Thiaj ua rau Meskas tej sharemarkets poob peev ntau heev limtiam no ntawm teb chaws no — thiab t au ua rau Australia tej shares tau poob nyiaj ntau heev thiab.
Thiab thaum uas Trump tau qhia meej tias yuav tsis zam cov se 25 feem pua rau Australia tej hlau thiab txhuas xa mug rau Meskas txij thaum 3pm AEDT hnub zwj Feej (12.03.2025) — ces thiaj uas rau muaj neeg muab Australia tej shares muag txuas ntxiv rau hnub zwj Feej (Wednesday).
Thiaj uas rau cov S&P/ASX 200 index poob nyiaj txog li AUD$34 billion tom qab uas twb tau poob AUD $25 billion hnub zwj Quag (Tuesday) lawm.
Ces tam sim no Australia tej nqe share ASX 200 thiaj tau poob 10 feem pua ntawm cov nqe uas tau nce siab tshaj plaws tsis ntev los no lawm.
Ces tej xwm txheej no thiaj tau ua rau muaj teeb meem rau neeg Australia tej nyiaj superannuation.
Australian cov kiab khw stock market tau poob nqe tom qab Meskas tus President Donald Trump tau tsub cov se 25% rau Australia tej hlau thiab txhuas. Source: SBS
Vim li cas Trumpt tej se tsub rau tej khoom xa muag rau Meskas thiaj yuav ua rau muaj teeb meem rau yus tej nyiaj superannuation
Yog koj tau pom tias tau nyiaj superannuation tsawg lawm ces tsis yog koj tib leeg nkaus xwb.
Shane Oliver uas yog AMP tus chief economist hais tias tos zoo li no los vim tej nyiaj super txog li 60 feem pua yeej raug coj mus nqes peev ntawm tej share markets.
"Tos pheej zoo li no los vim tej shares yog ib co khwv tau nyiaj ntau dua rau tej neeg nqes peev rau ib co caij ntev heev. Tab sis rau qhov tej kiab khw share markets los kuj nyob tsis tus thiab.''
Professor Tim Harcourt uas yog tus chief economist ntawm tsev kawm qib siab University of Technology Sydney, , "tsov rog lagluam muaj peev xwm ua rau tej share poob nqe yog tias yuav ua rau muaj teeb meem rau ntiaj teb tej lagluam tsis zoo.''
Trump los kuj tau qhia tias yuav tsub tej se rau tej khoom xa ntawm cov teb chaws ua luam tseem ceeb li Suav, Mexico, Canada thiab European Union (EU). Ces Canada, Suav thiab EU twb tau tsub tej se no pauj lawm thiab.
Thawj pwm tsav Anthony Albanese tau qhia meej tias tsoom fwv Australia yuav tsis tsub tej se no pauj kom lug ''tsis txhob ua rau muaj cov kev kub ntxhov rau tej lagluam ntau tuaj ntxiv'' thiab kom tsis txhob ''muaj teeb meem rau tej lagluam''.
Nws hais ntxiv tias "Vim yog peb tseem tsub se pauj thiab ces haj yam yuav ua rau Australia tej neeg yuav khoom siv yuav tau them nqe khoom kim ntxiv thiab yuav ua rau nyiaj poob nqe ntau tuaj ntxiv.''
Australian tej kiab khw lagluam share market los kuj muaj cov kev pauv hloov raws Meskas tej lagluam thiab, raws li Susan Thorp uas yog ib tug finance professor ntawm tsev kawm qib siab University of Sydney hais.
Thorp tau qhia rau SBS News tias "Meskas tej lagluam yeej tseem ceeb rau tag nrho ntiaj teb vim rau qhov yog ib co lagluam loj heev, ces tej lagluam me li Australia cov no thiaj yoog raws zejzog pej kum haiv tej lagluam ruaj khov thiab tej lagluam zoo xwb.''
"Yog li ntawd tej share markets ntawm Australia thiaj hloov raws tej xov xwm ntawm Meskas thiab tej xov xwm ntawm teb chaws no, vim tej tshwm sim txawv teb chaws kuj ua rau muaj teeb meem rau peb thiab.''
Tej no muaj peev xwm ua rau muaj teeb meem rau Australia tej nyiaj superannuation.
Professor Thorp hais tias "Cov kev pauv Meskas tej cai sai heev ua rau tsis paub tias xyov yuav muaj dab tsi tshwm sim, thiab yog tej yam nyuaj heev rau tej lagluam thiab tej neeg tsim cai los npaj,''
"Tej kev nqes peev li superannuation no ces yeej tos tej lagluam lub neej pem suab seb yuav zoo li cas, thiab yeej tau ras los ua ib co xwm txheej tsis paub tias xyov yuav zo li cas rau lub caij ntau hlis dhau los no lawm. Ces tej neeg nqes peev thiaj yuav tau xyuam xim rau tej xwm txheej uas lawv tsis paub tseeb tias xyov yuav zoo li cas thiab thiaj tsis tshua nqe peev.''
