaj neeg xav yuav tsev ntau tshaj qhov muaj tej vaj tse muag lawm'' ces thiaj ua rau tej nqe tsev kim tuaj txog li 4.9 feem pua thoob teb chaws no lawm, thiab txawm tias tias kab theem paj kim los yeej ua rau tej nqe tsev ntawm Sydney kim ntxiv txog li 7.5 feem pua, thiab ua rau nqe tsev ntawm Perth kim tshaj 10 feem pua tsaib no thiab.
Moore tau hais tias txawm tias kab theem paj kim los tej nqe tsev no ''yeej tseem kim kawg li'', thiab txawm tias tej nqe tsev tau kim tuaj ntxiv los kuj ua rau tej neeg muaj peev xwm qev tau nyiaj tsawg lawm thiab.
Txij lub 5 hlis ntuj xyoo 2022 los ces tau nce kab theem paj 11 zaug lawm ces thiaj tau txo tej neeg cov peev xwm qev nyiaj txog 30 feem pua rau ob xyoos dhau los no lawm, thiab vim tias tej neeg yeej khwv tsis tau nyiaj ntau ntxiv thiab ces thiaj tsis muaj peev xwm them tau tej kab theem paj uas kim tuaj ntxiv no.
Yuav ua li cas tej neeg xav yuav thawj lub tsev thiaj muaj peev xwm yuav tsev?
Associate professor Ben Phillips ntawm tsev kawm qib siab Australian National University tau hais tias lub sij hawm ib xyoos txog rau ib xyoos rau hli dhau los no ces yeej yog tej yam nyuaj kawg nkaus rau tej neeg xub xav yuav thawj lub tsev nyob.
Tseem yog tej yam nyuaj heev rau tej hluas hais tsi ntsees rau tej hluas uas tseem tsis tau muaj cuab yig. Thiab yeej yog tej yam nyuaj heev rau lawv los tau ntev heev tam sim no lawm.Associate professor Ben Phillips, Australian National University.
Nws tau hais tias tseem muaj teeb meem rau tej neeg npaj tsis tau tej nyiaj coj mus xiab (deposit), thiab kuj tseem cuam tshuam txog tias seb ob tug neeg twg puas muaj peev xwm qev tau nyiaj ua ke, los yog ho puas tau txais kev pab los ntawm lawv tsev neeg kom thiaj tau qhov nyiaj deposit, uas yuav pab kom ho muaj qee cov kev xaiv thiab.
Nws tau hais tias "Ib txhia ces ntshe yuav tau txo lawv cov kev cia siab rau cov kev yuav tsev me ntsis thiab. Tej zaum yus kuj ho yuav tsev kom nrug nroog me ntsis, los sis ho yuav cov tsev unit kom me zog. Yog tias koj nyob ntawm Melbourne los yog Sydney, ces cov kev taw qhia tseem ceeb rau koj ces tsis txhob yuav cov tsev kim kim tab sis ho yuav cov ib nyuag pheej yig zog. Uas kuv xav kom tsuas yuav cov yuav tsev uas yus muaj peev xwm them tau xwb.''
Tej nyiaj hauj lwm los kuj khwv tau ntau tuaj qeeb kawg nkaus li thiab ces thiaj tsis muaj peev xwm them tau tej kab theem paj kim tuaj ntxiv, thaum kawg ces Moore thiaj tau hais tias Australia yuav tsum tau tsim kom muaj tej tsev ntau tuaj ntxiv.
Yeej muaj ntau yam peb muaj peev xwm ua tau, li tsim tsev kom ntau ntxiv rau tej chaw uas tej neeg xav nyob. Thiab tos tej nqe tsev kim ntawm Australia los vim yeej muaj neeg coob heev xav yuav tsev thiab yeej nrhiav tsis tau ib lub tsev yuav yooj yim li. Yog li ntawd lub tswv yim yuav los daws tau tej teeb meem no ntev ntxiv tuaj ces yuav tsum tau los tsim kom muaj tsev ntau ntxiv rau tej neeg nyob mas thiaj muaj peev xwm yuav tau tej tsev uas muaj peev xwm them tau.Prop Track senior economist Angus Moore
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
