Lub caij uas tej nqe kho mob kim tuaj ntxiv, yuav tau tos kho mob ntev tuaj ntxiv thiaj muaj tej pej xeem laus zuj zus tuaj ntxiv no, peb tej kev kho mob puas yuav muaj peev xwm kho mob tau li cas thiab ho yuav zoo li cas txuas ntxiv rau yav pem suab? Lub caij uas muaj tej neeg xav siv tej kev kho mob ntau tshaj tej chaw kho mob tsim tau cov kev kho mob rau sawv daws siv no, SBS cov program Insight yuav coj tej kws kho mob thiab tej neeg mob uas ntsib teeb meem nqe kho mob los tham tawm tswv yim thiab nug lawv tias tsim nyog leej twg yog tus yuav ris tej xwm txheej no? Saib tau ntxiv ntawm .
Thaum uas George Paw tau tuaj ntawm teb chaws Malaysia rau Australia thaum 15 xyoos ntawd ces nws yeej nco tau tias nws hwm peb tej kev kho mob (healthcare system) heev li.
''Kuv yeej cia li muaj peev xwm mus rau ntawm ib lub chaw kho mob (GP clinic) thiab cia li ntsib ib tug kws kho mob yam tsis tau them ib xees li. Kuv xav tias yog tej yam zoo heev muas muaj peev xwm siv tau tej neeg ua hauj lwm them se tej nyiaj los pab tej kev kho mob no.''
Ces xyoo 2025 no George los yeej zoo tib yam li coob leej ntau tus neeg Australia uas tau pom tej xwm txheej txawv rau Australia cov kev kho mob lawm. Tus neeg ua hauj lwm software engineer no yeej tsis tshua muaj peev xwm nrhiav tau ib lub chaw kho mob uas siv cov bulk billing ntawm Melbourne uas yog qhov chaw nws nyob li lawm.
"Tej nqe kho mob kim tuaj ntxiv no, kuj tseem yog ib co nqe uas kuv yuav tau them ntxiv rau kuv tej nqe lwm yam kom thiaj li muaj peev xwm siv tau cov kev kho mob thiab.''
Yav dhau los George tau xav tias Australia cov healthcare system yog ib co ''siv tau zoo heev li''. Tab sis tam sim no ces nws txhawj txog tej xwm txheej uas Australia tej kev kho mob no tag tom tig hloov mus rau ''txoj xub ke txaus tu siab heev.'' Source: Supplied
Ces thiaj ua rau George mloog tau tias zoo li Australia cov kev kho mob (healthcare system) no tab tom pauv hloov mus rau ''txoj xub ke txaus tu siab heev lawm''.
Nws tau hais tias "Kuv xav tias ntshe yuav ras los ib ib co xwm txheej uas peb tsis muaj peev xwm yuav tswj tau lawm. Vim niaj hnub no ces peb yuav tau them txog li ntawm $20-$30 rau cov kev mus ntsib kws kho mob ib zaug twg lawm. Tab sis kuj tsis paub tias xyov 10 xyoo, 20 xyoo ntxiv no xyov yuav zoo li cas ntxiv?''
Tej nqe uas kim tuaj ntxiv
Duncan Sharpe kuj tau txheeb tau tias tej nqe kho mob ntshav qab zib hom 2 los kuj kim heev tuaj ntxiv lawm thiab.
Peb yeej yuav tau rho nyiaj ntiag tug them coj los tswj nws tus mob ntshav qab zib los tau ntev tshaj 30 xyoo, thiab nws tau kwv yees tias ntshe nws yuav tau them txog ''ntau caum txheeb dollars''.
Thiab nws kuj txhawj tias xyuas nws puas yuav muaj peev xwm them tau tej nqe kho mob kim tuaj ntxiv rau thaum nws muaj hnoob nyoog tuaj ntxiv lawm.
Nws hais tias "Yog tej yam tsis muaj hmoo uas kuv muaj ntau yam mob ntxiv thaum kuv muaj hnoob nyoog tuaj tib yam li txhua leej txhua tus lawm thiab. Kuv paub tias kuv cov kev muaj peev xwm them tej nqe kho mob yuav qhia tias seb kuv puas yuav siv tau cov kev kho mob lawm xwb.''
Duncan kwv yees tias nws tus mob ntshav qab zib tau ua rau nws tau siv nyiaj ''ntau caum txheeb dollars'' rau lub caij 30 xyoo los no. Source: Supplied
Nws tau hais tias ''Tsaib no ces kuv sab qhov muag xis cia li tsis pom kev lawm. Kuv tsuas pom kev txog li 10 feem pua lawm xwb, thiab kuv yuav tau rho nyiaj ntiag tug ze txog li $20,000 coj los them nqe kho mob. Ntawm kuv lawm ces tej zaum kuj yuav tsis tau them se, tab sis ntshe kuv yuav siv zej tsoom cov kev kho mob lawm xwb.''
