Raws li tau muaj ib tsab ntawv cej luam tshiab qhia ces Australia yog ib lub teb chaws ntawm 10 lub uas muaj txoj kev zoo siab tshaj plaws hauv ntiaj teb, tab sis kuj tseem cov kev sib tu ncua deb heev ntawm ntau phuam neeg thaum txheeb txog tias peb muaj kev zoo siab npaum li cas.
UN tsab ntawv cej luam txog ntiaj teb cov kev zoo siab (World Happiness Report) uas teev txog 143 lub teb chaws ces pom tau tias cov teb chaws sab qaum teb ntawm Europe (Nordic nations) yog cov muaj kev zoo siab dua thiab teb chaws Finland yog lub teb chaws tau zum ib ua lub teb chaws zoo siab tshaj plaws.
Australia tau zum 10, New Zealand tau zum 11, Askiv (United Kingdom -UK) tau zum 20th, Thiab Meskas
(United States - US tau zum 23).
Tsis tas li ntawd los raws li tsab ntawv cej luam no txheeb tau ces kuj pom tau tias tsis muaj ntiaj teb tej teb chaws loj tshaj plaws tau ua cov teb chaws zoo siab tshaj plaws ntawm thawj 10 lub li. Tsuas yog Australia thiab Netherlands (tau zum 6) uas muaj tej pej xeem coob tshaj 15 million tus xwb, hos Canada ces tau zum 15 ntawm thawj 20 lub teb chaws thiab Meskas uas muaj tej pej xeem coob tshaj 30 million tus xwb.
Tsab ntawv cej luam no tau coj los nthuav tawm rau hnub zwj Feej (Wednesday), thiab tau piv txog cov kev zoo siab ntawm tej neeg muaj hnoob nyoog tib yam thoob plaws hauv ntiaj teb. Ces kuj pom tau tias Australia tej laus neeg (Hnoob nyoog 60 xyoo los yog siab tshaj ntawd) tau cov theem muaj kev zoo siab zum 9, how Australia tej hluas uas muaj hnoob nyoog (30 xyoo los yog qes dua ntawd) tau cov theem muaj kev zoo siab ua zum 19 xwb.
Tej no yeej tsis yog tej yam txawv dab tsi rau Australia. Vim tsis tau txais vaj huam sib luag rau cov kev zoo siab no rau txhua cheeb tsam hauv ntiaj teb tsuas tsis xam nrim av Europe xwb, uas tej neeg saus tsab ntawv cej luam no tau piv tias ''yog ib cov xwm txheej txaus txhawj xeeb heev.''
Yeej tau muaj cov kev tsis muaj kev zoo siab rau lub neej tsawg rau txhua nrho pawg neeg muaj hnoob nyoog sib txawv ntawm teb chaws Meskas (US), Canada, Australia thiab New Zealand, tab sis cov txaus txhawj xeeb tshaj yog cov hluas, uas tam sim no (xyoo 2021-2023) no yog cov uas tsis muaj kev zoo siab tshaj plaws.2024 World Happiness Report, United Nations.
Tej no thiaj yog ib cov kev pauv hloov tseem ceeb txij xyoo 2006 txog xyoo 2010 uas yog lub caij thaum tej hluas muaj kev zoo siab dua tej neeg muaj hnoob nyoob theem nrab, thiab yeej yuav laug muaj kev zoo siab tib yam li tej neeg muaj hnoob nyoog 60 xyoo los yog siab tshaj ntawd.
Tsab ntawv cej luam no kuj teeb txheeb raws li tej xov xwm tau los ntawm Meskas lub tuam txhab teeb txheeb Gallup thiab tau muaj ntiaj teb ib pawg neeg los tshuaj ntsuam tej xov xwm no ntawm tsev kawm qib siab University of Oxford.
