Burdekin plums
Burdekin plums ces yeej zoo tib yam li tej txiv khaus taw (txiv raum npua) thiab noj nyoos tau, xyaw nrog tej zaub salads los yog siv ua cawv tau.
Brush cherries
Brush cherries ces muaj cov pink blush thiab nkig nkig, refreshing texture. Noj tshiaj tshiab los yog xyaw tej txiv xyoob txiv ntoo ntau yam sib xyaw los yog siv coj los ua jams.
Bush cucumber
Bush cucumber ces yog ib cov dib qus uas cab hmab, thiab muaj kob ntsuab. Neeg txum tim Aboriginal nyiaj noj heev vim yog tej yam qab thiab tab sis yuav tau ua tib zoo kaws cia kom zoo thaum de lawm. Yog tov xyaw salad ces yuav qab heev, thiab ua zaub qaub.
Cedar Bay cherries
Cedar Bay cherries yog qab thiab muag, muaj tej nqaij txiv qab zib, thiab muaj ntau hom loj me txij li luaj lub txiv cumquat (txiv qaub lime tov txiv kab ntxwv). Tej txiv no ces txawm de tau los cia li noj los yeej qab heev, tab sis kuj muaj peev xwm coj mus tov xyaw tej khoom noj qab zib tau thiab.
Davidson's plums
Davidson’s plums ces yog ib co txiv txw ntawm tej ntoo ntxoov li nplooj txoob, thiab thaum noj lawm qaub. Ces muaj peev xwm siv coj los ua sauces, jams thiab coj los tsau tej nqaij thiab muaj peev xwm siv los ua cawv.
Desert lime
Desert lime ces yog ib cov txiv qaub hav suab puam uas ib nyuag qaub thiab muaj kua. Tus yam ntxwv zoo li lub txiv qaub me me, thiab muaj cov tawv txoom ntxhib. Ces thiaj zoo los ua cov jams thiab marmalades, zoo coj los zom ua kua tsau tej seafood thiab kuj yog tej yam qab heev yog siv ua sorbet.
Finger limes
Finger limes (liab thiab daj) vim yog ib cov txiv luaj tej ntiv tes thiab ntev. Thaum noj lawm yeej quab tib yam li txiv qaub tab sis yog muab nyem ces tawm cov txiv zoo li qe ntses nrog ib co kua. Siv coj los xyaw seafood li oysters thiab tov rau tej dej cawv haus.
Illawarra plum
Illawarra plum (ces yeej paub tias yog cov txiv Daalgaal los yog cov txiv Gidneywallum) uas yeej muab kob paj yeeb ntsha/tsos hmab ntsha, thiab muaj tus ntxhiab qab li cov cawv txiv plum. Muaj peev xwm xyaw cov txiv plum rau tej khoom noj qab zib, li tarts los yog nyuag mos (cakes) los yog siv coj los nyoj qab zib (Jams).
Kakadu plums
Kakadu plums ces yog ib co txiv raug txheeb tau tias muaj vitamin C ntau tshaj plaws hauv ntiaj teb. Uas yog muaj vitamin C ntau txog 50 npaug ntawm tej muaj ntawm tej txiv kab ntxwv! Muaj peev xwm siv coj los ua jams, ua syrups thiab ua sauces tau.
Kutjera
Ces paub tias yog ib co txiv cawv hav suab puam thiab kuj yog ib cov qoob loo li tej txiv lws suav. 100 yam txiv lws suav qus ntawm teb chaws Australia no ces tsuas muaj 6 yam thiaj yog cov noj tau xwb. Thiab yog ib co muaj vitamin C, thiab muaj potassium ntau. Muaj peev xwm siv coj los ua sauces, thiab pab kom tej khoom noj qab, thiab muab ziab kom qhuav coj los tim xyaw tej txuj lom ntau yam tau.
Lemon myrtle
Ces yog ib co tauj dub ntoo uas siv tau tej nplooj de tau tshiab los ua ntau yam, thiab tej nplooj no yeej qab tib yam li tauj dub. Kuj muaj peev xwm muab ziab kom qhuav zom ua hmoov los yog siv cov de tau tshiab tshiab kiag. Yog tej yam zoo tov xyaw tej sauces thiab tov xyaw tej kua tsau nqaij ces yuav pab kom tus ntxhiab tsw qab, thiab yeej zoo tov xyaw rau tej khoom noj qab zib li cakes thiab sorbets.
Marsdenia
Kuj paub tias cov txiv no hu ua (bush banana, kurgula, langkwe los yog myakka) uas yeej muaj peev xwm noj tau ntau yam, tsis hais cov txiv uas tus yam ntxwv zoo li txiv avocado uas qab sib xwb li tej taum mog, thiab tej kav tseem mos los yog tej nplooj, tej kua txab los kuj noj tau thiab. Tej nplooj tseem mos ces yeej zoo tov xyaw salads noj, hos tej txiv ces kuj qab heev yog tias muab hau thiab xyaws mis khov tawv, fwj txob thiab txuj lom.
Molucca raspberries
Ces yeej muaj ntsis zoo li Europe tej txiv raspberries (txiv pos nphuab) ntau yam uas yeej muag muag, qab zib. Ces muaj peev xwm siv coj los ua james thiab ua khoom noj qab zib.
