Yeej muaj cov kev pab cuam daws kev nyuaj siab ua ntau hom lus thoob plaws lub teb chaws no, thiab feem ntau ces tej nom tswv xeev yog cov tswj tej dej num no.
Yeej muaj ntau cov zwj ceeb uas tej neeg xav tau txaws kev pab cuam daws teeb meem nyuaj siab, tsis hais tej xwm txheej kab mob COVID-19 sib kis uas ua rau tej neeg nyuaj siab thiab txhawj xeeb, los yog muaj teeb meem nyuaj siab vim ua rau tus neeg tswj tsis tau nws txoj kev xav, los yog muaj ib yam dab tsi ua rau nws txhawj xeeb tom qab tuaj los sis tus neeg ntawd tus cwj pwm tsis tus, los sis yog cov xwm txheej ua rau yus cov kev pom, kev xav thiab kev ntseeg txawv qhov tseeb.
Feem ntau ces tej koom haum yeej tsis muaj neeg txhais lus rau lawv, ces lawv thiaj yuav tsu siv tsoom fwv cov kev pab pab txhais ntawv thiab txhais lus li Translating and Interpreting Services - TIS , uas yeej txhais hauv xov tooj los yog mus txhais kiag ntawm chaw ua tshaj 150 hom lus diam.
yog ib cov project uas lub koom haum Mental Health Australia lis coj los pab tej neeg coj ntseeg ntau yam kev cai dab qhuas thiab hais ntau hom lus, pab tej peev txheej ntau yam, tsim kev pab cuam thiab muaj tej xov xwm haum raws li tej kev cai dab qhuas rau tej neeg siv.
Lub koom haum Forum of Australian Services for Survivors of Torture and Trauma (FASSTT) yeej yog Australia lub koom haum zum yim (8) uas paub los pab tej neeg raug tsim txom los yog raug ib cov xwm txheej ua rau lawv tau ntshai uas tau tuaj txawv teb chaws tuaj rau teb chaws Australia. Tej neeg feem coob uas mus siv lub koom haum FASSTT cov kev pab cuam ces yeej yog tej neeg thoj nam thiab tej neeg tau txais kev txom nyem uas tau tuaj rau teb chaws Australia no. Tsis tas li no los ib lub xeev twg nyias yeej muaj nyias ib lub koom haum FASSTT pab rau tej neeg thiab uas koj txheeb tau ntawm
Mloog tau zaj xov xwm hais txog cov neeg pab daws kev nyuaj siab uas paub hais koj hom lus thiab paub koj tej kab lis kev cai kev coj ntseeg los ua cov pab koj daws kev nyuaj siab tau ntawm no:
Cov kev pab cuam National Meltal help Lifelines thiab Services
- - 13 11 14
- - 1300 22 4636
- - 1300 659 467
- - 1800 55 1800
- - 1300 78 99 78
Beyond Blue muaj ntau yam xov xwm ua ntau hom lus:
- )
Xeev New South Wales (NSW)
NSW lub koom haum Mental Health Line:
Lub koom haum Mental Health Line yeej muaj cov kev pab cuam 24 teev rau ib hnub twg pab rau tej neeg 7 hnub ntawm ib lub limtiam thiab muaj peev xwm hu tau rau tus xov tooj 1800 011 511 los yog txheeb xyuas tau ntawm lub vas sab
Lub koom haum Transcultural Mental Health Centre (TMHC):
Lub koom haum no kuj yog ib lub txhawb nqa kom tej neeg coj ntseeg ntau yam kev cai dab qhuas thiab hais ntau hom lus mus siv cov kev pab cuam daws kev nyuaj siab, ntsuam xyuas cov kev nyuaj siab, txhawb nqa kom tej neeg t au txais kev kaj siab, tsim tej peev txheej thiab qhia los yog xyaum tej neeg uas koj muaj peev xwm txheeb tau ntawm
Lub koom haum TMHC no yeej muaj cov kev pab cuam pub dawb uas yeej muaj tej neeg paub daws cov kev nyuaj siab paub 2 hom lus los pab tej neeg ntiag tug, thiab tej cuab yig kom muaj peev xwm thov tau xeev NSW cov kev pab cuam daws kev nyuaj siab siv. Yog li thiaj yuav tsum tau ib daim ntawv ntawm lub koom haum no cov koom haum tub koom siab ntawm ceg xeev no mas thiaj yuav thov tau cov kev pab cuam no siv. Tseem thov tau neeg txhais lus thiab ntxhais ntaub ntawv tau ntawm / pab rau tej lus uas tej zaum lub koom haum TMHC tsis paub coj los pab rau lawv thiab.
