New South Wales txheeb tau tias muaj ib tug neeg zejzog kis tau tus kab mob COVID-19.
Tau muaj ib tug txiv neej hnoob nyoog 50 tawm xyoo raug sim tau tias kis tau tus kab mob no thiab tau mus rau ntau cov zos sab hnub tuaj ntawm nroog Sydney.
Nom tswv ntseeg tias nws kis tus kab mob no hnub zwj Kuab (Friday) zwj thaj tim 30 lub 4 hlis ntuj lawm.
Hau xeev Gladys Berejiklian thiaj hais tab tom yuav yuav los sim cov genomic testing kom sai.
Ms. Berejicklian hais tias " Vim yeej muaj cov kab mob ntawm tej chaw peb cais tej neeg thiab muaj lwm cov kab mob ntawm lwm lub xeev thiab nws tseem tau mus ncig rau lub caij ntawd thiab tej zaum kuj ua rau kis tau rau lwm cov neeg txawv xeev thiab."
Dr Kerry Chant uas yog tus coj tswj kev noj qab haus huv ntawm lub xeev no thiaj hais tias yeej muaj ib co chaw uas tej zaum yuav muaj neeg sib kis thiab li thaj chaw Event Cinema ntawm Westfield Bondi Junction hnubFriday tim 30 lub 4 hlis ntuj dhau los.
Dr. Chant hais tias "nws tau mus saib pob yeeb yaj kiab hu ua "The Courier" rau hnub zwj Kuab (Friday) zwj thaj tim 30 lub 4 hlis ntuj txij sij hawm 6 teev txog 8 teev tsaus ntuj, tab sis peb xav nqua hu kom tej neeg yog ib tug twg tau mus koom saib yeeb yaj kiab rau ntawm qhov chaw ntawd ces xav thov kom kab tsij mus sim vim rau qhov zoo li tam sim no twb tau rov qab mus nrog nws tham dua lawm tab sis kuj tsis nkag siab zoo tias leeg twg tau hla tau dua kev ntawm nws los yog nws tau nyob ze nrog leej twg."
Tej chaw uas tej zaum yuav muaj neeg kis tau kab mob COVID_19:
Tej neeg uas tau mus rau tej chaw raws li hauv qab no yuav tsum tau mus sim lawv tus kheej seb puas kis kab mob thiab yuav tsum tau cais lawv tus kheej kiag tam sim no.
- Event Cinemas ntawm Bondi Junction, Westfield, hnub tim 30/4/21, sij hawm 6pm-8pm.
- Figo Restaurant, ntawm Rushcutters Bay, hnub tim 30/4/21, sij hawm 8.45pm-11pm.
- Joe's Barbeques & Heating, ntawm Silverwater, hnub tim1/5/21, sij hawm 1pm –1.45pm.
- Tucker Barbecues, ntawm Silverwater, hnub tim 1/5/21, sij hawm 1pm-1.45pm.
- Barbeques Galore, ntawm Annandale, hnub tim 1/5/21 sij hawm 2pm-3pm.
- Barbeques Galore, ntawm Casula, hnub tim 1/5/21, sij hawm 4pm-5pm.
- BP 1077 Botany Road, ntawm Mascot, hnub tim 1/5/21, sij hawm 4.30pm-5pm.
- The Meat Store, ntawm Bondi Junction, hnub tim 2/5/21, sij hawm 3pm-4pm.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