'Tau muaj cov kev sib tu ncua rau tej neeg muaj thiab tej txom nyem ntau tuaj ntxiv'
Rachel David ces yog tus coj lub tuam txhab muag nyiaj tuav pov hwm tswj kev kho mob ntiag tug Private Healthcare Australia (PHA), uas yog ib lub koom haum sawv cev rau tej lagluam muag cov nyiaj tuav pov hwm kho mob rau tej neeg tiag tug txij xyoo 2016 los lawm. Nws hais tias peb tej kev kho mob uas siv cov private thiab public hospital sib xyaws ua ke no siv tau hauj lwm zoo tshaj yuav laug txhua nrho lwm cov kev kho mob hauv ntiaj teb no, tab sis peb yuav tsum tau los tham txog tej nqe kho mob uas kim tuaj ntxiv no.
Nws tau hais tias "Peb tau hloov ntawm cov kev kho tej mob uas mob sab heev uas — tib pliag ntshi xwb kuj yuav pab kom yus zoo los sis yuav ua rau yus tas sim neej tau — mus ua tej xwm txheej uas mob ntev uas yuav tau tswj rau lub sij hawm ntev heev lawm,''
"Tej technology los yeej tab tom zoo zog tuaj ntxiv lawm … thiab kuj muaj tej kev vam meej qee yam rau tej tshuaj thiab twj kho mob lawm. Tab sis yeej muaj qee yam ces tej nqe kim heev li.''
Rachel tau hais tias yeej yuav muaj ib feem ntawm lub teb chaws uas xav tham thiab muaj peev xwm them lawv tej nqe kho mob uas kim tuaj ntxiv.
Nws tau hais tias ''Lawv yeej yuav ua txhua yam li qhov muaj peev xwm ua tau tsis hais pib txij tej tshuaj vatamin mus txog rau tej tshuaj Ozempic mus txog rau cov kev tu tsom kwv tej laus uas kim tshaj plaws ntawd.''
"Tab sis tej no yuav ua rau muaj txoj kev sib tu ncua ntawm tej neeg muaj thiab tej neeg txom nyem. Ces yuav ua rau tsis tau txais vaj huam sib luag rau txhua yam.''
Ua lub neej nyog ntev zog tuaj ntxiv tab sis muaj tej neeg tu tsom kwm tsawg zog lawm
Australia tej pej xeem tab tom muaj hnoob nyoog zuj zus tuaj ntxiv vim ua rau sawv daws muaj txoj sia ua tau lub neej nyob ntev ntxiv tuaj lawm, thiab tau muaj tej kab theem yug me nyuam tsawg lawm.
Raws li lub koom haum Australian Institute of Health and Welfare hais ces lub sij hawm 50 xyoo dhau los no, ces neeg Australia muaj peev xwm ua tau lub neej nyob ntev tuaj ntxiv ntau tshaj 13 xyoos rau tej txiv neej (81.1) xyoos thiab tej poj niam los kuj muaj txoj sia ntev tuaj ntxiv txog li ntawm 11 xyoos (85 xyoos) lawm.
Txog hnub tim 30 lub 6 hli ntuj xyoo 2020 ces twb muaj tej neeg Australia hnoob nyoog tshaj 65 xyoos txog 16 feem pua ntawm tag nrho Australia tej pej xeem lawm. Txog xyoo 2066 ces yuav muaj tej neeg no ntau tuaj ntxiv txog li 21 thiab 23 feem pua lawm (~6.2 millions tus laus neeg).
Henry Cutler uas yog ib tug zeskais paub zoo txog tej lagluam kho mob ntawm tsev kawm qib siab Macquarie University hais tias yog muab tej neeg ua hauj lwm xam piv rau Australia tej laus neeg lawm ces yeej muaj tsawg zuj zus tuaj lawm, thiab tau kwv yees tias ntshe haj yam muaj tej neeg tsawg tshaj ntxiv tom ntej no thiab, ces thiaj yuav ua rau muaj teeb meem nyiaj txiaj pab tej hauj lwm no.
"Vim yuav muaj neeg ua hauj lwm them se tsawg kom tau nyiaj coj mus pab tej hauj lwm kho mob uas peb xav tau siv, hais tsi ntsees rau cov kev pab rau tej laus neeg Australia,'' raws li nws tau qhia rau SBS Insight.