Lub koom haum Service for the Treatment and Rehabilitation of Torture and Trauma Survivors (STARTTS):
Lub koom haum STARTTS yeej muaj cov kev tham nrog ib tug neeg nyuaj siab kom paub tias nws xav li cas thiaj coj cwj pwm li cas thiab yeej muaj cov kev pab cuam los ntawm lwm cov koom haum thiab tej zejzog los pab kom tej neeg thoj nam txhob txhawj txog tej teeb meem raug rau lawv dhau los, pab rov qab txhim kho dua lawv lub neej tshiab ntawm teb chaws Australia. Txheeb tau ntawm
Yog xav tau neeg txhais lus thiab txhais ntaub ntawv ces sib txuas lus tau nrog lub koom haum Interpreting-TIS uas koj txheeb tau ntawm lub vas sab ua ntau hom lus uas tej neeg ntawm lub koom haum STARTTS tsis paub.
Xeev Victoria (VIC)
Lub koom haum Foundation House for Survivors of Torture:
Lub koom haum no yeej muaj cov kev pab cuam pub dawb rau cov neeg thoj nam uas hais lus Askiv, Arabic, Phabmab, Hakha Chin, Dari, Dinka, Karen, Persian, Swahili, Tamil thiab lus Tigrinya uas koj txheeb tau ntxiv ntawm .
Txheeb xyuas seb koj puas muaj cai siv tau lub koom haum no cov kev pab cuam tau ntawm lub vas sab .
Yog xav tau neeg txhais lus ces txheeb tau ntawm yog tej neeg ua hauj lwm ntawm lub koom haum no tsis paub hais koj hom lus.
Xeev Victoria kuj muaj ib cov xov xwm ua ntau hom lus qhia txog tej kev nyuaj siab thiab mob hlwb ua ntau yam lus rau tej neeg tau siv thiab. Thaum xub mas yeej yog tsoom hwv xeev Victoria yog tus pib tsim cov kev pab cuam no thiab cia lub koom haum Centre for Culture uas tus lis, uas yeej muaj ntau cov xovxwm txog cov kev noj qab haus huv uas koj txheeb xyuas tau ntawm .
Kuj tseem muaj 2 lub koom haum ntawm xeev Vcitoria no ntxiv yeej pab xyaum thiab qhia tej neeg kom paub txog tej teeb meem nyuaj siab ntxhov plawv thiab tab sis ho tsis muaj cov kev pab cuam tsi ntsees rau tej neeg ntiag tug li hauv qab no.
Lub koom haum Action on Disability in Ethnic Communities (ADEC):
ADEC yeej muaj ib cov kev pab cuam rau ntau cov neeg zejzog coj ntseeg ntau yam kev cai dab qhua ua ntsib kev nyuaj siab vim hloov nyob rau lub teb chaws coj kev cai txawv (Transcultural Mental Health Access Program - TMHAP) kom muaj peev xwm siv tau cov kev pab cuam daws kev nyuaj siab ntxhov plawv no rau tej neeg. Lub koom haum no yeej tau koom tes ua hauj lwm nrog tej neeg zejzog pawg tsawg los qhia kom sawvdaws paub txog cov teeb meem mob hlwb thiab qhia txog tej hauv kev ntau yam kom muaj peev xwm siv tau cov kev pab cuam no los yog cov kev thov tej neeg pab tu tej neeg raug tej teeb meem no.
Tsis tas li no los tseem tsim ib cov qauv pab cuam thiab tej tswv yim npaj tseg los pab kom tej zejzog neeg pawg tsawg mus koom siv tej kev pab cuam no thiab. Koj muaj peev xwm txheeb xyuas tau ntawm .
Lub koom haum Victorian Transcultural Mental Health (VTMH):
Yav dhau los mas yeej paub tias yog lub koom haum Victorian Transcultural Psychiatry Unit (VTPU), thiab lub koom haum VTMH tsuas yog ib feem uas pab txheeb tej neeg seb puas muaj cov teeb meem nyuaj siab los yog pab tej neeg muaj cov teeb meem puas hlwb pab rau neeg ua hauj lwm uas tau koom tes ua hauj lwm nrog ntau cov neeg siv tej kev pab cuam no los yog tej neeg tu tej neeg no uas hais ntau hom lus thiab coj ntseeg ntau yam kev cai dab qhuas xwb.
