Tom qab nom tswv Australia thiab pawg rooj sab laj tawm tswv yim txog cov kev tswj cov kev hno tshuaj vaccine thiab pawg nom uas tswj tej hauj lwm tawm tsam tus kab mob COVID-19 tau sib tham tag lawm ces nom tswv Australia tau qhia tias yuav tsis hno cov tshuaj AstraZeneca COVID-19 vaccine rau tej neeg hnoob nyoog qes dua 50 xyoo lawm, thiab yuav coj cov tshuaj Pfizer COVID-19 vaccine coj los hno rau tej neeg no lawm xwb thiab cia siab tias yuav coj tus tshuaj no los hno rau tej neeg feem coob uas tseem tsis tau hno tshuaj COVID-19 vaccine. Hos cov twb tau hno thawj koob tshuaj AstraZeneca lawm ces lawv muaj cai xaiv tias seb yuav hno cov tshuaj qub koob 2 txuas ntxiv los yog xav hno cov tshuaj tshiab (Pfzer COVID-19 vaccine) ces mam sab laj nrog lawv tej kws kho mob txuas ntxiv.
Hos tej laus uas twb muaj hnoob nyoog 70 xyoo rov sauv lawm ces tseem yuav hno cov tshuaj AstraZeneca rau lawv li qub txuas ntxiv.
Thiaj tau ua rau nom tswv Australia qhia tias tej xwm txheej no yuav ua rau tej zaum kuj yuav ncua cov kev hno tshuaj theem 1b no los kuj tau thiab tej zaum yuav tsis muaj peev xwm hno tau tej tshuaj vaccine thawj koob rau neeg Australia li nom tswv Australia xub tau kwv yees tseg ua ntej.
Tau muaj tej xwm txheej no tshwm sim tom qab tau muaj ib tug txiv neej hnoob nyoog 40 tawm xyoo ntawm nroog Melbourne raug teeb meem ntshav khov tom qab tau hno cov tshuaj AstraZeneca COVID-19 vaccine tag tau 2 limtiam (14 hnub), thiab tau muaj lub koom haum European Medicine Agency (EMA) tau qhia tias tej zaum kuj yuav muaj feem cuam tshuam rau tus tshuaj no ua rau muaj teeb meem ntshav khov tau thiab txawm tias tam sim no yeej tseem tsis tau muaj pov thawj tim khawv qhia tau tseeb tias seb puas muaj ib cov txuam thawj dab tsi tsi ntsees yuav qhia tau li ntawd. Tab sis ntawm tej neeg tau hno cov tshuaj no ntau million tus yeej tau muaj tej neeg tshaj 100 tawm tus raug cov teeb meem ntshav khov uas feem ntau yog tej poj niam ntawm ntau lub teb chaws ntawm cov teb chaws Europe thiab. Tab sis nom tswv teb chaws
Ces thiaj tau ua rau muaj ntau lub teb chaws tau muaj cov kev pauv hloov rau cov kev siv tus tshuaj AstraZeneca no lawm.
Teb chaws Askiv tej nom tswv tswj kev noj qab haus huv kuj taw qhia kom yog nrhiav tau lwm yam tshuaj COVID-19 vaccine siv ces coj los hno rau tej neeg hnoob nyoog qes dua 30 xyoo yog tias ua tau tiag.
Teb chaws Germany thiab Spain los yeej tau muaj cov kev pauv hloov rau tej neeg cov hnoob nyoog tias pub siv cov tshuaj no rau cov neeg muaj hnoob nyoog li cas lawm xwb thiab.
Hos teb chaws Phillippine los kuj tau ncau tsis siv thiab tsis pub hno rau tej neeg hnoob nyoog qes dua 60 xyoo lawm.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
