Tseem fwv Albanese tabtom cog lus tias nws cov nyiaj $8.5 billion uav pab kom txhua tus neeg Australia tau siv cov bulk billing thaum mus ntsib kws kho mob, thiab tau piav tias yuav yog ib co nyiaj pab rau Medicare uas ntau tshaj plaws ntawm keeb kwm.
Pab nom koom tswj los kuj tau hais tias nws yuav tshwm nyiaj sib npaug los pab lub tswv yim no kom tau siv cov bulk billing no ntau tuaj ntxiv vim rau qhov tsuas yog ib co pawg neeg twg ntawm tag nrho 26 million tus neeg Australia thiaj tau siv xwb, thiab yog cov kev txhawb nqa kom tej chaw kho mob siv bulk billing.
LISTEN TO
Labor cog lus tias yuav tshwm $8.5 billion pab Medicare
SBS Hmong
27/02/202519:59
Thawj pwm tsav Anthony Albanese tau hais tias yeej tsis muaj dab tsi ''hloov'' tsoom fwv cov kev kub siab pab tej hauj lwm Medicare txij tau tsim xyoo 1984 los txog tam sim no.
Nws tau hais tias "Siv tib daim Medicare card xwb ces yeej duav txhua yam tsis tas siv koj daim credit card lawm,''
"Thiab peb tus tsoom fwv los yeej xav kom nej teb Medicare card muaj nqe tib yam ntawm txhua txhua cov zejzog.''
Labor cog lus tias yuav ua dab tsi rau cov bulk bill?
Thawj qho yog xyuas kom siv tau cov bulk billing them nqe kho mob kom nthuav dav tuaj ntxiv, uas yog ib co nqe them kho mob them rau tej neeg muaj cai tau siv cov bulk billing ntawm tej chaw kho mob.
, tab sis tsuas yog tej me nyuam yaus hnoob nyoog qes dua 16 xyoo, tej laus uas tau nyiaj laus noj thiab tej neeg tau cov ntawv tau them tus nqe pheej yig (Concession card) thiaj yog cov neeg tau siv xwb.
Raws li pab nom Labor cov kev cog lus rau lub caij nrhiav suab sib tw xaiv nom ces, yuav xyuas kom siv tau cov bulk billing no rau txhua tus neeg Australia txij lub 11 hlis ntuj xyoo 2025 no mus ua thawj zaug.
Qhov thib ob yog cov kev txhawb nqa kom tej chaw kho mob siv cov bulk billing rau txhua tus neeg mob, uas yuav teev txog 12.5 feem pua ntawm cov chaw kho mob cov Medicare rebates.
Tsoom fwv Albanese government tau hais tias ob tsab cai no yuav pab kom muaj tej chaw kho mob txog li ntawm 4,8000 lub siv cov bulk billing ntau tuaj ntxiv txog li 3 npaug thoob teb chaws tam sim no mus txog xyoo 2030.
Txhais tau tias yuav nce cov nyiaj pab them Medicare rau tej kev mus ntsib ib tug kws kho mob twg ntawm tej chaw kho mob hauv nroog ntau tuaj ntxiv yuav laug txog li ob feem peb — los sis yuav nce ntawm $42.85 mus ua $69.56.
Yog tham txog tej tsev kho mob nyob tej zos cheeb tsam tuaj ntug nroog los yog nyob zos toj siab ces yuav tau tej nyiaj them nqe kho mob yuav laug txog ob npaug — los sis nce ntawm $42.85 ua $84.86, tsuas nyob ntawm seb tej chaw kho mob ntawd nyob rau qhov chaw twg xwb.
Danielle McMullen uas yog tus coj lub koom haum Australian Medical Association tau hais tias qee thaj chaw ntawm haiv neeg no tej neeg kho mob tej nyiaj them kho mob no yuav tau them txawv lawm, hos lwm cov chaw ces yeej tsis muaj dab tsi pauv hloov.
Nws hais tias ''Kuv vam tias yuav pab tau tej zos toj siab thiab tej zejzog cheeb tsam tuaj ntug nroog thiab pab tau peb ntau cov chaw uas tej neeg txom nyem nyob, uas tej chaw kho mob yeej ua tib zoo xyuas kom txo tau tej nqe kho mob kom pheej yig npaum li qhov lawv muaj peev xwm ua tau.''
'Peb tsis xav tau Meskas cov kev kho mob'
Yuav muaj ntau cov scholarship thiab cov kev qhia rau tej nurses thiab tej kws kho mob los kuj yuav yog ib feem ntawm tej nyiaj pab cuam no thiab.