"Peb thiaj yuav tau xav tias seb peb ho yuav nrhiav nyiaj li cas los pab peb cov kev kho mob thiab cov kev tu tsom kwm tej laus rau yav pem suab ... vim peb tsis muaj peev xwm pheej yuav kom zej tsoom ua cov pab them xwb rau qhov muaj neeg xav siv ntau dhau lawm.''
Henry tau hais tias qee yam tswv yim uas yuav muaj peevxwm los daws cov kev sib tu ncua no ces yog xyuas kom ua tau tej hauj lwm no zoo tshaj qub ntxiv, tos tej neeg txawv teb chaws tuaj ntxiv, los yog hais kom tej neeg tsis txhob rawm maj so tsis ua hauj lwm, los sis yuav tau them tej nqe kho mob kim zog ntxiv.
"Ces yog tias lawv tsis them kom kim zog ntxiv ces ntshe tej zaum kuj yuav tsis tau siv tej kev kho mob zoo lawm thiab.''
Neeg Australia muaj txoj sia ua tau lub neej nyob ntev ntxiv tuaj lawm. Source: SBS
Nws tau hais tias ''Tej kev teeb txheeb uas kuv tau pom ntawd yeej hais tias cov kev nce tej nqe yuav nyiaj tuav pov hwm kho mob ntiag tug yeej tsis muaj peev xwm daws tau tej xwm txheej uas tej neeg coob heev tos ua nceeg kom tau mus phais ntawm zej tsoom tej tsev kho mob,''
"Thiab txawm tias yuav pab kom tsis txhob muaj neeg mus siv zej tsoom tej tsev kho mob, los kuj ua rau muaj tej kws kho mob tsawg lawm thiab,''
"Ces thiaj yuav ua rau muaj tej neeg tig ntawm cov kev siv zej tsoom cov kev kho mob mus siv cov kev kho mob ntiav. Thiab yuav ua rau tej kws kho mob ua hauj lwm ntawm zej tsoom tej tsev kho mob mus ua hauj lwm rau tej tsev kho mob ntiav lawm. Vim tej chaw kho mob ntiav them nyiaj hauj lwm ntau dua ces lawv xum uas hauj lwm rau tej chaw kho mob ntawd.''
Rachel hais tias nws yeej "tsis tshua xav ntseeg'' tej lus cav txog tej neeg uas yuav tau teev npe tos kom tau siv ib hom kev kho mob twg thiab.
Nws tau hais tias "Tej neeg uas pheej tos kom tau siv ib co kev kho mob twg ces tsuas yog ib lub tswv yim los tswj tej neeg cov kev xav siv tej kev kho mob xwb; Tsis paub tias yuav ntev npaum li cas. Ces thiaj tsis yog ib lub tswv yim uas kuv yuav siv,''
Nws hais tias tej nyiaj tuav pov hwm kho mob ntiag tug yeej yog tej yam uas pab kom tsis txhob muaj neeg siv zej tsoom tej tsev kho mob coob.
"Yeej muaj 2 feem 2 ntawm tej kev kho mob uas yuav tau tos kom txog yus thib mam tau siv ntawm teb chaws Australia no — thiab tej kev kho no yeej yog ib co kev kho mob tseem ceb thaib, tej no tsis yog cov kev kho phais cev kom zoo nkauj zoo nraug — uas tej neeg ntiag tug them thiab feem ntau ces yeej yog tej private health insurance."
Tsoom fwv teb chaws lub tuam chav tswj dej num noj qab haus huv (Department of Health) yeej hais tias yeej muaj tej neeg mob siv cov private health insurance ntau tshaj 40 feem pua ntawm tag nrho txhua cov kev kho mob ntawm tej tsev kho mob thiab yog cov uas tau pab tej neeg mob siv cov kev phais elective surgeries ntau tshaj 70 feem pua, thiab yeej muaj neeg Australia ntau tshaj 15 millions tus yuav private health insuarance siv.
Puas yog tias peb tab tom tig mus siv cov kev kho mob zoo li Meskas cov?
Tam sim no ces yeej muaj tej neeg Australia coob heev yuav tau them nqe kho mob thaum mus ntsib ib tug kws kho mob/siv ib lub chaw kho mob twg, ces thiaj muaj kev txhawj xeeb tias ntshe peb tab tom maj mam tig zuj zus mus siv cov kev kho mob zoo li teb chaws Meskas cov lawm.
Txawm tias Australia yeej muaj ib cov healthcare system uas siv cov Medicare pab zej tsoom kho mob thiab siv cov private health insurance pab, los Meskas tej kev kho mob ces yeej yog ib cov kev kho mob ntiav xwb, thiab tej neeg Meskas feem coob yeej tau txais kev pov puag ntawm lawv tej tswv lagluam los sis lawv muaj peev xwm yuav tej private health insurance kheej siv los tau.
