Tej neeg Australia uas tsis tshua muaj epev xwm them tau tej nqe kim ntau yam tuaj nqua hu kom muaj cov kev pab cuam ntau tshaj tej se uas tus coj lwm pab nom teb chaws yuav txo se me ntsis los pab zejtsoom thaum nws yuav los qhia txog nws tsab cai pab daws tej nuj nqes siv ua lub neej.
Peter Duttontseem yuav los qhia nws tej nyiaj puag xyoo hnub zwj Teeb (Thursday 27.03.2025) no thiab yuav qhia txog ib tsab cai tseem ceeb coj los daws tej nuj nqes siv ua lub neej, tom qab uas pab nom Labor tau siv coj los qhia tias yuav txo 2 teem se rau neeg Australia.
Tej zaum Dutton yuav cog lus tias pab nom koom tswj yuav txo se roj 1 xyoos ntawm 50 cents 1 litre twg los ua 25 cents lawm xwb (uas yuav siv nyiaj txog $6 billion dollars).
Pab nom koom tswj tau tawm suab tsis pom zoo txhawb nqa cov kev txo se rau neeg Australia tom qab uas tsev tsoom fwv tawm suab pom zoo hnub zwj Feej (Wednesday) thiab jais tias cov kev txo se pab no lig dhau heev lawm.
Ces yog tias pab nom Labor tsab cai txo se no raug tsim tau los ua cai siv tiag ces yuav pab tej neeg ua hauj lwm them se txug tau nyiaj txog $268 thawj xyoo 2026/27 thiab txuag tau txog li $536 txhua xyoo tom qab ntawd.
Dutton tau hais tias "Vim rau qhov tej uas peb paub tseeb lawm ces tsuas tau tej se no ib hnub twg txog 70 cents rau lub caij 15 hlis ntixv no xwb, thiaj tsis yog tej yam yuav pab tau tej cuab yig tam sim no uas twb tsis tshua muaj peev xwm ua tau lub neej lawm,''
"Peb xav pab tej cuab yig los daws tej nuj nqes siv ua lub neej tiag tiag, thiab peb yeej xav los daws tej nqe hluav taws xob tiag tiag.''
Treasurer Jim Chalmers thiaj hais tias cov kev txo se no ''tsuas yog ib co txo me ntsis xwb, tab sis yog thaum muab tag nrho txhua yam coj los sib xyaw ua ke lawm ces yeej yog tej yam uas peb pab zej tsoom lawm.''
Ces lwm pab nom teb chaws thiaj tawm suab tsis pom zoo nrog Labor cov kev txo se, uas Angus Taylor uas yog lwm pab nom teb chaws tus nom tswj nyiaj txiaj thiaj hais tias pab nom Labor tej nyiaj puag xyoo 2025 no ces tsuas yog ib co uas ''siv rau 5 limtiam ntxiv tom ntej no xwb, tsis yog siv rau 5 xyoos ntxiv no,'' coj los ua ib co lus nrhiav suab xaiv tsa.
Tab sis nws kuj raug Australia tus nom tswj nyiaj txiaj tawm tsam rau lwm pab nom cov kev tawm tsam tsis pom zoo txo se rau tib hnub ntawd uas tej kab theem nyiaj poob nqe tau nqes qes ntxiv lawm thiab.
Chalmers tau hais tias ''Tsis txhob pheej yuav qhuab ntuas peb txog tej nyiaj poob nqe thiab cov kev tsis muaj peev xwm ua tau lub zoo neej, yog tias nej kub siab xav los daws tej teeb meem nuj nqes siv ua lub neej tiag tiag, ces tsim nyog nej pab tawm suab pom zoo txo se.''
Txawm li cas los Taylor kuj tseem tsis tau qhia meej tias seb pab nom koom tswj puas yuav txo se kom ntau dua li cas, tab sis lwm pab nom teb chaws no yeej tsis hais dab tsi txog cov kev txo se los yog qhia dab tsi txog nws tej cai tswj lagluam coj los qhia rau tej neeg rau lub caij yuav muaj kev xaiv tsa tsoom fwv teb chaws no li.
Lwm pab nom teb chaws los kuj tau cog lus tias yuav kub siab ceev nrooj los xyuas kom pom zoo tso cai rau cov lagluam gas, thiab yuav txuas lub sij hawm siv tej chaw tsim hluav taws xob uas siv roj zeb ntsuam los pab txo tej nqe hluav taws xob rau ib ntus, uas tau ua rau tej neeg pov puag tej ib puag ncig tawm tsam tsis pom zoo.
Tsis tas li ntawd los kuj muaj lus tawm tswv yim ntau yam tias ntshe thawj pwm tsav yuav qhia rau hnub zwj Kuab (Friday 28.03.2025) no tias yuav xaiv tsa tsoom fwv teb chaws hnub twg, uas tej zaum yuav muaj cov kev xaiv tsa ntxov dua 33 hnub ua ntej yuav txog lub 5 hlis ntuj xyoo no.
READ MORE
Nyiaj puag xyoo 2025
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
