Cov ntsiab lus tseem ceeb:
- Raws li ib co kev thov kho tej cai tswj kev ntiav tsev nyob qhia ces xeev South Australia yuav txwv tsis pub ntiab tej neeg ntiav tsev nyob tawm yam 'tsis muaj laij thawj dab tsi tsim nyog'.
- Thiab tsuas muaj 4 yam laj thawj xwb uas tej tswv tsev thiaj muaj peev xwm ntiab tau tej neeg ntiav tsev nyob tawm xwb.
- Tam sim no ces yeej tsis tshua muaj tej vaj tse txaus ntiav rau tej neeg nyob ntawm xeev South Australia.
Raws li nom tswv cov kev xav thov kho tej cai tswj cov kev ntiav tsev nyob ces tej tswv tsev yuav tsis muaj peev xwm ntiab tej neeg ntiav tsev tawm ntawm lawv tej tsev ntawm xeev South Australia (SA) yam tsis muaj laj thawj zoo txaus ntxiv lawm.
Yog tias ua tau li hais tiag, ces tej tswv tsev yuav tsum muaj laij thawj zoo txaus los siv mas thiaj muaj cai ntiab tau tej neeg ntiav tsev tawm raws li lub caij uas ob tog tau pom zoo, los yog tsis pub ntiav nyob txuas ntxiv lawm xwb.
Tej laj thawj no ces yog tej neeg ntiav tsev nyob tsis ua raws li tau pom zoo, tus tswv tsev xav muag lub tsev ntiav ntawd, xav kho dua tshiab los yog xav mus nyob lub tsev ntawd.
Tus tsoom fwv Labor SA xav kom tej tswv tsev yuav tsum muaj cov kev ceeb toom qhia tej neeg ntiav tsev yam tsawg li 28 hnub mus txog 60 hnub (2 hli) ua ntej tso, kom tej neeg ntiav tsev thiaj muaj sij hawm txaus mus nrhiav tau ib lub tsev tshiab nyob thiab muaj caij txaus npaj tsiv tsev raws li qhov tsim nyog.
Thiaj tau muaj cov kev xav thov kho tej cai tswj cov kev ntiav tsev nyob no rau lub caij uas muaj tej neeg ntiav tsev nyob tsawg dua li 1 feem pua ntawm lub xeev no xwb.
Tsis tas li ntawd los tej neeg ntiav tsev muaj cai tu tau lawv tej tsiaj ntawm tej tsev lawv ntiav nyob, raws li tej laj thawj tsim nyog uas lawv tus tswv tsev pom zoo li kom yug tsiaj rau sab nraum zoov.
Andrea Michaels uas yog tus nom tswj dej num pab tej neeg yuav khoom siv thiab dej num lagluam tau hais tias cov kev tsis tau vaj tse ruaj nyob yog ib cov kev txhawj xeeb heev rau tej neeg ntiav tsev nyob South Australia uas lawv ntshai tias tsam lawv yuav ras los ua tej neeg tsis muaj vaj tse nyob yog tias lawv tsis muaj peev xwm ntiav tsev nyob ntxiv lawm.
Nws tau hais tias "Peb cov kev thov kho tej cai no yob xav los daws tej teeb meem no thiab pab kom tej neeg ntiav tsev nyob tau txais kev ruaj ntseg rau ntawm tej tsev lawv ntiav nyob, thiab ua ke no los pab kom tej tswv tsev muaj cib fim xaus tau cov kev ntiav tsev raws tej lajthawj tsim nyog thiab.''
Ces sai sai no tsoom fwv yuav pib nrog tej neeg cuam tshuam no tham txog cov kev xav thov kho tej kev ntiav tsev nyob no ua ntej yuav coj tsab cai no los sab laj hauv tsev tsoom fwv rau yav lig xyoo no.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,,
tau SBS Hmong.