Mountain pepper
Fwj txog roob (thiab kuj hu ua Tasmanian pepper) ces yeej zoo tib yam li tej fwj txog uas ib txwm siv, tab sis kuj noj tau tej txiv fwj txob thiab tej nplooj fwj txob tib si. Thiab yeej muaj peev xwm siv tau tib yam tej fwj txob lwm yam. Ces tej txiv fwj txog dub los yeej muaj peev xwm coj los tov xyaw tej sauces uas muaj cov kob zoo tib yam li cov txiv pluam.
Muntries
Kuj paub tias hu ua muntharis thiab, thiab kuj qab li tsiv apple thiab neeg txum tim Aboriginal yeej ib txwm muab zom ua hmoov thiab puab uas ib tug ib tug noj ua cov fruit bars. Thiab kuj muaj peev xwm siv xyaw tau nrog tej khoom noj qab zib thiab nqaij los yog tej khoom noj daw ntsev thiab iab - thiab kuj tov xyaw tej fruit salads thiab coj los tsau nqaij (marinades).
Native thyme
Yeej muaj peev xwm cog tau cov native thyme yooj yim ntawm tej vaj zaub ntawm tej qab vag tsib taug, thiab yeej muaj peev xwm siv tib yam li tej thyme uas yus ib txwm siv; txawm li cas los siv me ntsis xwb yeej tau lawm. Muaj peev xwm siv coj los tsau nqaij kom qab thawm, siv los ua txuj lom, coj los pleev ib yam dab tsi thiab coj los uas cov tsos tov rau tej sauces kom qab.
Passion berries
Yog ib feem ntawm tej txiv lws suav uas ib txwm muaj ntawm teb chaws no tab sis qab zib dua, thiab qab dua cov txiv kutjera. Muaj kob daj, thiab tej txiv ces muaj cov tsos qab zoo li muab txiv tsawb, caramel thiab vanilla sib tov. Muaj peev xwm coj los xyaw fruit salads lso yog siv coj los ua cov kua syrups qab zib thiab coj los nyoj ua jams tau.
Quandongs
Yog ib co txiv uas muaj txiaj ntsim zaub mov heev, vim yog cov muaj tej vitamin C ntau tshaj ob npaug ntawm tej muaj ntawm ib lub txiv kab ntxwv. Ces tej txiv no thiaj qab heev thaum tov xyaw txhua yam tsis hais xyaw rau tej pies qab zib los yog ua cov savoury sauces rau tej nqaij.
Riberry
Yeej ib txwm hu cov txiv no ua Lilli pilli, uas yog ib co txiv me me kob liab tim kob paj yeeb, muaj tus tsos qab zib xem, tab sis kuj muaj ntau yam minerals tseem ceeb. Muaj peev xwm siv xyaw tej khoom noj txom ncauj li ice cream thiab chocolate. Tsis tas li ntawd los kuj zoo coj los xyaw tej khoom noj daws ntsev los yog khoom noj iab ntau yam thiab.
River mint
Muaj ntsis zoo sib xws li cov pum hub (spearmint) thiab tej neeg uas tau xub tuaj pib neej tshiab ntawm teb chaws Australia no los yeej swm nrog tus tsos txuj lom no zoo. Siv coj los xyaw nqaij yaj ci los yog coj los ua jelly coj los peev rau tej khoom ci.
Salt bush
Yog ib co nplooj zaub qab ntsev uas Australia tej khw noj mov nyiam siv heev. Tej zaub uas muaj txiaj ntsim zaub mov no yeej muaj peev xwm coj mus siv ua tau ntau yam, tsis hais tov xyaw salads, los yog kib xyaw ib yam dab tsi, thiab muaj peev xwm xyaw rau tej pasta.
Sea parsley
Feem ntau ces yeej hu ua sea celery, uas yog ib co muaj ntsis zoo li cov European parsley thiab zoo sib xws. Kuj tuaj zoo heev rau tej chiv uas muab cov seaweed xyaw thiab feem ntau ces yeej raug dej hiav txwv nyab ploj (vov), ces cov parsley uas muaj ntawm teb chaws no thiaj yog ib cov khoom noj uas muaj tus ntxhiab tsw hiav txwv. Siv coj los tov xyaw tej txuj lom, coj los ua kua ywg, los yog coj los tsau tej seafood.
Tanami apple
Kuj yog ib co ntawm tib co bush tomato (txiv lws suav qus) uas txi cov txiv loj luaj lub pob golf uas noj lawm qab li tej dib de tau tshiab tshiab thiab muaj tej noob dub uas iab. Ces yus muaj peev xwm muab tej noob kaus tawm thiab muab tej txiv xyoob txiv ntoo tso rau xyaw tej mis khov thiab tej txuj lom ua ntej coj mus ci.
Wattleseed (acacia)
Yog ib co uas neeg Australia feem coob swm, tsis yog txhua yam noob yog tej noob uas noj tau, tab sis uas noj tau ces yeej muaj peev xwm siv tau ntau yam ntawm tej chaw ua noj. Tsis tas li ntawd los tej noob kuj muaj protein ntau thiab uas muaj peev xwm coj los ua ncuav, thiab tim xyaw tej txuj lom thiab coj los ua tej khoom pleev lwm yam, uas yeej muaj peev xwm coj los ci thiab tov xyaw rau tej khoom noj qab zib.
Cooking ideas!
Glossy pearls that zing - native lime packs a punch
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
