Tab tom muaj neeg coob tuaj ntxiv tab tom tawm ntawm teb chaws Australia mus thiab tsis rov qab tuaj lawm, rau lub caij uas rov qab muaj neeg ntoj ncig tsis hais tawm ntawm Australia no los yog tuaj rau Australia no li qub tom qab muaj neeg ntoj ncig tsawg heev rau lub caij muaj kab mob COVID-19 kis thoob ntuj.
Raws li tej xov xwm ntawm lub koom haum Australian Bureau of Statistics (ABS) qhia ces muaj tej neeg tag nrho uas tau ncaim ntawm teb chaws Australia no ntau tuaj ntxiv txog 1,694,440 lub 8 hli ntuj lawm — los sis yog muaj neeg coob tshaj 11.7 feem pua piv rau tsaib no.
Ua ke no los tej neeg uas tuaj nyob ib ntus los kuj tau rov qab tuaj txog li 916,980 tus, los sis yog tau tuaj coob tuaj ntxiv txog li 6.8 feem pua tsab no lawm thiab.
Txhais tias muaj neeg coob xaiv tawm ntawm teb chaws Australia no mus thiab tsis rov qab tuaj lawm.
Tsaib ub ces kuj muaj tej neeg tag nrho tuaj rau Australia no txog li 1,656,470 tus, los yog tau muaj neeg tuaj coob ntxiv txog li 7.2 feem pua rau ib xyoos ntxhov dua.
Thiab tsuas muaj tej neeg tuaj ntoj ncig ntawm Australia uas tuaj nyob ib ntus kuj muaj txog li 658,810 tus neeg los yog muaj neeg tuaj coob ntxiv tuaj txog li 55,450 tus piv rau tsaib no.
Tab sis kuj tseem yog cov feem puas 16.5 feem pua tsawg dua tej neeg tau tuaj ua ntej yuav muaj kab mob COVID sib kis rau lub 8 hli ntuj xyoo 2019 thiab.
Neeg Australia tab tom mus ntoj ncig qhov twg?
Feem ntau ces tej neeg Australia yeej mus ncig ntawm teb chaws Indonesia, New Zealand thiab Askiv (United Kingdom -UK).
Hos 3 lub teb chaws li New Zealand, Suav tuaj tshoj (China) thiab Japan ces yog cov teb chaws muaj neeg tuaj ntoj ncig Australia coob tshaj plaws.
Dean Long uas yog tus coj lub koom haum Australian Travel Industry Association tau hais tias neeg Australia ''yeej xav rov qab mus ntoj ncig rau qhov muaj ib lub caij uas lawv tsis muaj peev xwm mus dhau los.''
Ces tus coj lub koom haum uas sawv cev rau cov lagluam ntoj ncig thiaj tau hais tias: ''Neeg Australia rov qab tau muaj kev ntseeg siab rau pej kum haiv cov kev ntoj ncig lawm, thiab lawv xav mus ncig xyuas ntau thaj chaw tsis hais nyob ze los yog nyob deb li.''
"Thiab pom tau tias tej nroog muaj neeg coob, tej chaw zoo kauj uas muaj toj roob hauv pes hauv hav los yog tej chaws cuam tshuam txog tej kab lis kev cai uas tej neeg nyiam mus xyuas, tej neeg Australia yeej tab tom ntoj ncig ntau tshaj qhub ntxiv mus rau ntau thaj chaw nthuav dav dua tshaj qub li peb tau pom rau ntau lub xyoos tsis ntev los no lawm.''
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