Nws kuj muaj cov kev pab nrhiav tej neeg pab daws teeb meem nyuaj sib thiab puas hlwb, cov kev pab cuam thiab txhim kho tej zejzog, kev kawm, tej neeg siv cov kev pab cuam no nrog rau tej neeg tu tej neeg no cov kev muaj feem koom rau cov program ntau yam xwb tab sis tsis muaj cov kev pab cuam pab ncaj nqa rau tej neeg ntiag tug. Txheeb tau ntxiv ntawm:
Xeev Queensland (QLD)
Lub koom haum Queensland Transcultural Mental Health Centre (QTMHC):
Lub koom haum QTMHC kuj yog lub xeev no ib lub koom haum uas yeej muaj tej kws paub zoo los daws cov kev nyuaj siab ntxhov plawv thiab nyuaj siab dab tsi tsi ntsees pab thoob plaws rau lub xeev no kom tej neeg coj ntseeg ntau yam kev cai dab qhuas thiab hais ntau hom lus tau siv cov kev pab cuam haum raws li lawv tej kab lis kev cai.
Nws kuj muaj tej xov xwm txhais ua ntau hom lus uas koj txheeb tau ntawm thiab muaj peev xwm siv tau cov kev pab cuam no thaum koj muaj tej chaw pab cuam daws kev nyuaj siab xa koj mus ntsib lawv uas musj peev xwm txheeb tau cov kev pab cuam no ntawm lub vas sab no: .
Lub koom haum Queensland Program of Assistance to Survivors of Torture and Trauma (QPASTT):
Lub koom haum QPASTT no yeej muaj cov kev pab cuam rau tej neeg kom siv tau yooj yim thiab haum raws li tej neeg coj ntseeg ntau yam dab qhuas xav siv, coj los txhawb nqa kom tej neeg thoj nam us raug tsim txom thiab raug teeb meem ua rau lawv ntshais ua ntej lawv yuav tsiv teb tsaws chaw tuaj rau Australia no kom tau txais kev noj qab haus huv thiab tau txais kev noj qab nyob zoo.
Lawv yeej muaj cov kev pab cuam daws kev nyuaj siab thiab lwm yam kev pab cuam pub dawb rau tej neeg ntxeem dhau ntau yam teeb meem dhau los uas yeej muaj cov kev sab laj tawm tswv yim pab rau tej neeg no tib si. Txheeb tau ntxiv ntawm .
Lub koom haum World Wellness Group:
Lub koom haum no nyob ntawm nroog Brisbane thiab yeej muaj ntau cov programs pab rau ntau cov neeg zejzog uas hais lus thiab coj dab qhuas sib txawv tau siv li:
- Cov program Multicultural Psychological Therapies uas pab tej neeg no rau ntawm sab qaum teb thiab qab teb thiab sab qab teb ntawm nroog Brisbane. Tsis tas li no lawv kuj tseem tsim tau ib cov kev xub pab cawm tej neeg uas muaj tej kev nyuaj siab ntxov plawv me ntsis mus txog rau tej neeg muaj kev nyuaj siab ntxhov plawv theem nrab. Txheeb tau ntawm ntxiv ntawm: .
- Cov program Refugee and asylum seeker health ces yeej pab cuam kom haum raws li tej neeg no cov kev cai dab qhuas, xyuas ntau txoj xub ke los pab, thiab pab raws li tej cuab yig xav tau coj los pab rau tej neeg uas raug tej teeb meem no uas tsis muaj peev xwm pab tau lawv tus kheej kom lawv tsis txhob ntsib cov teeb meem kev tsis tau txais vaj huam sib luag rau cov kev kho mob. Txheeb tau ntxiv ntawm: .
- Cov program Health services for international students ces yog ib cov kev pab cuam tsi ntsees rau tej neeg coj ntseeg ntau yam kev cai dab qhuas uas tej tub kawm pej kum haiv uas muaj cov Overseas Student Health Cover (OSHC) muaj peev xwm siv tau. Txheeb tau xov xwm ntxiv ntawm: .
- Cov program Culture In Mind ces yog ib cov program coj los pab cuam rau tej neeg hnoob nyoog tshaj 18 xyoo ntawm tej neeg zejzog coj ntseeg ntau yam kev cai dab qhuas thiab hais ntau hom lus uas muaj teeb meem nyuaj siab ntxhov plawv kom tau mus muaj feem koom nrog lawv tej zejzog, tswj tau lawv txoj kev ua lub neej txhua hnub, ua hauj lwm, kawm ntawv, nrhiav tsev nyob los sis yog muaj feem koom nrog ib cov koom txoos dab tsi thiab sib cuag nrog lawv tsev neeg los yog lawv tej phooj ywg uas nyob ntawm nroog Brisbane tej zos. Txheeb tau ntxiv ntawm .