Tsis tas li ntawd los Meskas cov healthcare system kuj yog ib co kev kho mob uas kim tshaj plaws hauv ntiaj teb thiab, uas yuav tau them tej nqe yuav private health kim thiab tau them tej nqe kho mob kim. Ces thiaj ua rau muaj Meskas tej pej xeem coob kawg nkaus thiab tsis muaj peev xwm yuav cov private health insurance siv, txom nyem nyiaj txiaj thiab tsis muaj peev xwm siv tau tej kev kho mob los kho lawv.
Rachel tau hais tias txawm tias peb yeej tseem tsis tshua tau txais vaj huam sib luag rau qee cov kev kho mob, los qhov sib txawv ntawm Australia thiab Meskas cov kev kho mob no ces ntshe Australia yeej yuav tsis hloov mus siv tej kev kho mob zoo li Meskas tej.
Nws tau hais tias "Ntawm Australia no ces yeej muaj tej txhooj cai tswj haiv tej cai lij choj los pov puag kom peb tsis txhob tig mus siv tej healthcare system uas ib tug neeg siv twg yuav tau them tus nqe txwm kiag.''
Australia tej txhooj cai tswj haiv yeej teev tias tsoom fwv teb chaws thiab tsoom fwv xeev yuav tau tshwm nyiaj coj los pab zej tsoom tej tsev kho mob.
Rachel tau hais tias yog thaum muaj ib tug neeg yuav raug coj mus phais mob ntawm Australia no, ces lawv yeej raug xa ncaj qha mus rau ib tug kws phais twg los yog zej tsoom ib lub tsev kho mob twg yam tsis tas muaj ib lub tuam txhab insurance twg los yog ib lub tuam txhab lagluam twg yuav tsum tau tso cai pom zoo ua ntej li tej tau tshwm sim ntawm teb chaws Meskas.
"Ib tug neeg mob los yeej tsis tau them ntau [tshaj tej neeg tau txais kev noj qab nyob zoo] them thiab, tsis hais yog lawv cov kev them se los yog them tej nqe yuav private health insurance tuav pov hwm lawv cov kev kho mob. Ces tag nrho peb sawv daws thiaj yuav tau them ntau dua los yog tsawg dua tib yam xwb.
"Thiab yus yeej muaj peev xwm mus kho qhov twg los tau ntawm tej chaw yus nyob; thiab tsis yog tias zoo li muaj tej kws kho mob thiab tej tsev kho mob tsawg uas yus yuav tsum tau mus siv xwb thiab. Yog tias yus nyob ntawm nroog Adelaide tab sis yus tus kws kho mob nyob ntawm Sydney los Medicare thiab yus tej private health insurance yeej pov puag yus tib yam.''
George thiaj kub siab heev txog cov kev ua tib zoo xyuas kom peb muaj tej healthcare system uas siv tau txais vaj huam sib luag, ces nws thiaj tau tsim lub vas sab HeyMp! coj los txhawb nqa kom tej neeg mus nrhiav thiab sau ntawv rau lawv tej nom tswv sawv cev rau yus ntawm yus tej zos thiab qhia txog yus cov kev txhawj xeeb rau lawv paub, piv txwv li hais kom pab nyiaj kom ntau tuaj ntxiv rau cov Medicare.
Nws tau hais tias "Tej nom kis xeev qes (Member of Parliament - MPs) ces yog tej neeg uas tswj tej nyiaj pab rau peb cov Medicare system. Thiaj tsim nyog peb sau ntawv rau lawv kom lawv yuav tau kub siab hais kom tau nyiaj zoo tshaj qub los pab Medicare thiab pab tsim kom tau cov healthcare system kom zoo tshaj qub siv.''
Thiab koj yeej muaj peev xwm txheeb tau ntau zaj dab neeg ntawm SBS cov program , uas Kumi Taguchi uas tus tswj. Tsis hais tham txog cov kev sib daj dee, kev sib raug zoo, kev nkauj nraug mus txog rau cov kev noj qab haus huv, kev muaj txiaj nplua nuj, thiab kev tu siab thaum ntsib ib yam teeb meem dab tsi los yog plam ib tug neeg yus hlub tshua mus, thiab neeg txum tim tej dag neeg ntawm tej qhua dhau los uas tau tawm tswv yim rau TV program Insight uas muaj neeg qhuas.
Thiab koj muaj peev xwm caum tau cov program Insightful tau ntawm , , , los yog tej chaw uas koj muaj peev xwm mloog tau tej xovxwm kaw ua suab.
READ MORE
Insightful
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
