Tsoom fwv Trump ntawm teb chaws America tau yuav cov tshuaj remdesivir ntau tshuaj 500,000 koob uas yog tag nrho tej tshuaj hauv ntiaj teb coj los siv rau lub sij hawm 3 lub hlis ntxiv tom ntej no rau nws lawm.
Cov tshuaj tua kab mob virus no tej zaum yuav muaj peev xwm kho tau tus kab mob COVID-19 no thiab . Tab sis yeej tseem tsis tau yog ib cov tshuaj uas siv coj los kho tau tus kab mob kom zoo tiag tiag.
America yog lub teb chaws muaj neeg kis tau tus mob COVID-19 no ntau tshaj plaws hauv ntiaj teb tshaj 2.6 roob (million) tus lawm thiab yeej muaj neeg tas sim neej ntau tshaj 128,000 tus lawm.
Lub tuam txhab tsim tshuaj hu ua Gilead tau tsim cov tshuaj remdesivir no thiab yeej raug teev xwm ua nws cov tshuaj muag ua lagluam raug cai lawm. Thiab yog thaum ib lub tuam txhab tsim tshuaj twg yog tus tswv uas teev zwm cov tshuaj nws tsim ua nws tug raug cai lawm ces tsis yog lawv muaj txoj cai tab sis nws tseem muaj cai muag tau thiab muaj cai tau tej nyiaj tsam los ntawm cov kev muag tej tshuaj no thiab.
Gilead tau hais ib cov lus hauv ib co tias nws yuav muag tus tshuaj no kom pheej yig rau cov teb chaws vam meej thiab.
Txawm li cas los vim America yeej tau yuav tag nrho lub tuam txhab Gilead cov tshuaj uas tsim coj los siv rau 3 lub hlis ntxiv tom ntej no uas yog lub 7 hlis ntuj txog 9 hlis ntuj txog li 90% lawm.
Gilead yeej muaj ntaug ntawv tso cai pom zoo nrog ntau lub teb chaws tsim cov tshuaj no li Egypt, India thiab Pakistan kom ua cov tsim tus tshuaj remdesivir rau uas lub tuam txhab no hais tias yuav pab kom tsim tau cov tshuaj tib yam tab sis tus nqe pheej yig dua muag rau tej teb chaws no kom yuav tau siv.
Tab sis yeej tsis muaj cov kev pom zoo yuav muag cov tshuaj pheej yig li no rau tej teb chaws vam meej los yog cov teb chaws uas tsis raug teev zwm raug cai li tau hais lo no li. Thiab teb chaws India uas yog ntiaj teb lub teb chaws zum 10 uas muaj neeg kis tus kab mob COVId-19 coob heev los yeej tsis raug teev zwm nrog cov teb chaws tau hais los ntawd thiab.
Thiaj ua rau muaj neeg tib tsis pom zoo nrog cov kev tso cai rau lub tuam txhab tsim tshuaj Gilead ua tus tswj ntiaj teb cov tshuaj tsim muag pheej yig no rau tej teb chaws no siv.
“Meskas yeej tau sib khom lagluam nrog Gilead thiab txwv tias pub muag cov tshuaj no rau tej teb chaws teev zwm ntawd npaum li cas xwb, ces thiaj ua rau teb chaws Australia yuav tau yuav tus tshuaj remdesivir no ntawm Gilead kim heev tib yam li teb chaws America tau yuav siv-thiab tsis muaj peev xwm yuav tau cov tshuaj no pheej yig li tej teb chaws txom nyem muaj peev xwm yuav tau," raws li Zeskais Barbara Mintzes uas yog ib tug kws paub zoo txog tej chaw tsim tshuaj siv ntawm tsev kawm qib siab University of Sydney tau qhia.
Txawm li cas los lub tuam txhab Gilead kuj tau txiav txim siab pub ib co tshuaj no rau teb chaws Australia thiab txawm tias teb chaws Australia tsis yog ib lub teb chaws uas raug teev zwm nrog 127 lub teb chaws li tau hais los saum toj no--tab sis lwm cov teb chaws uas kis tau cov kab mob COVID-19 coob tshaj yeeej tseem tsis tau tej tshuaj no siv li thiab.
The coronavirus has spread across Brazil. Source: AAP
Teb chaws Brazil
Raws li lub tsev kawm qib siab tau qhia ces teb chaws Brazil thiab nws tus coj uas yog President Jair Bolsonaro uas yeej tsis kub siab tias COVID-19 yog ib tug kab mob uas mob thiab kis muaj ceem heev no thiaj tau ua rau nws lub teb chaws ras los ua ntiaj teb lub teb chaws zum 2 uas muaj neeg kis tau tus kab mob no coob tshaj plaws hauv ntiaj teb no lawm.
Brazil twb muaj neeg coob tshaj 1.4 million tus kis tau tus kab mob no lawm thiab yeej muaj neeg tas sim neej txog 60,000 tus lawm hos tib lub liamtiam dhau los no nkaus xwb twb muaj nws tej pej xeem kis tau tus kab mob no coob tshaj 259,000 tus lawm thiab.
Gilead thiab America yeej tseem tsis tau txiav txim siab tias seb puas yuav pub tej tshuaj no rau lwm lub teb chaws tau siv thiab, tab sis txawm li cas los tej teb chaws ntawd kuj yuav muaj peev xwm yuav tau cov tshuaj pheej yig zog ntawm lub tuam txhab Gilead rau yam lig thiab.
