Australia kuj ua tau cov hauj lwm xyuas kom xaus tau tej teeb meem ua rau poj niam thiab txiv neej khwv tsis tau nyiaj sib npaug zoozuj zus tuaj lawm, tab sis tsuas muaj ib tug txwv lagluam ntawm tsib tug twg thiaj ua tau raws li tej hom phiaj xam ua tus zauv nrab uas lawv npaj tseg xwb.
Tej xov xwm no ces yog tej uas lub koom haum Workplace Gender Equality Agency (WGEA) tau coj los qhia rau hnub zwj Quag (Tuesday), uas tau pom tias muaj tej tswv lagluam tshaj ib nrab tau kho kom tsis txhob muaj cov kev sib tu ncua rau poj niam thiab txiv neej cov kev khwv nyiaj tsaib no lawm.
Tsoom fwv lub tuam chav koom haum no tau hais tias ''Tab tom muaj peev xwm los xaus tau tej xwm txheej khwv tsis tau nyiaj sib npaug ntawm poj niam thiab txiv neej uas tab tom tshwm sim lawm,''
Txawm tias tau ua tau tej li hais no, los tej hauj lwm ua tau feem ntau yeej tseem ua tsis tau raws li tej hom phiaj teeb tseg thiab.
Lub koom haum WGEA cov kev ua hauj lwm txhawb nqa thiab kho kom tau txais vaj huam sib luag ntawm tej chaw ua hauj, thiab tej tswv lagluam uas muaj tej neeg ua hauj lwm li 100 leej los yog coob tshaj ntawd yuav tsum tau sau ntawv cej luam qhia tej hauj lwm no ib xyoos ib zaug rau nom tswv paub.
Cov kev teeb txheeb xyoo 2023-24 ces yeej teev tej xovxwm ntawm 7,800 tus tswv lagluam thiab 1,700 cov koom haum lagluam. Thiaj yog thawj zaug uas lawv tau teev cov kab theem nrab ntawm tej nyiaj khwv tsis tau sib npaug ntawm poj niam thiab txiv neej thiab tej nyiaj paj tshab uas uas them ua 4 toom sib npaug.
Ces thiaj tau muaj tej no tom qab tau muaj kev kho tej cai uas pub tej coj tej nyiaj paj tshab tau raws li ib tug neeg ua hauj lwm cov kev khwv tsis tau nyiaj sib npaug.
Cov kev khwv tsis tau nyiaj sib npaug ntawm poj niam thiab txiv neej ces yog qhov sib txawv ntawm tej nyiaj theem nrab uas poj niam thiab txiv neej khwv tau, xam raws li cov feem pua ntawm tej nyiaj paj tshab uas tej txiv neej tau.
Tej nyiaj paj tshab uas khwv tau tag nrho ces suav tej nyiaj hli uas khwv tau yam tsawg, superannuation, overtime, bonuses thiab lwm yam txiaj ntsim uas them rau tej neeg ua hauj lwm full-time, part-time thiab casual uas them raws ib xyoos rau tej neeg ua hauj lwm yuav laug sib npaug li tej neeg ua hauj lwm full time.
Ces WGEA tsab ntawv cej luam no thiaj raug coj los nthuav tawm ua ke nrog tej xov xwm qhia rau hnub zwj Quag (Tuesday), uas kub siab txog tej nyiaj paj tshab khwv tau xam raws li tus zauv theem nrab ntawm tej nyiaj uas khwv tsis tau sib npaug ntawm poj niam thiab txiv neej.
Xam rau qhov dav dav tam li ib haiv neeg
Raws li tsab ntawv cej luam ntawd qhia ces txhua txhua $1 nyiaj ua ib tug txiv neej twg khwv tau, ces ib tug poj niam tswg tsuas khwv tau 78 cents xwb. Thiab yog muab xam qhov sib txawv ntawm tej nyiaj khwv tau ib xyoo twg ces twb sib txawv deb txog li $28,425 lawm.
Tab sis yog xam raws theem haiv lawm, ces tej poj niam yeej khwv tau nyiaj xav raws tus zauv nrab tsawg dua $11,204 tsawg dua tej nyiaj uas tej txiv neej khwv tau ntxiv dua ntawm tej nyiaj khwv tau yam tsawg, piv txwv li nyiaj super thiab tej nyiaj overtime.
Thiab tej statistics ntawm haiv neeg no yeej qhia tias yog cov neeg ua hauj lwm txog 5.3 million thoob plaws rau 19 cov lagluam.
Raws li WGEA hais ces txhua txhua $1 nyiaj uas ib tug txiv neej khwv tau, tej poj niam tsuas khwv tau xam raws li tus zauv nrab txog li 78 cents xwb. Source: SBS
Tej hom phiaj uas teev tseg
Raws li cov kev teeb txheeb xyoo 2023-24 uas tau txheeb tau ces 21 feem pua ntawm tag nrho tej tswv lagluam ua tseem khwv tau tej nyiaj paj tshab tag nrho xam raws tus zauv theem nrab tsawg dua -5 thiab ntau dua +5 feem pua. Tab sis yog xam raws cov hom phiaj li hais no lawm ces yeej tseem pom tias tsem muaj tej tswv lagluam 79 feem pua tseem tsis tau muaj peev xwm ua tau raws li tej hom phiaj uas tau teeb tseg no.
Tej tswv lagluam feem coob — 72.2 feem pua — yeej them nyiaj hauj lwm rau tej txiv neej ntau dua yog xam raws tus zauv nrab, yog piv rau tej them rau tej poj niam. Thiab tej tswv lagluam uas them nyiaj ntau dua yog cov feem coob tshaj plaws uas yuav ua rau muaj cov xwm txheej tej poj niam thiab txiv neej khwv tsis tau nyiaj sib npaug vim rau qhov tsiv neej khwv tau nyiaj ntau dua.
