Melanoma ces yog ib hom kab mob cancer tawv nqaij uas nyaum heev yog tias raug ntsuam tau tias tau tus mob no, tab sis tau muaj ib cov kev teeb txheeb tshiab kuj tau muaj kev txhawj xeeb heev txog lwm hom kab mob cancer tawv nqaij uas yuav kis tau yooj yim thiab.
Tau muaj ib co kev teeb txheeb ntawm tsev kawm qib siab University of Sunshine Coast tau qhai tias lub sij hawm 20 xyoo dhau los, ces tau muaj tej neeg tas sim neej los ntawm cov kab mob Squamous Cell Carcinoma (SCC) thiab cov Basal Cell Carcinoma (BSC) muaj yuav laug txog li 2 npaug tuaj ntxiv lawm.
Ces thiaj tis lub npe tsab ntawv cej luam ntawm cov kev teeb txheeb no hu ua ''Hidden Australian skin cancer epidemic'', hais tias ''tsuas muaj peev xwm tshab txhais'' tias tau muaj tej neeg tas sim neej ntau tuaj ntxiv rau lub caij muaj pej xeem coob tuaj ntxiv thiab tej pej xeem muaj hnoob nyoog tuaj ntxiv.
Dr Andy Dettrick ces yog ib tug neeg paub tshuaj ntsuam kab mob ntawm lub tuam chav School of Health ntawm tsev kawm qib siab University of the Sunshine Coast, yog tus coj cov kev teeb txheeb txog cov kab mob cancer uas tsis yog melanoma uas ua rau tej neeg tas sim neej.
Dettrick tau hais tias SCCs thiab BSCs ces yeej yog ib co cancer uas pom muaj tas mus li, thiab yeej muaj txhua txhua ob tug ntawm peb tug neeg Australia ces yeej ntsib tej xwm txheej mob cuam tshuam txog tawv nqaij ib zaug twg ntawm lawv lub neej, thiab cov kev teeb txheeb tau qhia txog cov kev totaub txog tej kab mob tawv nqaij uas tsis yog melanoma cancer.
Raws li tej kws teeb txheeb tau qhia tom qab uas tau tshuaj ntsuam tej xov xwm ntau qhov chaw suav tej xov xwm tau los ntawm Australian Bureau of Statistics (ABS) nrog ces yeej pom tau tias tau muaj neeg tas sim neej ntawm tus kab mob melanoma uas tsis yog cancer ntawm 400 tus xyoo 2001 ntau tuaj ntxiv yuav laug txog 800 tus xyoo 2021 lawm.
Dettrick los kuj pom tias zoo li yeej tseem tsis tau muaj peev xw yuav paub tias ho muaj tej neeg no coob npaum li cas vim rau qhov zoo li yeej tsis muaj tej xov xwm teev txog cov kev teeb txheeb txog tej kab mob tawv nqaij uas sis yog cancer uas raug teev ntawm tej koom haum Australian Cancer Registries, vim yeej muaj tej neeg coob heev tau tus mob no raug coj mus kho ntawm tej chaw kho mob me thiab tej tsev kho mob loj.
LISTEN TO
New skin cancer treatment added to PBS
SBS News
21/01/202405:14
Txawm tias tej neeg mob feem coob uas raug ntsuam tau tias tau cov mob SCCs los yog BCCs ces yeej muaj peev xwm kho tau zoo txog li ntawm 91 txog 95 feem pua thiab raws li Dettrick tau hais, ''tab sis yuav mob loj tuaj lawm thiab kho tsis tshua tau lawm yog thaum tej kab mob no tau kis rau ib qho chaw nyob ze los yog kis rau tej qog lawm.''
Vim tias cov SCCs ces yeej yog ib co ib txwm kho tau thiab muaj phais txiav tawm tau, los tej neeg uas sau tsab ntawv teeb txheeb no kuj tau tawm tswv yim tias ''Zoo li yeej tsis tshua kub siab txog tej kev phom sij yuav muaj tau los ntawm tus kab mob no li.''
Ces tsab ntawv cej luam no thiaj qhia tias muaj ib co kab mob SCCs uas ncau ntawd yog cov ''cancer uas yuav muaj peev xwm hlav ncau loj tuaj thiab ua rau tas sim neej.''
Anne Cust uas yog tus tswj pawg rooj saib xyuas National Skin Cancer Committee tau qhai rau SBS News tias cov kev raug tshav ntuj kub/ziab yog ib co tseem ceeb ua rau mob cancer tawv nqaij, thiab zoo li yeej tseem muaj neeg Australia coob heev tsis tshua kub siab txaus raws li qhov tsim nyog kub siab txog tiag.
Nws tau hais tias "Kuv xav tias zoo li Australia tej pej xeem tseem phlom moj heev, hais tsi ntsees rau cov phaum neeg laus uas mloog tias ntshe lawv twb raug tshav ntuj kub/ziab lawm.''
Thiab txawm tias ib tug twg yeej muaj peev xwm yuav mob tau cancer tawv nqaij, los tej neeg laus dua, tej neeg muaj tej tawv nqaij muaj quav hnav, tej tawv nqaij dawb, tej neeg muaj plaub hau liab thiab plaub hau ncaj/plaub hau daj, thiab tej neeg uas pheej tiv tshav ntuj rau ib lub caij luv luv uas tshav ntuj kub heev thiab muaj cov UV ray ntau heev, hais ntsi ntsees rau tej neeg uas rau tsav ntuj kub hnyiab yeej yog cov neeg yuav muaj cib fim mob ntau dua thiab.
Ho yuav muaj peev xwm txheeb tau ntau yam kab mob cancer tawv nqaij li cas?
Yeej muaj ntau yam kab mob cancer tawv nqaij.
Hom muaj ntau tshaj plaws ces yog melanomas uas sawv/su ua ib lub pab thiab muaj tsos kob (xim) txho thiab dub. Los seb yog ib lub tias twg hloov yam ntxwv tshiab li loj tuaj ntxiv lawm los yog cia li loj thiab txawv tuaj lawm.
Raws li lub koom haum Cancer Council hais ces hom mob SCCs yeej xub pib mob li sawv tuab thiab liab tuaj, xoo rau ib thaj tawv nqaij twg, thiab raws li ib txwm pom ces tau loj tuaj thiab raws los ua ib lub qog tsis muaj cov xim kaj dab tsi, uas yeej txawv tej xim ntawm cov qog cancer tawv nqaij melanoma.
Hos cov BCCs ces kuj xoo cov pob muaj ntsis zoo li lub zeb nuj pliag deg xim liab tseb, ci ci, los yog xim paj yeeb tshiab khiv su ntxob tuaj, los yog ua ib thaj ntawm tej tawv nqaij uas qhuav heev.
Yuav muaj peev xwm tiv thaiv kom tsis txhob mob cancer tawv nqaij li cas?
Lub koom haum Cancer Council coj los tiv thaiv kab mob cancer tawv nqaij peb ib txwm paub li sob lus 'slip, slop, slap, seek, slide' uas yog yuav tau hnav ris tsho npab ntev ceg ntev, pleev sunscreen, ntoo koos mom, ntoo tsom iav dub thiab nrhiav dua ntxoov ntxoo nkaum tshav ntuj.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