Yog li ntawd ne puas tsim nyog neeg Australia txhawj txog lawv tej nyiaj super?
Txawm tias yeej muaj ib txhia neeg Australia pom tias lawv muaj nyiaj super tsawg tam sim no lawm, los yog superannuation yeej yog ib cov kev nqes peev rau lub caij ntev thiab yeej muaj peev xwm ntxeem nrog tej kev pauv hloov. Thorp tau hais tias ntev ntxiv tuaj ces peb yeej tseem yuav tau tej nyiaj super no ntau tuaj ntxiv thiab.
Nws tau qhia rau SBS News tias: ''Peb tej nyiaj superannuation uas peb khaws tseg cia ntawd yeej raug coj mus nqes peev yuav shares, thiab nqes peev rau lwm cov peev txheej li bonds, cash, lagluam vaj tse, chaw, thiab tej hauv paus txhim kho. Ces thiaj pom tau tias tej tuam txhab nyiaj superannuation funds noj yeej nqes peev rau tej lagluam no ntawm teb chaws Australia no thiab txawv teb chaws.''
Tsis yog thawj zaug uas Australia tej share market thiab poob nqe xwb. Source: SBS
''Thiab tej nyiaj khwv tau los ntawm tej nyiaj superannuation uas coj mus nqes peev no yeej nce thiab nqes raws tej kiab khw lagluam. Ces cov kev muaj peev xwm ntxheem tau nrog qhov sib txawv no thiaj yuav pab kom peb tau nyiaj ntau ntxiv ntev ntxiv tuaj.''
Yuav muaj teeb meem dab tsi rau neeg Australia los ntawm tej shares poob nqe no?
Yog tias yus tseem hluas ces yus yeej tseem tshuav caij li 10 xyoo los yog ntev tshaj ntawd ua hauj lwm, los yog tej zaum yuav ua rau yus tau nyiaj tsawg zog lawm, tab sis Thorp hais tias yus yeej yuav muaj peev xwm ntxeem dhau tej xwm txheej no.
"Yog tias yus tseem muaj sij hawm li ntawm 10 xyoo los yog ntev tshaj ntawd ua hauj lwm, ces cov kev tau nyiaj tsawg rau ib lub caij luv luv no xwb yeej tsis tshua tseem ceeb pes tsawg. Vim tej hluas yeej tseem tshuav caij ntev heev los ntxeem tej xwm txheej no shares poob nqe no.''
Nws kuj hais ntxiv tias, tej neeg uas muaj nyiaj super tsawg dua los yeej raug teeb meem tsawg dua thiab.
Txawm li cas los tej uas yuav raug teeb meem ntau tshaj plaws ntawm tej kiab khw share pauv hloov no yog Australia tej laus neeg uas so tsis ua hauj lwm lawm los sis yog tsuas tshuav sij hawm li ob peb xyoos ua hauj lwm ntxiv lawm xwb.
Nws tau hais tias "Tej neeg uas muaj nyiaj super ntau zog, thiab tsuas tshuav sij hawm li ob peb xyoos ua hauj lwm lawm xwb, los sis yog tej neeg uas twb so tsis ua hauj lwm lawm yog cov yuav raug teeb meem ntau tshaj plaws los ntawm tej shares poob nqe no.''
Cov kev muaj yus tej nyiaj super tsawg zog no tej zaum yuav ua rau yus ib nyuag kub siab mus txheeb yus tej nyiaj no ntau zog tuaj ntxiv thiab los kuj tau thiab seb ho puas poob li cas. Tab sis Thorp yeej ceeb toom tias yeej muaj lwm yam ua rau peb tau tej nyiaj npaj siv rau thaum so tsis ua hauj lwm tsawg thiab.
Nws tau hais tias ''Vim yeej muaj xovxwm qhia txog tej kiab khw lagluam tas mus li. Thiab yeej muaj cov kev pauv hloov ntau yam ntawm ib hnub rau ib hnub, yog li cov kev nquag txheeb tias seb yus muaj nyiaj npaum li cas yog tej yam tseem ceeb, tab sis yog pheej muaj cov kev pauv hloov ntau dhau heev lawm kuj yog tej yam ua rau yus yoob thiab. Tab sis kom nco tias peb tej nyiaj super uas peb khaws tseg cia feem ntau ces yeej tau los ntawm peb tej nyiaj peb khwv tau uas peb tej tswv lagluam them rau peb, ces tej nyiaj no thiaj tseem ceeb tib yam li tej nyiaj uas coj mus nqes peev uas khwv tau los rau yus tib yam thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
