Tam sim no ces muaj neeg kis tau kab mob COVID-19 plaub tug tshiab ntxiv thiaj ua rau muaj neeg kis tau tus kab mob COVID-19 tag nrho ntawm xeev Victoria tam sim no txog 30 tus neeg ces thiaj tseem muaj 39 tus neeg kis tau tus kab mob no tam sim no (28/05/2021).
Txij ib tag hmo hnub Thursday tim 27/05/2021 ces tau pib txwv tsis pub tej neeg tawm mus pla rau ub rau no lawm. Thiab tsuas pub tawm mus tau rau lwm qhov chaw raws 5 co laj thawj (reasons) raws li hauv qab no xwb:
- Muaj yuav khoom noj khoom siv thiab siv lwm cov kev pab cuam los yog provide services rau lwm tus
- Mus tu thiab saib xyuas lwm tus
- Mus ua exercise tau ntev txog 2 teev nrog rau ib tug neeg twg.
- Mus ua hauj lwm los yog mus kawm ntawv yog tau txais kev tso cai mus tau.
- Mus hno tshuaj COVID-19 vaccine.
Txawm li cas los nom tswv xeev Victoria lub tuam chav lis laj fai tswj kev noj qab haus huv xeev (Victoria Health Department) kuj tau qhia tias hnub tim 27/05/2021 dhau los kuj txheeb tau tias muaj tej neeg txog li 10,000 tus uas tej zaum tau mus ncig rau tej chaws uas tej neeg kis tau tus mob COVID-19 tau mus ncig los yog tej zaum yuav tau nyob ze tej neeg kis tau tus mob no.
Yog li ntawd nom tswv xeev thiaj nqua hu kom tej neeg no txheeb seb lawv puas tau mus rau tej chaw ntau tshaj li 121 thaj chaw thoob nplaws nroog Melbourne no thiab kom mus sim, cais lawv tus kheej los yog hu xov tooj rau Coronavirus Hotline tus xov tooj 1800 675 398 mus teem caij koj koj tau hno cov tshuaj Pfizer COVID-19 vaccine yog tias koj yog cov neeg muaj hnoob nyoog 40-49 xyoos rau ntawm xeev Victoria tej chaw uas yuav hno kom tau tej tshuaj no ntau ntau rau tej neeg coob coob. Thiab nom tswv xeev yeej qhia tias yuav hno tshuaj rau cov neeg muaj hnoob nyoog no rau ntau limtiam ntxiv tom ntej no.
Txawm li cas los nom tswv kuj tau qhia tias muaj tej chaw uas tej zaum yuav muaj peev xwm kis tau kab mob COVID-19 txog 150 thaj chaw thoob nplaws nroog Melbourne thiab tej zos yaj sab qee cheeb tsam lawm. Nom tswv xeev tau qhia tias muaj 5 thaj chaw li Modialec, Three Monkey, Somewhere Bar, Palace Hotel thiab Local Club ntawm nroog Melbourne yog cov chaw uas txaus txhawj xeeb heev. Ntxiv ntawd los nws kuj tseem tau txhab ib cov chaw tshiab ntxiv rau thiab xws li RMIT University buildings, Coburg's Pentridge Cinema ntau thaj chaw ntawm lub chaw nres thiab caij tsheb ciav hlau Southern Cross Station nrog rau lub Coffee Club ntawm Craigieburn Central Shopping Center nrog thiab.
Koj muaj peev xwm mus txheeb tau tej chaw no ntawm
- Tej neeg ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Txheeb seb koj lub xeev ho muaj cov kev txwv tsis pub neeg sib sau ua ke li cas ntxiv.Yog tias koj tau khaub thuas thiab muaj yam ntxwv mob lawm ces nyob twj ywm hauv tsev, thiab npaj hu nrog koj tus kws kho mob tham los yog hu rau lub chaw tswj xov xwm txog tus kab mob coronavirus (Coronavirus Health Information Hotline) tus xov tooj 1800 020 082 tham seb yuav ua li cas.
- Mloog tau xov xwm txog tus kab mob COVID-19 ua 63 hom lus tau ntawm
- Xav kom koj yuav tsum tau mus txheeb tej nom tswv ntawm koj lub xeev: , , , , , , cov kev taw qhia ntxiv.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
