Tau muaj ib nqe lus nug txog Australia cov lus nug xeem ua pej xeem Australia tau teev peb nqe lus yuam kev txog Australia cov pej xeem, uas tej zaum yuav ua rau muaj teeb meem tau rau cov neeg mus thov xeem ua pej xeem Australia raws li SBS News tau mus txheeb tau.
Tau muaj ib tug neeg Askiv uas tsis xav qhia nws npe tau qhia rau SBS News tias tom qab nws mus xeem ua pej xeem Australia lub plua no ces nws pom tau tias tseem muaj qee yam yuam kev.
READ MORE
Tus poj niam no tau hais tias nws yeej tau ua tib zoo npaj nws tus kheej los nyeem phau ntawv Australian Citizenship: Our Common Bond ces nws tseem pom tias muaj qee yam yuam kev.
Lub tuam chav The Department of Home Affairs qhia tias "phau ntawv hais los no yeej muaj txhua yam xov xwm pab kom sawv daws xeem tau los ua pej xeem Australia."
Thiab phau ntawv tam sim no sau ua ntawv Askiv yeej tau teev tseg tias "Australia muaj pej xeem 24 roob tus."
Tus neeg uas SBS News tau nrog tham no qhia tias "muaj cov lus nug zes txog li 5 los yog 6 nqe nug txog Australia cov pej xeem seb muaj npaum li cas lawm."
"Nws hais tias, Kuv yeej paub tias phau ntawv no tau teev tseg tias Australia muaj pej xeem 24 roob tus lawm, tab sis ho tsis muaj nqe lus teb no rau yus xaiv, ho muaj 3 npe xws li Australia muaj pej xeem, 18 roob tus, 22 roob tus thiab 30 roob tus xwb."
Tus poj niam no thiaj tau tsa tes thiab qhia rau tus neeg tswj cov neeg xeem ua pej xeem Australia tias nws yeej paub tias Australia muaj pej xeem txog 24 roob tus raws li phau ntawv Australian Citizenship: Our Common Bond tau teev tseg.
"Nws hais tias kuv yeej tau qhia rau tus neeg tswj cov neeg xeem ntawd tias kuv xav tias nqe lus nug no tsis yog lawm,...tab sis nws yeej qhia kuv tias nqe lus teb tias Australia muaj pej xeem 22 roob tus no thiaj yog lo lus teb yog."
" Nws hais tias yeej kho tsis tau cov system uas teev zwm tej lus nug thov xeem ua pej xeem no tau yooj yim thiab yeej tsis yog tej yam ua rau sawv daws ceeb dab tsi."
Ces tus poj niam no thiaj yuav tau xaiv nqe Australia muaj pej xeem 22 roob tus thiaj pab nws xeem tau los ua pej xeem Australia lawm. Tab sis nws kuj tau qhia tias " Yog ib cov kev paub kev pom txawv kawg rau nws", ua tau ua rau nws xav tias ho puas muaj lwm yam yuam kev cuam tshuam txog tej lus nug xeem ua pej xeem Australia no li cas thiab.
" Cov kev xeem no ua rau kuv xav tias, yog kuv teb tias Australia muaj pej xeem 22 roob tus ces kuv teb tsis raug lawm, kuv yeej paub tias 18 roob tus los tsis yog, thiab ho puas tsim nyog kuv xaiv nqe lus teb tias Australia muaj pej xeem 30 roob tus?"
Saum toj no yog ib sob lus ntawm tsoom hwv Australia phau ntawv 'Australian Citizenship, Our Common Bond', uas qhia tias "tam sim no Australia muaj pej xeem 24 roob tus, Australia yog lub teb chaws muaj ntau tsav neeg los koom ua ib haiv, thiab nyob rau lub caij uas peb tau ua kev zoo siab rau peb ntau haiv neeg tej kab lis kev cai no peb yeej kub siab los xyuas kom tsim tau kev koom npoj haum xeeb thiab moj them nqag kab rau peb haiv neeg."
Yog li no cov kev yuav tau mus xeem ua pej xeem Australia mas tej neeg yuav tau hla kom dhau ntau cov txheej txheem rau ntau lub xyoo mam li muaj cai mus xeem tau.
Thaum ib tug neeg twg mus xeem ua pej xeem Australia ces nws yuav tau teb 20 nqe lus nug uas nom tswv xaiv ntawm ntau cov los rau nws teb. Thiab tus neeg ntawd yuav tsum teb kom raug yam tsawg li 15 nqe ntawm tag nrho 20 nqe lus nug ntawd mas thiaj yuav xeem tau los ua pej xeem Australia.
