Ntsiab lus tseem ceeb:
- Lub tuam chav Jobs and Skills Australia tau coj ib daig list hauj lwm uas yuav xub kub siab los txheeb kom tej neeg tsiv teb tsaws chaw muaj txuj ci thiab paub ua hauj lwm muaj peev xwm thov tau visa sai.
- Daim list neeg ua hauj lwm no yeej teev txog tej neeg qhia lwm tus ua yoga, qhia txuj tes taws, tej neeg ntaus saw nyiaj saw kub, thiab tej neeg xyaum dev.
- Tab sis kuj yuav xub txheeb tej neeg qhia ntawv, tej coj ntawm tej koom haum, tej neeg ua hauj lwm kho mob, tej neeg ua hauj lwm pab tej hluas ua ntej.
Tej kws qhia yoga thiab qhia txuj tes taw, tej neeg paub ntaus saw nyiaj saw kub, tej neeg paub qhia dev yog ib co hauj lwm ntawm ntau cov uas yuav xav tau tej neeg tsiv teb tsaws chaw muaj txuj ci paub ua hauj lwm tuaj ua hauj lwm ib ntus.
Ces daim list no thiaj teev txog tej coj uas tswj tej hauj lwm arts, tej neeg tsav tsheb, tej neeg yuav tej lagluam me, thiab qee cov neeg ua luam vaj tse.
Yog li daim ntawv Jobs and Skills Australia (JSA) Confident On List thiaj qhia ntxaws txog ntau yam hauj lwm uas tej zaum yuav muaj cai thov tau visa sai siv.
Tau muaj tej xwm txheej no tom qab tsoom fwv tau qhia txog nws tej tswv yim tswj cov kev tsiv teb tsaws chaws lub 12 hlis ntuj tsaib no, uas qhia tias yuav kho Australia cov migration system li cas.
Xav tau tej neeg tsiv teb tsaws chaw tuaj ua tej hauj lwm dab tsi ntawm Australia?
Daim ntawv uas teev txog ntau yam hauj lwmyeej tau qhia tias xav tau tej coj theem siab li CEO, los yog managing directors, sales thiab marketing managers, advertising managers, research thiab development managers thiab chief information officers yog ib co neeg uas xub xub xav tau ua ntej tshaj plaws ntawm Australia.
Registered nurses, midwives, nurse practitioners thiab nurse researchers los kuj yog ib co neeg ua hauj lwm uas yeej xav xub tau ua ntej thiab.
Hos lwm cov neeg ua hauj lwm kho mob li tej neeg paub siv tau twj ultra sound li sonographers, diagnostic radiographers, anaesthetists, general practitioners, thiab ntau hom kws phais neeg thiab kws paub txog ib yam hauj lwm twg tsi ntsees kuj yog ib co hauj lwm uas raug teev rau daim ntawv teev txog ntau yam hauj lwm no thiab.
Family support workers, social workers, thiab youth workers, nrog rau tej kws paub tu thiab kho tsiaj, ambulance officers, psychologists, thiab drug thiab alcohol counsellors los kuj yog tej hauj lwm uas yuav xub kub siab nrog xyuas ua ntej thiab.
Tsis tas li ntawd Australia los kuj xav tau tej neeg qhia ntawv li tej zes kais qhia ntawm tsev kawm qib siab, tej early childhood educators, tej qhia high school, tej coj teej kawm, special education teachers raws li tau teev rau daim list no.
Ntxiv ntawd los yeej tseem xav tau tej neeg ua hauj lwm rau sab seem nyiaj txiaj thiab tswj ntaub ntawv nyiaj txiaj li statistician, thiab taxation accountants thiab.
Tej hauj lwm geotechnical, civil structural, transport, electrical, industrial, mining, thiab tej neeg tsim tshuab dav hlau (Aeronautical engineers) los kuj yog ib co hauj lwm ntawm daim list no thiab.
Ces daim ntawv teev txog ntau yam hauj lwm no thiaj tsim tau raws li cov kev tshuaj ntsuam tej lagluam nrhiav neeg ua hauj lwm thiab taw qhia rau JSA cov Core Skills Occupation List (CSOL) uas yuav coj los siv rau cov Skills in Demand (SID) Visa Program tshiab.