Tam sim no ces tsuas muaj tej tswv lagluam txog li 15.3 feem pua thiaj yog cov uas muaj cov nyiaj paj tshab tag nrho xam raws cov zauv theem nrab thiab tej nyiaj theem nrab uas khwv tau tag nrho raws li tej hom phiaj uas teeb tseg xwb.
Tab sis yog tham txog tej nyiaj paj tshab tag nrho xam raws theem nrab ntawm cov kev khwv tsis tau nyiaj sib npaug ntawm poj niam thiab txiv neej uas hu ua ''mid-point'' ntawd ces tsuas muaj tej tswv lagluam txog li 12.1 feem pua xwb.
Tej nyiaj paj tshab khwv tau tag nrho xam raws tus zauv theem nrab ntawm tej poj niam thiab txiv neej uas khwv tsis tau nyiaj sib npaug ntawm tej tswv lagluam — thiab ho tau nce li cas ntxiv. Source: SBS
'Txog caij nug tias vim li cas'
WGEA cov kev teeb txheeb tau qhia tias 65 feem pua ntawm tej tswv lagluam tau txo tau cov kev khwv tsis tau nyiaj sib npaug ntawm poj niam thiab txiv neej xam raws tus zauv theem nrab tsaib no lawm.
Mary Wooldridge uas yog tus coj lub koom haum WGEA tau hais tias kuj muaj tej tswv lagluam hauj sim uas muaj peev xwm ua tau raws li ob co hom phiaj no uas yog tej yam zoo kawg li thiab.
Nws tau hais tias "Vim ib tug tswv lagluam twg nyias yeej muaj nyias ib co xwm txheej uas txawv lwm tus uas ua rau muaj teeb meem khwv tsis tau nyiaj sib npaug ntawm poj niam thiab txiv neej,''
"Tab sis yog ho muaj cov kev sib txawv deb rau cov kev khwv tsis tau nyiaj sib npaug nrug deb tshaj tej hom phiaj uas teev tseg lawm, ces qhia tau tias muaj ib co poj niam los sis txiv neej twg yog cov uas pheej khwv tau nyiaj ntau dua lwm cov. Ces tej zaum kuj yog tim cov kev teeb tsa ntawm lub tuam txhab lagluam ntawd los sis ho muaj cov kev sib txawv rau tej kab lis kev cai ntawm tej poj niam/txiv neej uas ua ib co hauj lwm twg, los yog ib co koom haum twg, los sis ntawm tej lagluam.
"Hos tej tswv lagluam uas tseem tsis tau muaj peev xwm kho tau tej teeb meem no kom zoo tuaj ntxiv, ces txog caij lawm yuav tau nug tias vim li cas — yuav tau txheeb tej xov xwm tias vim li cas thiaj ua rau muaj cov kev sib txawv txav ntawm tej poj niam thiab txiv neej cov kev khwv nyiaj thiab yuav tau siv tej pov thawj los pab nrhiav tswv yim los daws tej teeb meem no.''
Yog thaum tham txog tej cov kev txo kom muaj tej kev sib tu ncua rau cov kev khwv nyiaj ntawm poj niam thiab txiv neej lawm ces, tsab ntawv cej luam no tau qhia tias yeej muaj tej xwm txheej no thoob plaws rau tej tswv lagluam feem coob ntawm txhua cov lagluam.
Tab sis nws kuj lees paub tias tej zaum kuj yog vim tau muaj kev kub siab ntau tuaj ntxiv txog tej teeb meem no.
Wooldridge tau hais tias "Tau ib xyoo los no ces tej tswv lagluam tau qhia rau peb tias cov kev cej luam qhia txog tej tswv lagluam cov teeb meem uas poj niam khwv tsis tau nyiaj sib npaug li txiv neej yog ib co kev tshuaj ntsuam uas txheeb txog txhua yam uas sib txawv ntawm poj niam thiab txiv neej ntawm lawv tej chaw ua hauj lwm,''
thiab txiv neej
"Yog tham rau txiv neej lawm, ces cov kev tau txais vaj huam sib luag no txhais tau tias lawv tej tswv lagluam pub lawv siv cov paid parental leave, them nyiaj superannuation thaum so yug thiab tu me nyuam, thiab yeej txhawb nqa kom ua tau hauj lwm yooj yim tom qab tau siv cov parental leave,''
''Hos yog tham rau tej poj niam ces tej zaum kuj yog lawv tej tswv lagluam rov qab kho dua tej manager tej hauj lwm tshiab kom muaj peev xwm ua tau part-time los yog muab txoj hauj lwm ntawd faib rau lwm tus pab ua ntxiv.''
Ces tej teeb meem uas poj niam thiab txiv neej khwv tsis tau nyiaj sib npaug no thiaj yog qhov sib txawv ntawm cov kev khwv tsis tau nyiaj sib npaug rau cov kev ua hauj lwm sib npaug zos, uas yeej muaj cai lij choj los pov puag kom tej tswv lagluam them nyiaj sib npaug rau tej neeg ua hauj lwm txij xyoo 1969 los lawm.
Thiab tseem yuav coj tsab ntawv cej luam qhia txog tej xwm txheej khwv tsis tau nyiaj sib npaug ntawm tej neeg uas yog poj niam thiab txiv neej uas ua hauj lwm rau tsoom fwv coj los nthuav tawm ua thawj zaug rau lub 4 hlis ntuj no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
