Cov ntsiab lus tseem ceeb:
- Muaj xov xwm qhia tias txog rau hnub tim 31 October 2022 ces kab mob COVID-19 muaj feem cuam tshuam los yog tau ua rau muaj neeg 13,021 tus tas sim neej
- Doherty Institute pom zoo txhawb nqa kom siv cov tshuaj Lagevrio hno rau tej laus 70 xyoo los yog hnoob nyoog siab tshaj ntawd
- Suav ib cov nroog loj tshaj plaws tau tshem qee cov kev txwv COVID-19 tom qab muaj neeg tawm tsam coob heev
Tau muaj tej neeg kis tau kab mob COVID-19 ntau tuaj ntxiv rau ib limtiam twg thoob Australia tej xeev.
Kuj muaj xov xwm tshaj tawm tias NSW los kuj muaj neeg tshiab kis tau kab mob COVID coob tuaj ntxiv txog 20 feem pua los yog 37,796 tus rau hnub Friday dhau los thiab.
Muaj xov xwm tshaj tawm ntawm Victoria tias muaj neeg kis tau tus kab mob no coob tuaj ntxiv txog 21 feem pua los yog muaj txog 26,971 tus neeg kis tshiab thiab.
Tej kws paub zoo txog kab mob sib kis kuj tseem xav rau kis zoo tias tej zaum kuj yuav muaj kab mob COVID sib kis coob heev ua ntej yuav txog Christmas ntawm lub teb chaws no thiab.
Lub chaw teeb txheeb Peter Doherty Institute for Infection and Immunity ntawm Melbourne tau txhawb nqa kom siv cov tshuaj tua kab mob virus Lagevrio hno rau tej laus hnoob nyoog 70 xyoo los yog hnoob nyoog siab tshaj ntawd.
Txawm li cas los kuj cia li yuav tau tej tshuaj Lagevrio yooj yim ntawm teb chaws Aaskiv thiab lwm lub teb chaws yam tsis tas tos kws kho mob sau ntawv yuav tshuaj lawm.
Lub chaw teeb txheeb no tau hais tias nws cov kev ntsuam cov tshuaj no, uas tseem tsis tau raug lwm cov chaw teeb txheeb ntsuam xyuas ntawd, yeej pom tau tias muaj peev xwm pab pab tau kom tej neeg raug coj mus kho ntawm tsev kho mob los yog tej laus ntawm tsev laus hnoob nyoog tshaj 70 xyoo tsis txhob tas sim neej tsawg dua li 30 feem pua.
Tab sis tus tshuaj Pfizer's Paxlovid tseem yog cov tshuaj ntsiav noj uas pab tau tej neeg uas kis tau tus mob COVID kom tsis txhob raug coj mus kho ntawm tsev kho mob los yog tsis txhob tas sim neej txog li 89 feem pua diam.
Tej xov xwm tshiab tau los ntawm lub koom haum Australian Bureau of Statistics kuj qhia tias los txog ntua rau hnub tim 31 lub 10 hli ntuj dhau los ntaws tus kab mob COVID-19 muaj feem los yog ua rau muaj tej neeg txog 13,021 tus tas sim neej.
Ntawm tej neeg tag nrho 13,021 tus uas tas sim neej ntawd ces muaj 10,620 (81.6 feem pua) yog cov tas sim neej los ntawm tus mob COVID. Hos cov seem 2,401 tug ntawd ces vim yog muaj lwm yam ua rau tas sim neej tab sis yeej yog cov neeg kis tau tus mob coronavirus no thiab.
Kuj tau muaj 5 tug neeg raug coj mus kho ntawm tsev kho mob ntawm tsev kho mob thiab tom qab tau muaj 4000 tus neeg tau caij ib lub nkoj rov qab los rau Melbourne hnub zwj Teeb (Thursday).
Tej nom tswv los kuj tseem tsis tau qhia tias ho muaj neeg npaum li cas uas caij lub nkoj Grand Princess ntawd kis tau kab mob COVID-19.
Tsoom hwv NSW kuj tau thim tsis plua tej neeg txog li 33,121 tus ntawm tag nrho 62,138 tus raug nplua rau lub caij kaw xeev xyoo 2021 lawm.
Thiaj tau muaj tej xwm txheej no tom qab tau muaj cov kev sib cav hauv NSW lub tsev hais plaub Supreme Court tias tej kev nplua no twb tsis txaus nplua li cov kev ua txhaum uas tsim nyog nplua raws tej chaw nplua (Fines Act) li.
Ces tus tseem fwv xeev no thiaj yuav rov qab thim tej nyiaj nplua uas tej neeg twb them tag lawm rov qab rau lawv.
Raws ku Professor Brett Sutton uas yog xeev Victoria tus coj tswj dej num noj qab haus huv thiab yog tus koom sau ib co ces nws yeej hais tias ''tus kab mob COVID no ces yog ib cov foob pob muaj ntau txheej."
Stacey Rowe uas yog ib tug kws paub zoo txog kab mob sib kis tau hais tias tej laus neeg ntawm cov tsev laus mas yog cov yuav muaj cib fim mob plawv o (myocarditis) txog 15 npaug thiab yuav tau raug coj mus kho ntawm tsev kho mob tom qab kis tau tus mob COVID-19 no ntau tshaj qub lawm thiab.
Tsis tas li no los kuj cia siab tias nom tswv Suav yuav tswj tej cai txwv thiab cais tej neeg nruj heev ntawm kom ntaug me ntsis tom qab uas tau muaj neeg tawm tsam coob hauv tej nroog loj li Beijing, Shanghai and Guangzhou.
Txawm li cas los kuj pom tau tias ntiaj teb cov neeg uas kis kab mob COVID tshiab no kuj yob tus rau lub limtiam los xau rau hnub tim 30 lub 11 hlis ntuj no thiab raws li ntiaj teb lub koom haum tswj dej num noj qab haus huv (World Health Organisation-WHO) tsab ntawv cej luam tshiab tau qhia.
Kuj tau muaj tej xov xwm cej luam tias cov teb chaws Japan, Korea, Ameria, Fabkis thiab Italy yog cov uas muaj neeg kis kab mob COVID rau ib limtiam twg ntau tshaj plaws yog piv raws theem teb chaws lawm.
Nrhiav tau ib lub chaw kho tej neeg uas muaj cov yam ntxwv mob COVID ntev tau ntawm tej xeev hauv qab no:
Nrhiav tau ib lub clinic sim seb puas kis kab mob COVID-19 tau raws li cov xeev hauv qab no:
Teev koj cov kev sim Rapid Antigen Tests (RATs) tau ntawm cov xeev hauv qab no yog koj sim tau tias koj kis kab mob COVID lawm:
Ua ntej koj yuav mus txawv teb chaws, Nod yog ib cov lus uas muaj lub ntsiab lus tob heev txog kab mob Nyeem tau tag nrho tej xov xwm txog kab mob COVID-19 ua koj hom lus tau ntawm