President Bolsonaro yeej tau txhawb nqa kom siv tus tshuaj kho kab mob malaria hu ua hydroxychloroquine los ua ib cov tshuaj kho tu kab mob COVID-19, tab sis zoo li yeej tsis yog ib cov tshuaj uas yuav kho tau tus mob no.
Teb chaws Russia
Russia yog lub teb chaws muaj neeg kis tau tus kab mob COVID-19 coob ua zum 3 hauv ntiaj teb no tshaj 650,000 tus lawm, thiab zoo li yeej tsis paub tias xyov Russia puas yuav tau cov tshuaj remdesivir los siv rau ntau hli tom ntej no li cas thiab.
Txawm li cas los nom tswv Russia yeej qhia tias nws yeej muaj ib cov tswv yim kho tau tus mob no uas siv tau zoo heev lawm thiab--uas yog nws siv cov tshuaj kho kab mob khaub thuas hu ua Avifavir--uas yeej siv kho tau tus kab mob COVID-19 rau tej neeg mob hauv tsev kho mob tau zoo heev thiab.
Tsoom fwv Russia lub tuam txhab The Russian Direct Investment Fund thiab Russia lub tuam txhab tsim tshuaj ChemRar Group tau qhia tias nws twb tsim tau thawj cov tshuaj Avifavir coj los rau
Yeej muaj neeg cav tias cov tshuaj Avifavir yeej siv tau zoo tib yam li cov tshuaj remdesivir uas pab kom tej neeg kis tau tus mob COVID-19 no zoo sai thiab.
Source: Getty Images
Teb chaws Askiv (The United Kingdom)
UK yog ntiaj teb lub teb chaws zum 5 uas muaj neeg kis tau kab tus kab mob COVID-19 no coob tshaj 314,000 tus diam tab sis kuj muaj neeg kis tau tus kab mob no tsawg rau lub hlis dhau los no lawm thiab.
Yeej pom tau tias lub 5 hlis ntuj dhau los UK yeej siv tau cov tshuaj remdesivir tau hauj lwm zoo heev, tab sis ho puas muaj tej tshuaj no txaus coj mus faib siv hauv ntiaj teb no li cas.
Jonathan Van-Tam uas yog Askiv tus lwm coj tswj kev noj qab haus huv tau qhia rau hnub zwj Feej (Wednesday) dhau los tias , tab sis ntshe yuav tsis muaj peev xwm nrhiav kom tau tej tshuaj no siv rau yav pem suab.
Van-Tam tau hais tias tsoom fwv yeej tseem muaj cov tshuaj dexamethasone ntau heev siv-uas feem ntau yog siv cov tshuaj no kho tej mob hawb pob-thiab yeej tau siv coj los kho tus mob COVID-19 no ntawm teb chaws Askiv lawm. Tsis tas li no los yeej tau muaj ib cov kev teeb txheeb los sim cov tshuaj no ntawm teb chaws Askiv ces yeej qhia tau tias cov tshuaj no yeej muaj peev xwm pab cawm tau tej neeg kis tau tus mob no uas mob sab heev ntawd txoj sia tau zoo thiab.
"Kuv xav tias yeej yuav tsis yooj yim thiab tsis yog tej yam ua tau kiag li cov kev siv cov tshuaj dexamethasone xwb, vim rau qhov yeej muaj tej tshuaj remdesivir tsawg vim tseem yog ib cov tshuaj tshiab," raws li nws tau hais.
A woman wearing medical scrubs carries a wreath of flowers in memory of people who have died during the coronavirus pandemic in the UK Source: Press Association
Teb chaws Peru
Txawm tias yog lub teb chaws thaum ntxov uas yeej tau xub xub pib kaw nws lub teb chaws ntawm cov teb chaws America qab teb (South America) los teb chaws Peru yeej yog ntiaj teb lub teb chaws zum 6 hauv ntiaj teb uas muaj neeg kis tau tus kab mob no coob tshaj 288,000 tus lawm thiab.
Tej neeg kho mob ntawm lub teb chaws no yeej tab tom mus tawm tsam tias tsis muaj tej khaub ncaws rau lawv hnav tiv thaiv lawv tus kheej tsis muaj tej ntaub khwb qhov ncauj los yog tej hnab looj tes rau lawv siv rau lub caij uas nws tus tsoom hwv tau kub siab ceev nrooj los tsim cov tsev kho mob
Tsuas yog tias ntshe lub teb chaws no hos npaj tau nws cov tshuaj remdesivir los siv lawm xwb, tab sis zoo li teb chaws Peru yeej tsis muaj peev xwm yuav nrhiav tau tej tshuaj no los siv rau ntau hli tom ntej no lawm thiab.
Lub hlis dhau los ces nom tswv yeej tau haub tau yaum rau zej tsoom paub tias cov tshuaj ivermectin, uas yog ib cov tshuaj tua tej cab (antiparasitic) uas siv ntawm tej teb chaws chaw sov yog cov tshuaj raug siv coj los kho tus mob COVID-19 no. Tab sis lub koom haum Pan American Health Organizationuas yog World Health Organization ib lub koom haum kis ntawm cov teb chaws America qab teb yeej tau tshaj ib cov lus ceeb toom txog cov kev siv tus tshuaj los kho tus mob COVID-19 no thiab.
Txawm li cas los Peru lub tuam chav lis laj fai tswj kev noj qab haus huv yeej tau los txhawb nqa cov kev siv tus tshuaj hydroxychloroquine uas kho kab mob malaria tias yog ib cov tshuaj siv kho tau tus mob no zoo thiab.
More from Dateline:
In Japan, the message of anti-racism protests fails to hit home