Ces thiaj tshuaj ntsuam tej hauj lwm no raws cov thiab kuj xam txog tias thaum tej neeg tsiv teb tsaws chaw tuaj txog lawm ne lawv ho nrhiav tau tej hauj lwm ua no zoo npaum li cas, cov kev tos tej tswv lagluam sponsor kom tau visa ua hauj lwm, tej xov xwm qhia txog tej hauj lwm thiab tej lagluam nrhiav neeg ua hauj lwm ntawm teb chaws no.
Ces daim ntawv CSOL no thiaj tseem tsis tau yog daim kawg thiab raug coj los qhia thiab tseem yuav sab laj tawm tswv yim nrog rau ntau pawg neeg uas muaj feem xyuam nrog tej hauj lwm no.
Tseem muaj ntsis yoob rau cov hauj lwm building thiab trade industry
Tej hauj lwm cuam tshuam txog tej kev txhim kho thiab lagluam (Building and trade professionals) li construction project managers, building inspectors, electricians, carpenters thiab joiners kuj raug teev nrog daaim Confident On List, tab sis kuj tau muaj ib lub koom haum lagluam tau hais tias xav kom teev ntau yam hauj lwm trades ntxiv thiab.
Denita Wawn uas ygo tus coj lub koom haum Master Builders Australia tau qhia tias ''yeej tseem yoob kawg'' thiab rau lub caij uas Australia tseem ntsib tej teeb meem tsis muaj peev xwm tsim tau tej vaj tse txaus rau tej neeg nyob thiab.
Nws tau qhia rau tej neeg tshaj xov xwm ntawm Canberra hnub zwj Quag (Tuesday) dhau los tias "Peb tsis muaj peev xwm siv tej neeg qhia kom tej neeg tau txais kev noj qab nyob zoo los tsim vaj tse. Peb xav tau tej neeg paub ua tsev thiab tsim nyog lawv yuav tsum raug teev rau hauv daim ntawv teev tej hauj lwm uas xav tau ntawm tej neeg tsiv teb tsaws chaw uas muaj txuj ci paub ua hauj lwm.''
Australia los kuj yog ib lub teb chaws uas pheej yuav tau sib tw nrog ntau lub teb chaws li Askiv (United Kingdom - UK) thiab Canada kom nrhiav tau tej neeg tsiv teb tsaws chaw muaj txuj ci thiab paub ua hauj lwm thiab raws li Wawn tau hais, thiab yuav plam txiaj ntsim yog tias tsis muaj ib co system uas tej neeg no thov tau tej visas no siv sai.
Peter Dutton uas yog tus coj ntawm lwm pab nom teb chaws tau hais tias nws yeej xav kom yuav tsum xub kub siab txheeb tej neeg paub ua hauj lwm vaj tse ntau tuaj ntxiv thiab.
"(Trades people) yuav yog ib co neeg tseem ceeb ntawm peb daim list, thiab peb xav kom muaj tej neeg no ntau tuaj ntxiv tuaj ua hauj lwm vim sawv das yeej paub tias, tej nqe ua vaj tse ntawm peb lub teb chaws nod tau kim sai tshaj plaws tuaj ntxiv lawm,'' raws li nws tau qhia rau tej neeg nthuav xov xwm ntawm tuam ceeb Canberra hnub zwj Quag (Tuesday).
"Vim rau qhov yeej tsis muaj peev xwm yuav nrhiav tau tej neeg ua hauj lwm ua vaj tse siv li.''
Tsoom fwv teb chaws tej nyiaj puas xyoo uas tau qhia lub 5 hlis ntuj dhau los yeej tau npaj nyiaj $1.8 million dollars los nrhiav kom tau 1900 tus neeg tsiv teb tsaws chaw uas muaj txuj cai thiab paub ua cov hauj lwm txhim kho thiab vaj tse, thiab los txheeb tej neeg tuaj tshiab no kom nrhiav tau tej neeg los ua tej hauj lwm no raws li qhov xav tau.
- Australian Associated Press (AAP) koom cej luam zaj xov xwm no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
