Ntsiab lus tseem ceeb:
- Labor hais tias nws yuav kub siab xyuas kom tsim kom tau ib tsab cai coj los tswj tej nqe yuav tej tshuaj teev nrog PBS kom tau them $25 xwb.
- Yog tias raug rov qab xaiv tsa los ua nom ib zaug ntxiv ces tsoom fwv Albanese yuav txo tej nqe tshuaj li hais no txij lub 1 hlis ntuj xyoo 2026 mus.
- Tej hauj lwm no yuav ua kom tej nqe tshuaj pheej yig rau Australia tej neeg ua hauj lwm uas tsis muaj cai tau txais kev pab cuam kho mob.
Yog tias pab nom Labor rov qab raug xaiv los ua nom zaum ob rau cov kev xaiv tsa tsoom fwv teb chaws tshiab uas tseem yuav los txog no, ces tej nqe tshua uas kws tshuaj sau rau tej neeg mob yuav ntawm teb chaws Australia no tsuas tau them tsis tshaj $25 lawm xwb.
Thawj pwm tsav Anthony Albanese los tseem yuav los qhia txog tej no thaum nws los hais lus hnub zwj Teeb (Thursday) txog nws pab nom tsab cai Cheaper Medicines policy.
Tsoom fwv Albanese yuav kub siab los tsim kom tau tsab cai no kom tswj tau tus nqe tshuaj yuav nrog cov tshjaj pharmaceutical benefits scheme (PBS) tsuas tau them $25 xwb yog tias nws yeej cov kev xaiv tsa tom ntej no rov qab los ua nom zaum ob ntxiv. Thiab yuav pib siv tej nqe li hais no txij lub 1 hlis ntuj xyoo 2026 mus.
Tej nqe tshuaj yog ib feem ntawm tej nyiaj txiaj uas tej cuab yig siv uas tau siv ntau tuaj ntxiv vim nyiaj poob nqe ua rau tej nqe khoom thiab services kim tuaj ntxiv. Source: Getty / Bloomberg
Labor cov kev thov txo tej nqe tshuaj kom pheej yig no yuav pab kom Australia tej neeg ua hauj lwm uas tsis muaj cai siv lwm cov kev pab kho mob tau them tsawg zog.
Txawm tias , thiab yeej tseem tsis tau qhia tias yuav xaiv tsa hnub twg, los tej nqe siv ua lub neej ntau yam yuav yog ib co hauj lwm tseem ceeb ntawm cov kev nrhiav suab sib tw xaiv nom no.
Albanese tau hais ib co ncauj lug qhia rau tej chaw nthuav xov xwm tias ''Tej tshuaj pheej yig zog yog lwm txoj xub ke uas peb pab tej nuj nqes siv ua lub neej, thiab pab kom tswj tau tej nyiaj poob nqe — uas yog cov hauj lwm tseem ceeb zeeg ib uas peb kub siab txog.''
Labor tau qhia txog nws lub tswv yim tias ''yuav pab txo tau tej nqe tshuaj PBS medicines ntau tshaj plaws 20 feem pua'' uas yuav pab neeg Australia txuag tau nyiaj ntau tshaj $200 million ib lub xyoos twg.
Yeej muaj tej tshuaj ntau tshaj 80 feem pua uas tej kws tshaj sau ntawv tso cai yuav coj los siv/noj yog ib feem ntawm tej tshuaj uas raug teev nrog PBS, uas tsoom fwv pab them ib feem ntawm tej nqe tshuaj.
Raws li lub koom haum Pharmacy Guild of Australia hais thiab tau nqua hu los ntev rau tsoom fwv kom txo tej nqe tshuaj uas tej neeg mob yuav tau pab them, vim yeej pom tau tias 21 feem pua ntawm tej neeg Australia yeej tsis tshua muaj peev xwm yuav tau lawv tej tshuaj kws kho mob sau kom lawv mus yuav los noj rau lub caij 3 xyoos dhau los no.
Mario Barone uas yog tus national councillor ntawm lub koom haum Guild Australia hais tias neeg Australia ''raug yuam kom yuav tau txiav txim siab tias seb xav yuav tshuaj noj los yuav siv tej nyiaj them nqe ntiav tsev nyob, yuav khoom noj los sis yog sam roj rau tsheb.''
Pab nom koom tswj los kuj tseem tsis tau tawm tswv yim dab tsi txog pab nom Labor lub tswv yim yuav tej nqe tshuaj teev nrog PBS li cas, tab sis nws yeej tau xub qhia dhau los tias nws txhawj xeeb txog tej tshuaj uas raug muab ncua mam li teev nrog ntau cov list uas teev ntawm PBS.
Thiab Anne Ruston uas yog tus nom tswj dej num noj qab haus huv ntawm lwm pab nom teb chaws tau hais yeej yuav ua tib yam li pab nom Labor ua thiab raws li ABC News tau qhia.
Pab nom koom tswj los kuj tau tib pab nom Labor txog lub caij uas nws nrog rau tej tshuaj PBS thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