Lub koom haum Harmony Place:
Lub koom haum no yog ib lub tsis nce rau nom tswv thiab yog ib lub koom haum pab cuam tsi ntsees rau ntau cov neeg zejzog hais ntau hom lus thiab coj ntseeg ntau yam kev cai dab qhuas kom thiaj li tsim tau cov kev pab cuam haum raws li qhov lawv xav tau. Nws yeej muaj cov kev pab cuam rau tej neeg hnoob nyoog tshaj 12 xyoos suav cov neeg tsiv teb tsaws chaw thiab lawv tej me nyuam, neeg thoj nam neeg tawg rog, cov neeg thov visa uas paub ua hauj lwm tuaj ua hauj lwm ntawm teb chaws Australia, thiab tej visa txij nkawm. Lub koom haum no yeej khiav hauj lwm thoob plaws rau lub xeev Queensland no thiab tsuas tsim cov kev pab cuam tsi ntsees rau ntau cov neeg coj ntseeg dab qhuas thiab hais ntau hom lus uas uas nyob ntawm sab qab teb hnub tuaj ntawm xeev Queensland lub nroog Brisbane, Logan, Ipswich thiab Gold Coast. Txheeb tau ntxiv ntawm: .
Lub koom haum Mental health line:
Lub koom haum no yeej muaj cov xov tooj 1300 MH CALL (1300 642255) uas yog ib cov kev pab cuam daws kev nyuaj siab sib tham hauv xov tooj tsis qhia rau lwm tus paub pab cuam rau tej neeg Queenslanders, thiab yog thawj thawj qhov chaw uas lawv hu thov zej tsoom cov kev pab cuam daws kev nyuaj siab. Txheeb tau ntawm .
Thiab yog koj xav tau neeg txhais lus ces sib txuas lus nrog lub koom haum Translating and Interpreting Services-TIS tau ntawm .
Xeev Northern Territory (NT)
Lub koom haum MHACA (Central Australia):
Lub koom haum MHACA no yeej muaj cov kev pab cuam pub rau tej neeg muaj hnoob nyoog tshaj 18 xyoo rov sauv uas raug txheeb tau tias muaj cov teeb meem mob hlwb lawm. Koj muaj peev xwm teev caij mus siv tau lub koom haum no cov neeg txhais lus cov kev pab cuam, thiab yeej muaj tej neeg ua hauj lwm ntawm lub koom haum no paub ntau hom lus li lus Suav (Chinese), Urdu, Irish thiab lus Hindi pab rau tej neeg. Koj muaj peev xwm txheeb tau xov xwm ntxiv ntawm .
Lub koom haum TeamHealth (Darwin):
Lub koom haum no yeej muaj cov services thiab cov kev pab cuam rau tej neeg zejzog uas nyob ntawm lub xeev Northern Territory uas txhawj xeeb txog cov kev mob hlwb los yog pab tsis tau lawv tus kheej los yog plam ntau yam txiaj ntsim. Koj txheeb tau ntxiv ntawm . Thiab lub website no yeej muaj ib cov twj uas pab koj txhais ntaub ntawv kiag tam sim ntawm ua tej lus ntau tshaj 80 hom mus. Txheeb tau ntxiv ntawm:
Lub koom haum Melaleuca Refugee Centre:
Yog ib lub koom haum tsis nce rau nom tswv uas yeej muaj cov kev pab cuam pub dawb pab tsi ntsees rau tej neeg ntiag tug, tej cuag yig uas yog cov neeg thoj nam thiab tsiv teb tsaws chaw uas muaj kev nyuaj siab ntxhov plawv. Thiab yeej muaj cov kev pab cuam pub dawb pab rau tej cuab yig, tej neeg muaj paub tab, me nyuam yaus thiab tej hluas tib si. Txheeb tau ntxiv ntawm: .
Lub koom haum the Northern Territory Mental Health Coalition (NTMHC):
Lub koom haum no yog ib lub koom haum tseem ceeb uas tswj tej zejzog cov kev pab cuam daws teeb meem mob hlwb thiab nyuaj siab ntxov plawv rau tej neeg thoob plaws lub xeev Northern Torritory no. Koj txheeb tau ntxiv ntawm .