Albanese tau qhia rau tej neeg nthuav xov xwm ntawm Tasmania hnub zwj Hnub (Sunday) tias:
"Labor tau tsim Medicare rau Australia siv thiab tau tsim raws li neeg Australia tej kev coj taug ua zoo uas tau txais kev ncaj ncess thiab yog ib co cib fim rau txhua tus, peb tsis xav kom peb cov kev kho mob (healthcare system) zoo li Meskas tej zuj zus ntxiv. Peb tsis xav qog raws tej tswv yim ntawm ib haiv neeg twg. Thiab peb tsuas xav kom peb cov kev kho mob yog cov siv haum raws li neeg Australia xav tau ntau dua.''
Medicare raug xam tias yog ib co hauj lwm tseem ceeb ntawm cov kev xaiv tsa
Raws li Mark Butler uas yog Australia tus nom tswj dej num noj qab haus huv tau teev txog lub koom haum Australian Medical Association tej xov xwmm ces lub tswv yim no yuav pab daws tau tej nyiaj $8.3 billion uas raug muab txiav tsis pab rau cov hauj lwm Medicare vim pab nom koom tswj tau txwv tsis pub thov kom tau cov Medicare rebate kom ntau ntxiv rau lub caij tshaj 10 xyoo dhau los.
Thiab txawm tias Labor yog tus tau piv txwv tsis pub thov tau cov Medicare rebates ntau ntxiv xyoo 2013, los nws tau hais rau lub caij ntawd tias cov kev txwv no tsuas yog txwv ib ntus xwb.
Tom qab pab nom koom tswj (Coalition) yeej cov kev xaiv tsa tsoom fwv teb chaws xyoo 2013 lawm, ces Peter Dutton uas yog tus noj tswj dej num noj qab haus huv lub caij ntawd tau qhia tias yuav siv cov kev txwv no txuas ntxiv.
Thaum xub mas yeej tau pub thov cov rebates no ntau tuaj ntxiv raws li cov nyiaj poob nqe (Indexation). Ces cov kev txwv ntawd thiaj ua rau thov tsis tau tej nqe kho mob no ntau ntxiv lawm.
Peter Dutton uas yog tus coj ntawm lwm pab nom teb chaws tau hais tias nws pab nom koom tswj (Coalition) yuav tshwm nyiaj $8.5 billion tib yam los pab tej hauj lwm no.
Nws tau koom hais ib co ncauj lug ua ke tias "Yog tsis muaj peev xwm los tswj tau tej lagluam kom zoo - uas yog tej yam uas pab nom Labor yeej tsis muaj peev xwm ua tau - ces ntshe yuav tsis muaj peev xwm nqes peev rau tej hauj lwm li no. Tsuas yog pab nom koom tswj thiaj muaj peev xwm tswj tau tej lagluam zoo ruaj kom pab tsim tau cov kev kho mob zoo dua siv xwb.''
Tsis tas li ntawd los tus coj ntawm lwm pab nom teb chaws no kuj tau nqua hu kom Labor tshwm nyiaj $500 million tib yam coj mus pab cov hauj lwm daws teeb meem nyuaj siab ntxhov plawv thiab.
Cov kev siv bulk-billing tam sim no zoo li cas
Kuj tau siv cov bulk-billing ntau tuaj ntxiv tom qab tsis ntev uas tau ntxeem dhau tus kab mob COVID-19 uas tau kis xyoo 2020 tab sis kuj tau pib tau siv tsawg zuj zus txij nrab xyoo 2021 lawm.
Thiab pom tau tias tau muaj cov kev siv tsawg los txog ntua xyoo 2024 — ces pab nom Labor ho tau txhawb nqa kom rov qab muaj siv ntau tuaj ntxiv txog li 3 npaug lawm thiab.
Txawm li cas los tej xov xwm tau los ntawm lwm cov koom haum yeej tau qhia txog tej xov xwm tsis tshua zoo pes tsawg txog cov kev siv bulk billing piv rau tej statistics ntawm tsoom fwv lub tuam chav lis laj faj tswj dej num noj qab haus huv.
Thaum ntxov lub ob hlis ntuj ces lub koom haum Productivity Commission tau coj ib co xov xwm los qhia tias muaj 47.7 feem pua ntawm tej neeg mob tag nrho thiaj yog cov neeg uas tau siv cov bulk billing xyoo 2023-24 xwb.
Lub koom haum no tsab ntawv cej luam qhia txog tsoom fwv cov kev pab cuam uas tshaj tawm ib xyoos ib zaug twg tau qhia tias tau ua rau muaj neeg tau siv cov bulk billing no tsawg tuaj ntxiv nqes ntawm 51.7 feem pua xyoo 2022-23 lawm.
Lub 1 hlis ntuj ces lub koom haum Cleanbill uas teev txog tej chaw kho mob kuj txheeb tau tias thoob teb chaws no thiaj siv cov bulk billing rau tej neeg uas tsis tau cov concession card siv xwb.
Australian Associated Press pab nthuav zaj xov xwm no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
