Australia tus nom tswj nyiaj txiaj rau tsoom fwv thiaj ceeb toom tias vim dej nyab ces ntshe yuav ua rau tsis muaj tej txiv tsawb thiab piam thaj txaus ces yuav ua rau tej nqe kim tuaj ntxiv.
Mr Chalmers tau hais rau hnub zwj Quag (Tuesday) tias vim tej xwm txheej dej nyab tau ua rau muaj teeb meem yuav laug txog li 4 feem pua rau lub teb chaws no tej av cog qoob loo.
Nws qhia rau tej neeg nthuav xov xwm tias: ''Txhais tias yuav ua rau muaj teeb meem rau ib cov lagluam twg.''
Raws li Treasury xub kwv yees, ces tej xwm txheej dej nyab ua rau tsis tau lagluam yuav ua rau tau cov GDP tsawg rau lub caij 3 hlis txog lub 3 hlis ntuj txog li ntawm 0.1 feem pua. Ces tej zaum thiaj yuav ua rau tej nqe kim tuaj.
Tsis tas li ntawd los Chalmers tau hais tias ntshe muaj teeb meem rau Australia tej tsawb txog li ntawm 20 feem pua, vim tej kev puas ces xav tsis tau muag.
Federal Treasurer Jim Chalmers uas yog tus nom tswj nyiaj txiaj rau tsoom fwv teb chaws tau ceeb toom tias ntshe tej dej nyab ntawm qaum teb xeev Queensland tej zaum yuav ua rau tej nqe txiv tsawg thiab piam thaj kim tuaj ntxiv. Source: AAP / Lukas Coch
Tab sis nws hais tias tsoom fwv yeej txhawj txog tej xwm txheej dej nyab tsim teeb meem muaj rau ''tib neeg, vim rau qhov tias zoo li tseem muaj tej kev phom sij no.''
'True extent' of damage not known for weeks
Ces tej neeg cog qoob loo thiaj nyuam qhuav rov qab pib los tu tej liaj teb rau lub caij tseem yuav ntsib teeb meem ntau yam txuas ntxiv tom qab ntau limtiam uas tau muaj ntuj los nag hlob heev.
Thiaj ua rau tej kab tsib, txiv avocados, txiv tsawb, ntses, tej tsiaj txhu raug teeb meem loj rau lub caij ntuj los nag hlob ntawm sab qaum teb xeev Queensland, uas tau ua rau muaj ob tug neeg tas sim neej.
Rachel Chambers uas yog tus coj lub koom haum Queensland Fruit & Vegetable Growers tau hais tias ntshe tseem yuav ntau limtiam ntxiv mas thiaj paub tias raug kev puas tsuaj loj npaum li cas.
Chambers hais tias ''Vim tseem muaj ntuj los nag rau ntau thaj chaw ntawm cheeb tsam ntawd. Thiab tej neeg cog qoob loo los yeej tseem tsis tau muaj peev xwm mus txheeb seb raug kev puas tsuaj li cas rau lawv tej liaj teb, tej kev los kuj tau raug tej tshoob kuav tag, thiab yeej pob puas mus tsis tau rau tej liaj teb — tsuas tshuav tej kev uas mus ntawm ib thaj teb rau lwm thaj, los yog tej kev ntawm xeev txuas rau tej kev loj ncig teb chaws xwb.''
Chambers thiaj tau hais tias tej neeg cog qoob loo ntawm North Queensland ces ''tam sim no yeej mus txheeb lawv tej liaj teb thiab xa duab rau peb siab tias seb lawv tej qoob loo puas tsuaj li cas, thiab tej uas lawv twb npaj tau rau tej tsheb trucks los twb cia nws nyob nws hauv tsheb tau txog li 6-7 hnub lawm thiab tsis muaj peev xwm thauj mus muag. Ces lawv yeej paub tias tab tom lwj lawm thiab tsis muaj peev xwm xa rau tej kiab khw lawm.''