Lawv tau nug tej neeg mus koom cov kev teeb txheeb no uas txheeb txog lawv lub neej tias seb ua tau zoo npaum li cas txij 0 mus txog 10 ntawd rau lub sij hawm 3 xyoos dhau los thiab mam coj los xam ua tus zauv nrab thiab xaiv cov zum muaj kev zoo siab no.
Tej neeg koom ua ntau yam ntawm teb chaws Finland lub tuam ceeb Helsinki. Teb chaws Finland raug xaiv los ua ntiaj teb lub teb chaws muaj kev zoo siab tshaj plaws ua zeeg ib. Source: AAP, SIPA USA / SOPA Images
Tej kev txheeb tau no kuj yog tej yam txawv tej xub txheeb tau yav dhau los uas txheeb txog tib neeg txoj kev noj qab haus huv (wellbeing), uas pom tau tias lub caij thaum tseem yau thiab thaum tseem nto nkauj nto nraug yog lub caij uas muaj kev zoo siab tshaj plaws, thiab muaj cov kev zoo siab no tsawg tshaj plaws rau lub caij ua neej txog theem nrab, thiab mam li ho rov qab muaj kev zoo siab ntau tuaj ntxiv rau lub caij li ntawm thaum yuav so tsis ua hauj lwm lawm.
Jan-Emmanuel De Neve, uas yog ib tug zeskas paub zoo txog kev siv tej peev txheej los sim khoom siv, faib tej khoom no rau tej neeg siv thiab coj tej khoom los ua lagluam ntawm tsev kawm qib siab University of Oxford thiab kuj yog ib tug uas los kho tsab ntawv cej luam no tau hais tias, muaj ntau yam uas tej zaum pheej yuav ua rau tej hluas muaj txoj kev zoo siab tsawg, li pheej muaj cov kev tig mus tuaj ib tog twg rau ntau yam teeb meem, , thiab cov kev tsis tau txais vaj huam sib luag rau phab kev khwv nyiaj thiab tej peev txheej, uas haj yam ua rau tshaj yav tag los.
Yog dab tsi Finland thiaj yog lub teb chaws zoo siab tshaj plaws?
Jennifer De Paola, uas yog ib tug neeg teeb txheeb txog cov kev zoo siab ntawm tsev kawm qib siab University of Helsinki ntawm teb chaws Finland tau qhia rau lub chaw nthuav xov xwm AFP tias, vim tej neeg Finland (Finn) muaj kev sib cuag tau nrog tej txuab zeej txuab sim nrog tsuag xyoob ntoo toj roob haus pes hav zoov hav tsuag thiab kuj ua tau tej hauj lwm uas pab kom kom lawv ua tau lub zoo neej yog tej pab kom lawv muaj txoj kev zoo siab rau lawv lub neej.
Nws tau hais ntxiv tias txuas ntxiv ntawd los, tej neeg Finns ''yeej muaj cov kev totaub zoo tshaj tias txoj kev ua tau lub zoo neej tiag yog zoo li cas'', piv rau tej piv txwv ntawm teb chaws Meskas uas yeej ib txwm yog cov kev khwv tau nyiaj ntau mas thiaj muaj kev zoo siab rau lub neej xwb.
Tsis tas li ntawd los tej neeg Finns yeej muaj cov kev pab cuam zoo pab rau tej pej xeem, muaj cov kev ntseeg siab rau tej nom tswv, muaj tej teeb meem huab noj huab haus lwg noj lwg haus ua tsis ncaj tsawg, thiab tau siv cov kev kho mob dawb thiab tau kawm ntawv dawb yog ib co tseem ceeb heev uas pab kom Finland yog lub teb chaws muaj kev zoo siab tshaj plaws hauv ntiaj teb no.
Teb chaws Finland yog ib lub teb chaws uas muaj ntau yam li muaj cov kev ntseeg siab, tau txais kev ywj pheej, thiab muaj cov kev pab tau yus tus kheej siab heev.Jennifer de Paula, a Happiness researcher at University of Helsinki, Finland.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
