Muaj qee cov kauj ruam yooj yim uas koj muaj peev xwm ua tau kom thiaj rub tau daim ntawv hno tshuaj COVID-19 vaccine hu ua COVID-19 digital certificate rau koj thaum koj hno tshuaj vaccine txwm 2 koob lawm.
Kuv tej xov xwm hno tshuaj COVID-19 raug coj mus khaws cia qhov twg?
Qhov chaw tseem ceeb uas koj muaj peev xwm mus txheeb tau koj cov keeb kwm hno tshuaj vaccine ces yog Australia lub koom haum teev cov kev hno tshuaj vaccine (Australian Immunisation Register - AIR).
Thaum koj tau hno ib yam tshuaj vaccine dab tsi lawm, ces koj tej xov xwm yeej yuav raug muab teev zwm tseg. Ces yuav pom tej xov xwm ntawd ntawm koj phau Medicare account ntawm qhov sau tias 'Keeb kwm hno tshuaj vaccine' los yog ‘Immunisation history statement’. Thiab feem ntau ces tej neeg hno tshuaj vaccine yeej kho tej xov xwm tshiab txog koj cov kev hno tshuaj vaccine rau lub sij hawm 1 hnub.
Yog li koj tej keeb kwm hno tshuaj thiaj tsis yog teev tib co kev hno tshuaj COVID-19 vaccine nkaus xwb, tab sis yeej teev txog cov kev hno tshuaj tiv thaiv kab mob khaub thuas ua koj tau hno tib si nrog thiab.
Ces txhua tus neeg hnoob nyoog 14 xyoo los yog hnoob nyoog siab tshaj ntawd nyias yeej muaj nyias tej keeb kwm hno tshuaj.
Yog tias tsis pom koj tej keeb kwm hno tshuaj raug teev tseg tom qab 10 hnub lawm, ces koj yuav tau hu mus nrog lub chaw hno tshuaj vaccine rau koj tham. Ces lawv mam li nrog lub koom haum AIR txheeb tej hauj lwm no raws li qhov tsim nyog.
Medicare is Australia's universal health insurance that guarantees health services at low or no cost. Source: AAP Image/Mick Tsikas
Tej neeg uas tau hno tshuaj vaccine txawv teb chaws nrog ib cov chaw hno tshuaj uas tau txais kev pom zoo ntawm nom tswv Australia muaj peev xwm teev tej xov xwm no tau nrog lub koom haum AIR. Lub koom haum pab cuam zej tsoom (Services Australia) tshab txhais tias yuav teev koj cov ntxiv rau koj tej keeb kwm hno tshuaj.
Ces yeej muaj ib daim ntawv pov thawj hno tshuaj vaccine (Vaccination Certificate) rau tej neeg sawv daws uas tau hno tshuaj vaccine txwm 2 koob lawm. Cov neeg uas nyuam qhuav hno thawj koob xwb los yeej muaj peev xwm siv tau lawv tej keeb kwm hno tshuaj vaccine qhia rau lwm tus tias lawv tau hno tshuaj vaccine thiab.
Cov txheej txheem mus rub koj daim ntawv pov thawj hno tshuaj vaccine (Vaccination certificate)
Hank Jongen uas yog tus General Manager ntawm lub koom haum Services Australia hais tias: “Qhov kuv xav kom koj ua ces yog tias koj tseem tsis tau muaj myGov account ces xav kom mus qhib ib phau accournt rau koj tso. Thaum koj qhib tau myGov account lawm ces txuas nrog (link) rau Medicare. Ntxiv ntawd ces download lub Express Plus Medicare mobile app.Thaum koj tau txuas tej no rau koj phau online account lawm, ces koj yuav tau tag nrho tej pov thawj hno tshuaj rau ntawm koj xib teg lawm, raws li Mr Jongen tau qhia.
Hos yog tias koj tsis xav siv lub app no, los kuj muaj lwm txoj xub ke rau koj mus saib tau koj tej keeb kwm hno tshuaj tau hauv online thiab, koj mus xaiv COVID-19 digital Certificate ces download daim ntawv pov thawj no khaws cia rau koj lub xov tooj ntawm tes los yog cia rau hauv koj lub computer tau tib yam.
Yog tias koj tsis kho cov xov xwm tshiab ntawm koj phau Medicare account ces tej zaum koj yuav tsis muaj peev xwm txuas tau nrog koj cov account tau.
Source: Services Australia
Lub koom haum Services Australia thiaj tau tsim ib daim yeeb yaj kiab luv luv coj los tshab txhais tias koj yuav txuas tau koj phau Medicare account rau myGov account li cas thaum koj siv koj daim Medicare card. Uas koj saib tau txuas ntxiv hauv qab no.