Tus poj niam no tau qhia rau SBS News tias "Tsis paub tias xyov muaj neeg xeem tsis tau vim yog tim nqe lus nug no coob npaum li cas tus lawm?"
"Yog tias koj mloog tau tais koj tsis muaj peev xwm yuav ua tau li cas thiab tsis kaj siab yuav nrog tus neeg tswj tej neeg xeem ua pej xeem Australia ntawd tham, ces yeej tsis tsim nyog yuav ua ib cov laj thawj rau yus xeem poob los yog xeem tsis tau los ua pej xeem Australia."
"Tus poj niam no hais tis txawm nom tswv xav kom nws yuav tsum xeem kom tau thiaj tau ua pej xeem Australia, los cov lus teb yuam kev no kuj ua rau nws txaj muag thiab."
READ MORE
Raws li lub koom haum Australian Bureau of Statistics (ABS) cov kev tau kwv yees pej xeem Australia rau lub 9 hli ntuj xyoo 2017 ntawd, ces Australia muaj pej xeem txog li 24,702,900 tus lawm. Xyoo 2009 Australia muaj pej xeem txog 22 roob tus, xyoo 2003 muaj 23 roob tus thiab 24 roob tus rau thaum ntxov xyoo 2016.
Tsis tas li no los zoo li tseem muaj cov kev sib txawv txav thiab sib tu ncua rau Australia lwm cov peev txheej cuam tshuam txog cov kev xeem los ua pej xeem Australia no thiab.
Phau ntawv Australian Citizenship: Our Common Bond, uas tau muaj txhais ua ntau hom lus lis lus
Indonesian, Italian, French thiab Arabic, los Australia tej pej xeem tseem muaj 22 roob tus xwb."
Tom qab SBS tau cej luam zaj xov xwm no rau hnub zwj Teeb (Thursday) dhau los, tau muaj ib tug neeg siv Twitter tau qhia tias nws tus txij nkawm yeej nsib cov teeb meem zoo tib yam li no thiab tsim nyog yuav tau muab nqe lus nug no kho los yog mua tshem them."
SBS News tau sib txuas lus nrog lub tuam chav Department of Home Affairs uas lis cov hauj lwm teev xwm pej xeem cov kev thov xeem ua pej xeem, tas sim neej, sib yuav ua txwj nkawm, thiab yug tshiab tham txog cov xwm txheej no.
Ces tau muaj ib tug kis ntawm lub tuam chav no teb tias "Vim lawv tsis xav kom muaj dab tsi cuam tshuam txog cov kev xeem ua pej xeem no ces lawv tsis xav qhia txhua cov lus nug thiab txhua cov lus teb xeem ua pej xeem Australia rau sawvdaws paub. Thiab tsis tsim nyog lub tuam chav Department of Home Affairs yuav los tawm tswv yim dab tsi txog tej hauj lwm xeem ua pej xeem no ntxiv."
READ MORE
SBS News tau nug lub tuam chav no tias muaj neeg xeem poob coob npaum li cas?
Ces tus kis ntawm lub tuam chav no teb tias "cov neeg xeem rau lub caij txij tim 1/7/2017 txog rau tim 30/4/2018 ntawm tsuas muaj cov xeem tsis tau txog 2.9% xwb.
Ntawm tag nrho 1,597 tus uas tau xeem poob rau tib lub caij hais no ces 5.5% ntawm cov neeg no tsuas xeem tsis tau ib point xwb.
"Ib tug neeg twg muaj cai xeem 3 zaug rau ib hnub twg yog nws xeem poob, los yog nws muaj peev xwm mus xeem ntau zaus rau lub sib hawm sib txawv los tau."
Koj muaj peev xwm mus sim teb ntau nqe lus nug txog cov kev xeem ua pej xeem Australia tau ntawm lub vas sab no:
Los yog mus nyeem los yog mus hais kom nom tswv xav rau phau ntawv Australian Citizenship: Our Common Bond ua lus Askiv rau koj los yog downlaod tau ntawm no
Mloog tau xov xwm ua lus Hmoob ntxiv tau rau ntawm ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis tuaj koom ua tub koom siab thiab koom mloog tau tau ntawm #SBSHmong lub Facebook page tau.
Thiab yog koj xav sib txuas lus los yog hu nrog SBS Radio Hmong Program tham ces hu tau rau tus zauv xov tooj