Nws thiaj hais ntxiv tias "Kuv xav tias yuav yog tej yam nyuaj zuj zus ntawm ib hnub rau ib hnub tuaj ntxiv rau tej neeg cog qoob loo, vim yog ib co hauj lwm ntau heev uas lawv yuav tau los tu lawv tej qoob loo thiab tej liaj tej teb.''
A 'really difficult disaster'
Dan Galligan uas yog tus coj lub koom haum Queensland's sugarcane growers tau qhia rau SBS News tias tej xwm txheej dej nyab tsis ntev los no ''yog ib cov kev puas tsuaj loj'' rau Queensland tej neeg cog kab tsib yuav laug txog li ib feem peb.
Nws thiaj hais tias raug teeb meem loj tshaj plaws rau Ingham, ntawm thaj tiaj nrag Herbert River Valley.
"Yeej muaj tej kab tsib ntawm thaj chaw ntawd txog li ntawm 4 million tonnes uas feem ntau ces yeej muaj dej nyab meem mias ploj tag, thiab nyuam qhuav pib nqeg me ntsis hnub no xwb, tom qab tau muaj ntuj los nag tau pib 10 hnub dhau los. Ces thiaj yog ib cov kev puas tsuaj loj heev.''
Flooding is seen in Ingham in North Queensland following days of torrential downpours. Source: AAP / Adam Head
'Yog ib cov kev poob lagluam loj heev rau tej zejzog cog qoob loo, tsis yog Australia tej neeg yuav khoom siv
Galligan kuj tau hais tias tej neeg cog qoob loo tseem poob rau ntu nruab nrab uas yuav tau los tswj tej xwm txheej puas tsuaj, thiab ntshe tseem yuav siv sij hawm yam tsawg li 1 limtiam ua ntej tej neeg no yuav paub tias ua rau lawv poob nyiaj li cas.
Tab sis nws kuj qhia tias yog ib co teeb meem rau tej neeg cog qoob loo xwb tsis yog tej neeg yuav tej khoom no siv.
Nws hais tias ''Peb yeej tau xa 85 yam qoob loo tawm ntawm Queensland. Tab sis tej zaum tsis muaj teeb meem rau tej piam thaj dab tsi vim tsis yog thaj chaw xa tej khoom no ntau, ces yuav tsis muaj teeb meem dab tsi rau tej lagluam no.''
Txawm li ntawd los Galligan yeej xav tias ''yuav muaj teeb meem loj rau tej lagluam'', hais tsi ntsees rau lub zos Ingham.
Nws tau hais tias "Txhua txhua dollars uas ib tug neeg cog qoob loo poob vim raug dej nyab no ces yeej yuav ua rau muaj teeb meem xwb.''
Tsis tas li ntawd los kuj tau kwv yees tias ntshe ntuj tseem yuav los nag sab qaum txij Cape York Pennisula mus rau tej ntug hiav txwv chaw sov thiab los mus rau cheeb tsam Burdekin, uas teev tias yog los nag ib hnub ces ntse dej yuav ntub noo thawm av tob txog 200mm ua ntej yuav ntaug zog hnub zwj Feej (Wednesday).
Kuj tseem muaj tej tsheb trucks yuav laug txog li ntawm 200 lub twb tau tos tau ntau hnub ntawm Townsville kom rov qab qhib tej kev tsheb siv.
Tab sis kuj muaj tej tsheb trucks ze txog li 100 lub tseem tab tom tos ntawm lwm txoj kev li Macrossan Bridge ze ntawm Charters Towers uas xav xa lawv tej qoob loo rau lwm qhov thiab.
Muaj qee cheeb tsam ces ntshe tseem yuav yog ib ntus ntxiv mas thiaj rov qab muaj peev xwm mus los tau rau 6 lub zos muaj ntug hiav txwv puag ncig uas raug dej nyab cais.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
