Dr Jim Chalmers uas yog tus nom tswj nyiaj txiaj rau tsoom fwv Albanese tau qhia rau lub chaw nthuav xov xwm ABC tias:
"Reserve Bank of Australia (RBA) tau txo kab theem paj 0.25% lawm. Ces yuav ua rau tej neeg qeev nyiaj yuav tsev txog li $500,000 yuav txuag tau nyiaj txog li $80 rau ib hlis twg los yog yuav txuag tau yuav laug txog li $960 ib xyoos twg.''
Nws hais ntxiv tias ''Kuv yeej tau nrog tej coj ntawm Australia tej txhab nyiaj loj (Westpac, CBA, NAB thiab ANZ) tham lawm, thiab lawv yeej qhia meej tias yuav txo kab theem paj rau tej neeg Australia.''
Lub caij Michele Bullock nrog tej neeg nthuav xov xwm tham uas ABC tau tshaj tawm ces tus coj Australia lub txhab nyiaj RBA tau hais tias ''Peb txo 0.25% rau cov kab theem paj lawm, tab sis peb tseem tsis tau paub tias seb puas yuav txo li cas ntxiv rau yav tom ntej.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (,, thiab ).