Lub koom haum Northern Territory Mental Health Line: 1800 682 288
Muaj peev xwm thov tau cov kev pab cuam daws kev nyuaj siab thiab teeb meem mob hlwb ntawm lub xeev no nrog cov kev pab cuam Mental Health Helpline thiab tej kev pab cuam no yeej siv cov kev pab txhais lus raws li qhov lawv xav tau. Txheeb tau ntxiv ntawm los yog txheeb xyuas tau ntawm
Xeev Western Australia (WA)
Lub koom haum Association for Services to Torture and Trauma Survivors (ASeTTS):
Lub koom haum ASeTTS no yeej uas tib zoo xyuas kom siv tau ntau yam kev pab cuam rau tej neeg thoj nam tawg tsov tawg rog uas raug lwm tus tsim txom ua rau lawv tau ntshai rau sab saib ntsws kev xav thiab raug mob rau lawv lub cev ntaj ntsug kom muaj peev xwm rov qab pib ua tau lub neej tshiab, thiab muaj cov kev pab cuam no ua ntau hom lus li lus Arabic, Dinka, Karen thiab lus Kirundi. Txheeb tau ntxiv ntawm .
Lub koom haum West Australian Transcultural Mental Health Centre:
Lub koom haum no tsuas muaj cov kev pab cuam rau hauv lub tsev kho mob Royal Perth Hospital thiab tsuas muaj cov kev daws kev nyuaj siab 3 zaug pab rau tej neeg mob uas kho zoo es yuav tawm rov qab mus tsev tau siv xwb. Yeej muaj neeg txhais ntaub ntawv pab cuam hauv xov tooj los yog tuaj kiag ntawm chaw tuaj pab txhais ntawv pab rau tej neeg siv cov kev pab cuam no thiab. Txheeb tau xov xwm txog cov kev pab cuam no tau ntxiv ntawm .
Xeev Tasmania (TAS)
Lub koom haum Phoenix Centre:
Lub koom haum no yeej yog ib lub koom haum ua hauj lwm hauv lub chaw Migrant Resource Centre thiab yeej muaj ib cov kev pab cuam daws ib cov teeb meem nyuaj siab ntxhov plawv dab tsi tsi ntsees pab rau tej neeg ntxeem dhau ntawm cov kev raug lwm tus tsim txom thiab rau ntshai rau sab ntsuj plig los yog cev ntaj ntsug dhau los lawm. Lub koom haum no muaj cov kev sab laj, thiab cov kev xyaum los yog cov projects ntau yam coj los pab kom tej neeg ntiag tug no thiab tej neeg zejzog tau txais kev noj qab nyob zoo thiab tau txais kev noj qab haus huv. Lub koom haum Phoenix Centre yeej muaj tej neeg ua hauj lwm ntawm Hobart thiab Launceston uas yeej muaj kev pab cuam thoob plaws rau lub xeev no. Txheeb tau ntxiv ntawm: .
Tsoom fwv xeev Tasmania yeej muaj nws tej clinics los yog cov health care providers, thiab cov private specialists thiab tej chaw kho mob ntau lub los yog tej kws kho mob cov kev pab cuam daws kev nyuaj siab ntxov plawv yeej muaj ib cov kev pab cuam rau tej neeg uas raug cov teeb meem no loj uas tau mus nyob rau cov tsev kho neeg mob hlwb thiab hauv tej zejzog thiab.
Yog xav tau xov xwm kom qhia kom paub tias yuav thov tau cov kev pab cuam daws kev nyuaj siab no siv li cas, ces mus txheeb xyuas tau ntxiv rau ntawm . Koj muaj peev xwm hu rau tus xov tooj 1800 332 388 mus nrog cov neeg txheeb thiab tshuaj ntsuam tias koj puas muaj cov kev nyuaj siab thiab mob hlwb es kom lawv sau ntawv xa koj mus cuag tej kws paub pab koj daws tej teeb meem no tau.
Xeev Australian Capital Territory (ACT)
Companion House, Assisting Survivors of Torture and Trauma
Lub koom haum no muaj cov kev sab laj thiab cov support workers los ua hauj lwm nrog cov neeg thawj rog thiab neeg thoj nam. Lub koom haum Companion House muaj lub hom phiaj xav pab kom tej neeg no rov qab pib ua tau lub neej tshiab ntawm teb chaws Australia no, tswj ntau yam xwm txheej nyuaj ntawm lawv lub neej thiab los txheeb xyuas tej teeb meem yav tag los uas tau muaj teeb meem rau lawv.