Txawm koj tsis muaj cai siv Medicare, los koj yeej muaj peev xwm mus nrhiav tau koj cov keeb kwm hno tshuaj tau hauv online thaum koj siv cov Individual Healthcare Identifier Service ntawm lub vas sab myGov. Ces koj thiaj muaj peev xwm download (rub tau) daim ntawv pov thawj hno tshuaj vaccine (Vaccination certificate) coj los tso rau koj hnub hnab digital (Digital wallet) tau.
Tab sis yog koj tsis muaj xov tooj ntawm tes ne, los yog koj tsis xav mus siv koj daim ntawv pov thawj hno tshuaj hauv online ne yuav ua li cas?
Mr Jongen hais tias “Txawm peb xav kom siv myGov uas yog ib txoj xub ke zoo tshaj plaws rau koj mus rub koj daim ntawv hno tshuaj tau ntawm koj lub xov tooj ntawm tes, los yog tias koj tsis muaj peev xwm ua tau li hais ntawd, los yog tsis xav siv lub tswv yim no, ces koj yeej muaj peev xwm hu xov tooj rau lub koom haum Services Australia kom xa ib daim ntawv pov thawj hno tshuaj vaccine tuaj rau koj los tau, yog koj hu rau peb tus xov tooj 1800 653 809.”
Tsis tas li no los tej chaw hno tshuaj vaccine rau koj yeej muaj peev xwm luam koj tej keeb kwm hno tshuaj vaccine rau koj rau lub caij koj hno tshuaj vaccine tib yam thiab.
Puas tau txais kev ruaj ntseg rau koj tej xov xwm?
Raws li lub koom haum pab cuam zej tsoom ntawm teb chaws Australia (Services Australia) tau qhia, ces yeej muaj ntau yam coj los pov puag kom tej neeg tsis txhob coj daim ntawv pov thawj hno tshuaj COVID-19 vaccine (COVID-19 digital certificate) coj mus siv ua txhaum cai.
Thaum koj mus saib koj daim ntawv pov thawj hno tshuaj vaccine ntawm koj lub xov tooj ntawm tes, ces koj yuav pom tias muaj ib lub cim tus Kangaroo thiab tus noog Emu sib tshooj nrog rau tej ntawv, uas teev koj npe, koj hnoob nyoog thiab qhia tias koj tau hno tshuaj COVID-19 vaccine lawm. Txhais tau tias daim duab ntawd yuav txav thiab yuav muaj cov tso (xim) hloov thaum koj muab lub screen tig thiab.
Tsis tas li ntawd los daim digital certificate yeej ib tug cim txawj khiav mus los, thiab muaj tus zauv qhia daim ntawv pov thawj ntawd, thiab muaj lub teev nyob hauv qab ntawm lub cim ntawd dhia dhia thiab.
Txawm li cas los lub Express Plus Medicare app yeej tsis tshua tau txais kev ruaj ntseg thiab tej zaum tej neeg kuj yuav tsim tau cov ntawv pov thawj hno tshuaj COVID-19 vaccine cuav thiab.
Lub koom haum Australian Cyber Security Centre yeej tab tom taw qhia kom tsoom fwv tej koom haum los pab tsim cov ntawv pov thawj hno tshuaj vaccine (Vaccine certificate) thiab nrog xyuas kom tau txais kev nyab xeeb txuas ntxiv lawm.
Authorities are warning against sharing your details through links contained in unsolicited text messages offering COVID-19 passports. Source: ACCC Scamwatch
Ceev faj tsam koj raug neeg phem dag
Nom tswv yeej tau ceeb toom txog cov kev qhia koj tej xov xwm ntiag tug rau lwm tus uas pheej xa text message tuaj rau koj tias yog xa koj daim COVID-19 passport tuaj rau koj.
ACCC Scamwatch
Kom nco tias cov ntawv pov thawj hno tshuaj COVID-19 vaccine (COVID-19 vaccine certificates) no yog tau dawb xwb tsis tas them dab tsi.
Yeej muaj tej neeg coob heev uas tau txais ib co text message xa tuaj rau lawv tej xov tooj ntawm tes, los yog xa tuaj rau lawv tej email tias, yuav pab lawv ua lawv daim COVID-19 passport uas raug tus nqe $2. Yog li ntawd tsis txhob mus nyem rau qhov link lawv xa tuaj rau koj ntawd.
Mr Jongen hais tias “Tej ntawd yog ib co kev dag xwb. Yog koj nyem rau cov links ntawd lawm, ces tej neeg phem yuav nug kom koj qhia koj tej xov xwm ntiag tug rau lawv, thiab yog koj ho tau qhia koj tej xov xwm yuam kev rau tej neeg phem lawm, ces koj tseem yuav poob nyiaj ntau tshaj $2 thiab."
Lub koom haum Services Australia los yeej muaj ib cov twj coj los pab tej neeg kom muaj peev xwm mus raub tau daim ntawv hno tshuaj vaccine kom thiaj qhia tau tias lawv tau hno tshuaj COVID-19 vaccine lawm yog koj mus txheeb ntawm lub vas sab no:
