Zaj xov xwm no teev txog tej me nyuam yaus raug lwm tus ua phem rau.
Tub ceev xwm teb chaws tau ceeb toom rau tej niam txiv thiab tej neeg tsom kwm tej me nyuam tseem yau tej duab uas coj mus tso hauv online tias tej zaum yuav raug siv tam li yog ib co khoom siv ua phem rau tej me nyuam.
Tub ceev xwm teb chaws (Australian Federal Polic - AFP) hais tias tej niam txiv tsim nyog ceev faj txog tej xov xwm ntawm tej duab tsam ho muaj neeg tau tej xovxwm no.
Helen Schneider uas yog tus coj tub ceev xwm teb chaws tau hais tias yog tej yam tsis zoo muaj tseeb uas tseem muaj tej neeg tsis paub tab dab tsi tej duab raug lwm tus coj mus sib faib rau lwm tus thiab yuav coj mus siv rau kis tsis zoo.
Nws tau hasi tias tub ceev xwm teb chaws yeej tau pom me nyuam yaus ib co duab los yog tej hluas tej duab uas muaj neeg siv mus rau kis tsis zoo los yog hais tej lus tawm tswv yim tsis zoo.
Ces tej neeg tshuaj ntsuam tej xwm txheej no thiaj tau teev lub ntsiab lus tias yog ib cov kev sau lus tsis zoo rau tej me nyuam yaus.
Schneider tau hais tias "Txawm tias tsuas muaj tej xwm txheej no tsawg tsawg xwb, los kuj yog tej yam muaj tseeb uas tshwm sim thiab txaus tu siab heev, vim li ntawd peb thiaj xav nqua hu tej cuab yig kom kub siab khaws lawv tej me nyuam tej xov xwm kom nyab xeeb rau lub caij uas yuav rov qab pib kawm ntawv xyoo 2025 no.''
Nws tau hais tias xav kom muab tej me nyuam tej cim teej kawm los yog ris tsho kho kom plooj thiab tsis txhob pom tom qab tias nyob qhov twg tsis tas li ntawd los yuav tau kho cov privacy setting kom ruaj tshaj qub ntxiv hauv yus tej post.
Schneider tau hais tias "Tej me nyuam tej duab uas muaj xov xwm ntau yam uas yus xav tias tsis tseem ceeb dab tsi — li yus ib tug me nyuam los yog ib tug hluas tej hobby uas nws nyiam ua los yog txoj kev ntawm yus chaw nyob ua ntej ntawm yus tsev qhov rooj tag — kuj yuav yog tej yam uas tej neeg phem yuav khaws yus tej me nyuam tej xov xwm thiab xav thab zes lawv, los yog yuav siv coj los tswj tej niam txiv los sis tej neeg tu saib xyuas tej me nyuam yaus kom sib cuag tau nrog lawv tej me nyuam los yog kom lawv tau txiaj ntsim qee yam.''
Lwm cov kev taw qhia rau tej niam txiv ces yuav tau nrog lwm tus neeg uas yees yus tus me nyuam duab tias seb lawv yuav coj mus siv ua dab tsi los yog yuav coj mus faib rau leej twg thiab ua tib zoo xyuas kom tsis txhob qhia yus tus me nyuam npe thiab xeem thiab hnoob nyoog rau zejzog paub.
Tej neeg uas nyeem zaj xov xwm no yog xav tau kev pab ces muaj peev xwm hu tau rau Lifeline crisis support tus xov tooj 13 11 14, los yog Suicide Call Back Service ntawm 1300 659 467 thiab Kids Helpline on 1800 55 1800 (rau tej hluas hnoob nyoog 5 txog 25 xyoos). Thiab muaj peev xwm txheeb xov xwm ntxawv ntxiv ntawm ntawm thiab .
Ib tug twg uas xav tau xov xwm thiab kev pab cuam tshuam txog cov xwm txheej sexual abuse muaj peev xwm hu tau rau lub koom haum Bravehearts tus xov tooj 1800 272 831 los yog Blue Knot tus xov tooj 1300 657 380.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum
los yog lwm cov podcast platforms (, , thiab ).