Ces thiaj muaj tej neeg paub sab laj tawm tswv yim no pab tej neeg li hais no uas nyuam qhuav tuaj txog tshiab los yog tej neeg uas tuaj nyob ntev ntawm teb chaws no thiab ho nrhiav tej kws paub zoo txog tej teeb meem no ib yam twg tsi ntsees los pab tej laus, tej hluas thiab tej me nyuam yaus. Txheeb tau ntxiv ntawm:
Tsoom fwv xeev ACT yeej muaj cov kev pab cuam mental health crisis service uas tej neeg muaj peev xwm siv tau cov kev pab cuam no raws tus xov tooj (1800 629 354 los yog 02 6205 1065) los sis yog siv cov services no tau ntawm lub vas sab no:
Xeev South Australia (SA)
Lub koom haum Relationships Australia:
Lub koom haum Personal Education and Community Empowerment (PEACE) no yeej muaj cov kev pab cuam pab tej neeg zejzog hais ntau hom lus thiab coj ntseeg ntau yam kev cai dab qhua xwb. Tsis hais tej neeg no yuav yog cov visa zoo li cas li, lub koom haum PEACE no yeej muaj cov kev pab cuam no rau tej neeg ntiag tug, tej cuab yig thiab tej zejzog. Txheeb tau ntxiv ntawm .
Lub koom haum Survivors of Torture and Trauma Assistance and Rehabilitation Service, STTARS:
STTARS yeej yog ib lub koom haum muaj tej kws paub txog ib cov kev daws kev nyuaj siab dab tsi tsi ntsees los pab tej neeg thoj nam tawg tsov tawg rog daws lawv cov kev nyuaj siab ntxhov plawv, kom lawv zoo thiab nyiaj ntxeem dhau thiab dim ntawm tej teeb meem no. Cov kev pab cuam no yeej pab pub dawb rau tej neeg no xwb, thiab yeej tsis cais li tias tus neeg ntawd tau tuaj nyob teb chaws Australia no ntev npaum li cas li. Tab sis yuav teev npe tseg tos mam li tau siv lub koom haum STTARS no cov kev pab cuam, txawm li cas los nws yeej yuav ua tib zoo tswj thiab txheeb tej neeg uas xav tau txais cov kev pab cuam no raws li qhov tsim nyog pab tshaj plaws ua ntej ces yuav xub pab tus neeg ntawd tso.
Yog li ntawm lub koom haum STTARS no cov kev pab cuam thiaj yog ib cov kev pab cuam pub dawb, yog cov kev yeem thaj, yog cov kev pab cuam uas tsis pub coj tej neeg tej teeb meem mus nthuav qhia rau lwm tus paub, thiab yeej muaj tej neeg paub tej hauj lwm no zoo los yog cov neeg paub txhais lus zoo los ua tej hauj lwm no pab rau tej neeg no.
Txuas ntxiv ntawd los lawv tseem tsim ib cov programs tsi ntsees coj los pab rau tej me nyuam yaus thiab tej hluas, tej cuab yig thiab tej neeg tawg tsov tawg rog thiab. Mus txheeb tau ntxiv ntawm .
- Tej neeg ntawm teb chaws Australia no yuav tsum tau nyob kom nrug ntawm lwm tus neeg yam tsawg li 1.5 metres. Txheeb xyuas tau seb tej nom tswv xeev ntawm lub xeev koj nyob ho muaj cov kev txwv li cas rau lub caij tseem muaj kab mob coronavirus sib kis thoob ntuj no tau ntawm
- Yeej muaj cov kev sim coj los siv thoob plaws teb chaws Australia no lawm tias seb tej neeg ib tug twg ho puas kis tus kab mob coronavirus COVID-19 no lawm. Yog tias koj muaj cov yam ntxwv mob li tau khaub thuas ces xav kom koj hu nrog koj tus kws kho mob tham los yog sab laj nrog lub chaw Coronavirus Health Information Hotline yog koj hu rau lawv tus xov tooj 1800 020 080.
- Tsoom fwv teb chaws Australia yeej tsim tau lub coronavirus tracing app hu ua uas koj muaj peev xwm download tau ntawm koj tej xov tooj coj los nruab rau koj lub xov tooj siv tau.
- Hos SBS los yeej kub siab los qhia tej xov xwm cuam tshuam txog tus kab mob COVID-19 no ua 63 hom lus coj los qhia rau koj thiab uas koj yeej mus txheeb xyuas tau ntxiv ntawm tau.
