Tsoom fwv Australia yuav tsim ib cov visa siv tsi ntsees coj los pab cov kev cog qoob loo kom thiaj daws tau tej teeb meem tsis muaj neeg txaus los pab cov lagluam ua liaj ua teb, lagluam ntses thiab lagluam cuam tshuam txog xyoo ntoo thiab hav zoov.
Cov Australian Agriculture visa muaj lub hom phiaj kom cov neeg ntawm cov teb chaws Pacific thiab Southeast Asia tuaj ua hauj lwm, thiab yeej tsis tau teev tias yuav pub visa npaum li cas thiab yuav muaj cov xub ke rau tej neeg no thov tau nyob ruaj (permanent residency) thiab nyob ntawm Australia tej zos toj siab.
Kuj tseem tsis tau paub tseeb tam sim no tias cov teb chaws twg yog cov yuav pom zoo siv tej visa no li cas.
Thiab yuav pib lis tej hauj lwm no txij lub 9 hli ntuj xyoo 2021 ua ntej yuav rov qab txog caij sau cim qoob loo tom ntej no thiab yog ib cov visa coj los pab ntxiv rau cov muaj siv tam sim no li Seasonal Worker Programme and Pacific Labour Scheme uas yog ib cov hauj lwm uas tsoom fwv ua tau zoo heev.
Raws li David Littleproud tau qhia rau ABC ces nws hais tias " Tej no yog ib cov kev kho tsoom fwv tej hauj lwm ntiav dag zog ua liaj ua teb ntawm haiv neeg no tej keeb kwm loj tshaj plaws."
Nws hais tias "Yeej muaj ib cov kev pauv hloov tseem ceeb rau cov lagluam cog qoob loo ntawm tej zos toj siab ntawm teb chaws Australia uas lawv yeej thov kom hloov los ntev lawm."
Nws tau ceeb toom tias twb vim yog muaj kab mob coronavirus thiaj tau ua rau muab ciam teb kaw tasm sim no ces thiaj ua rau tej neeg thov tau cov working holiday visa tsawg lawm, thiaj ua rau tej lagluam cog qoob loo muaj tej neeg ua hauj lwm tsawg txog li 30,000 tus lawm.
Mr Littleproud tshab txhais tias "Feem ntau mas tej lagluam hlais nqaij tseem muaj peev xwm ua tau hauj lwm txog li 60-70 feem pua tam sim no, vim rau qhov lawv tsis muaj neeg txaus los ua tej hauj lwm no." Neeg Australians yog cov yuav xub tau ua tej hauj lwm no, tab sis kuj yog tej yam tseem ceeb kom peb nkag siab tias txawm tej tswv liaj tswv teb ua siab ntev kawg los ntshe lawv yuav tos tsis taus lawm thaum lawv xav tau neeg mus sau lawv tej qoob loo."get first crack at these jobs but it's important to understand that farmers have been patient but they can wait no longer when they need to get their crop off.
Tsoom fwv yeej tau twv tias ntshe yuav muaj cov neeg ntawm cov teb chaws Pacific thiab Timorese ntawm Australia no 2 npaug tuaj ntxiv tshaj 24,000 tus thov cov visa no siv.
Tab sis vim tseem muaj kab mob coronavirus sib kis ua ntuv zus, ces ntshe yuav tsum tau ua zoo xyuas kom muab tag nrho tej neeg ua hauj lwm no cais tso ces thiaj yuav ua rau muaj teeb meem rau cov kev yuav tos cov neeg ua hauj lwm ntawm cov teb chaws Pacific thiab.
Mr Littleproud tau hais tias tsoom fwv teb chaws yeej tau ua hauj lwm nrog tej nom tswv xeev los ua tib zoo xyuas kom muaj neeg ua hauj lwm txaus rau lub caij uas yeej txwv tsis pub neeg pej kum haiv tuaj coob ntawd.
Nws hais tias - Tej hau xeev yeej tsis kam hloov lawv cov tswv yim li thiab lawv pheej xav siv lawv cov kev cais tej neeg ua hauj lwm cog qoob loo no kom thiaj nrhiav tau neeg ntxiv pab rau tej lawv tau teev. Muaj ib txhia xeeb ces yeej rhiav tsis tau neeg txaus li tau teev tseg tam sim no. Yog li tej xeev no thiaj tseem muaj peev xwm tos ib txhia neeg ua hauj lwm no, txawm tej neeg ua hauj lwm ntawm tej tos txais qhua kiag tam sim no los yeej tseem tsis txaus thiab.
Tsoom fwv teb chaws thiab tej lagluam yeej tau txhab nqa kom tej nom tswv xeev nrhiav kom tau ib cov hauv kev cais tej neeg ua hauj lwm kom tau txais kev nyab xeeb tsis hais cov kev cais tej neeg no ntawm teb kiag los yog lub teb chaws no cov hauj lwm cais tej neeg.
Mr Littlepround hais tias - Peb cia siab tias tej xeev yuav muaj peev xwm nrog xyuas kom haum raws li tej xwm txheej thiab kom siv tau tej cib fim no. Yog tsis muaj tej neeg no thiab tej lagluam qoob loo ces ntshe peb tej lagluam yuav raug teeb meem rau lub caij muaj kab mob COVID-19. Lawv yog cov neeg uas pab kom haiv neeg no khwv tau nyiaj thiab peb yuav tau kub siab los xyuas tej hauj lwm no kom them tau rov qab rau lawv.
Australia thiaj tau qhia txog nws tej hauj lwm no tom qab uas New Zealand tau qhia tias nws yuav xyuas kom muaj peev xwm mus tau los ntawm nws lub teb chaws nrog teb chaws Tonga, Samoa thiab Vanuatu, thiab tso cai rau tej neeg ua hauj lwm sau cov cim qoob loo mus ua hauj lwm yam tsis tas cais lawv tus kheej 14 hnub kom thiaj pab daws tau cov teeb meem tsis muaj neeg txaus los ua cov hauj lwm ua liaj ua teb uas tsis muaj txaus siv ntawd.
Lub 1 hlis ntuj ces tsoom fwv xeev Victoria kuj tau sib khom nrog xeev Tasmania kom tso cai rau tej neeg ua hauj ntawm xeev Tasmania cais lawv tus kheej ua ntej yuav mus ua hauj lwm sau qoob loo ntawm teb chaws Australia av loj kom thiaj muaj neeg ua hauj lwm txaus.
