Ntsiab lus tseem ceeb:
- Jason Clare uas yog tus nom tswj dej num kev kawm hais tias kuj muaj cov lus cav zoo tias tsim nyog yuav them cov HECS raws cov index li cas thiab.
- Nws tau hais tias nws tau txib kom pib pawg neeg txheeb xyuas cov kev kho cuam tshuam txog cov kev kawm no los txheeb txog tej no lawm.
- Tej nuj nqes HECS uas yog tus zauv nrab ces tiv txog li ntawm $24,000.
Tus nom tswj dej num kev kawm hais tias kuj yuav yog tej yam zoo thiab yog tias muaj cov kev pauv hloov tias ho txheeb tias seb ho xam thiab seb ho yuav them tej paj rau tej nuj nqe HECS li cas, tom qab uas tej tub kawm tam sim no los yog tej tub kawm dhau los tiv ntuj nqes ntau tuaj ntxiv lawm.
tau ua rau tej tub kawm yuav tau them tej nqe no ntau txheeb dollars ntxiv rau tej nuj nqes no txij li hnub tim 1 lub 6 hli ntuj mus.
Jason Clare uas yog tus nom tswj dej num kev kawm tau hais tias kuj muaj qhov zoo rau cov kev them tej nuj nqes uas tau xub muaj thaum xub thawj raws cov tsis yog yuav them raws li tej nuj nqes uas muaj tam sim no.
Yog tias ib tug tub kawm twg muaj cov nuj nqes no txog li $20,000 thiab twb them tag $2,000 lawm, ces tseem tsub tej indexation no ntxiv rau tej nuj nqes xub thawj tsis yog tej nuj nqes $18,000 tam sim no.
"Tej no ua rau kuv pom tias tsis yog lawm,'' raws li nws tau qhia rau tej neeg nthuav xov xwm ntawm Canberra hnub zwj Kuab.
Jason Clare uas yog tus nom tswj dej num kev kawm tau hais tias tej zaum kuj yuav yog tej yam zoo rau cov kev hloov los xam tias yuav them paj li cas rau tej nuj nqes HECS thiab. Source: AAP / Lukas Coch
Thiab yuav muaj tsab ntawv cej luam uas xub txheeb tau tej hauj lwm no thaum ntxov coj los qhia rau nws lub hli tom ntej no.
Pab nom Greens hais tias kom tsis txhob siv cov HECS indexation, uas yuav ua rau tsoom fwv poob nws tej nyiaj puag xyoo txog li ntawm $9 billion.
Mr Clare tau hais tias tej tswv yim uas siv tam sim no tseem zoo tshaj tej nyiaj nqev ntawm tej txhab nyiaj uas lawv tsub paj kom tau nyiaj tsam thiab, vim rau qhov tej nuj nqes ntau yam txawm kim tuaj lawm, los yeej tseem them raws li tej nyiaj uas tej neeg khwv tau xwb thiab.
Nws hais tias "Tsuas yog tias xyuas kom tej nyiaj sau tau los ntawm tej se uas qev rau nej $1 dollars ntawd kom tau lub qub rov qab xwb."
Yog nug txog tej kev txhawj xeeb ntawm tej nuj nqes HECS uas qev coj mus siv kawm ntawv qib siab ntawd tias puas yuav ua rau muaj teeb meem rau ib tug neeg twg cov kev qev nyiaj thiab nws tej credit ntawm tej txhab nyiaj li cas, ces nws tau teb tias tej chaw qev nyiaj tsuas xav qhov seb lawv khwv puas tau nyiaj ntau los sis seb lawv ho muaj peev xwm yuav khwv tau npaum li cas ntawd xwb.
Nws tau hais tias "Tej uas nej them txhua xyoo los yog txhua hli ces tsuas xam raws li tej nyiaj uas nej khwv tau xwb, tsis yog xam raws li cov indexation thiab tej txhab nyiaj yeej pom txog qhov ntawd.''
Mr Clare tau hais tias yeej tseem tau txais txiaj ntsim rau cov kev kawm ntawv ntawm tsev kawm qib siab, vim tej neeg uas kawm tiav lawm yeej khwv tau nyiaj hauj lwm nrab txog li ntawm $100,000 yog piv rau tej kawm tiav high school ces tsuas khwv tau $70,000 xwb.
Tus nom no thiaj hais tias "Yog tias yus kawm tias high school thiab ho mus kawm TAFE los yog mus kawm qib siab txuas ntxiv ces yog tej yam zoo rau yus."
Yog li ntawd tej nuj nqes HECS uas xam ua tus zauv nrab ces yog tiv txog li $24,000.
