Txawm Australia daim passport yuav yog ib daim kim tshaj plaws los kuj tsis yog ib daig muaj fwj chim tshaj plaws thiab.
Raws li cov 2025 Henley Passport Index uas tau teev ntiaj teb 199 daim passport raws li tej chaw ntoj ncig uas tej neeg muaj peev xwm mus ncig tau yam tsis tas xub thov visa ua ntej, ces Australia daim yog ib daib tau zum 6 uas muaj fwj chim tshaj plaws hauv ntiaj teb.
Txhais tias neeg Australia muaj peev xwm mus ncig tau 189 lub teb chaws yam tsis tas xub thov visa ua ntej.
Thiab kuj ua rau Australia tau cov zum no zoo tuaj ntxiv ntawm zum 8 xyoo 2023 lawm.
Thiab txawm tias cov kev tau zum 6 no zoo li yeej yog tej yam zoo, tab sis yeej tseem muaj 20 lub teb chaws uas muaj tej passport muaj fwj chim tshaj peb daim lawm thiab.
Leej twg daim passport muaj fwj chim shaj plaws?
Singapore yog thawj lub teb chaws uas muaj peev xwm mus ncig tau 195 lub teb chaws ntawm 227 qhov chaw yam tsis tas thov visa siv.
Japan ces tau zum ob li nws tej neeg muaj peev xwm mua ncig tau 193 lub teb chaws yam tsis tas thov visa siv.
Singapore yog lub teb chaws mus ncig tau 195 lub teb chaws ntawm cov teb chaws 227 lub yam tsis tas thov visa siv. Source: SBS
Austria, Denmark, Ireland, Luxembourg, Netherlands, Norway and Sweden ces tau zum 4 thiab muaj peev xwm mus ncig tau 191 lub teb chaws yam tsis tas thov visa siv.
Cov teb chaws tau zum 5 thiab muaj peev xwm mus ncig tau 190 lub teb chaws yam tsis tas thov visa siv ces yog Belgium, Portugal, Switzerland, Askiv (United Kingdom -UK), thiab New Zealand.
Australia ces tau zum 6 tib yam li teb chaws Greece. Thiab txawm tias peb tau zum 6 rau cov teb chaws peb muaj peev xwm mua ncig tau yam tsis tas thov visa siv, los peb kuj tseem tau zum 21 yog piv rau ntiaj teb no thiab.
Tej teb chaws twg tej passport muaj fwj chim tsawg tshaj plaws?
Afghanistan yog lub tau tom twv vim nws tej neeg tsuas muaj peev xwm mus ncig tau 26 lub teb chaws yam tsis tas thov visa siv xwb.
Tsaib no ces lub teb chaws no tseem tsis muaj peev xwm mus ncig tau 2 lub teb chaws ntixv lawm thiab ces thiaj ua rau muaj cov kev sib tu ncua loj tshaj plaws ntawm keeb kwm 19 xyoos nrog tej neeg Singapore uas muaj peev xwm mus ncig tau 169 thaj chaw ntau dua tej neeg tau passport Afghan siv.
Hos lwm cov teb chaws uas tej passport muaj fwj chim tsawg tshaj plaws ces yog Syria, Iraq, Yemen, Pakistan, thiab Somalia.
2025 Henley Passport Index tau qhia txog cov kev sib tu ncua loj tshaj plaws rau lub sij hawm 19 xyoo uas tej neeg Singapore muaj peev xwm mus ncig tau 169 lub teb chaws yam tsis tas thov visa siv piv rau tej neeg tau cov Afghan passport siv. Source: SBS
''Ua ke no los vim tej laj fai kum xeeb tsis tus thiab muaj tsov rog ntau ceeb tsam tau yuam kom tej neeg coob heev khiav tawm ntawm lawv tej teb chaws mus nrhiav kev nyab xeeb thiab chaw nraim kom tsis txhob raug kev phom sij.''
Cov teb chaws twg yog cov poob theem loj tshaj plaws?
10 xyoo dhau los no tsuas muaj 22 lub teb chaws thiaj tau poob cov theem Henley Passport Index xwb.
Meskas (United States -US) thiab Askiv (UK) yog ob lub teb chaws poob theem loj tshaj plaws.
Meskas tau poob theem tshaj plaws zaum ob rau lub caij xyoo 2015 thiab 2025, uas tau poob 7 theem, ntawm tau theem 2 los ua theem 9 tam sim no, txuas ntawm Venezuela.
Vanuatu ces yog lub teb chaws zum 3 uas poob cov theem loj tshaj plaws, txuas ntxiv ntawd ces yog Askiv daim passport uas tau zum 1 ntawm xyoo 2015 tab sis tam sim no tau zum 5 lawm xwb.
Thiab Canada ces yog lub teb chaws poob theem tshaj plaws, uas tau poob 3 theem rau lub caij 30 xyoo no ntawm theem 4 los ua tau theem 7 tam sim no lawm.
Tab sis yog piv rau Suav tuam tshoj ces yog lub teb chaws uas tau cov kev nce qeb theem loj tshaj plaws, li tau nce ntawm theem 94 xyoo 2015 los ua theem 60 xyoo 2025 lawm, vim tau ua rau Suav daim passport muaj peev xwm mus ncig tau txog 40 lub teb chaws yam tsis tas thov visa siv lawm.
Thiab txij li xyoo 2006 los ces Australia kuj tau nce cov theem no 3 theem, ces thiaj ua rau nws tau zum 9 hauv ntiaj teb.
Tus nqe passport tsis cuam tshuam txog cov kev muaj nqe ntawm phau passport
Tim 1 lub 1 hlis ntuj (2025) ces Australia tau nce cov kev ua passport siv ntawm $398 ya $412 lawm. Ces thiaj ua rau Australia daim passport yog daim kim tshaj plaws hauv ntiaj teb lawm.
Mexico daim uas tau zum 23 ntawm cov teb chaws uas muaj peev xwm mus ncig tau ntau lub teb chaws yam tsis tas thov visa siv los kuj yog daim passport kim tshaj plaws hauv ntiaj teb ua zum 2 thiab raug nqe txog $353.90.
Meskas daim passport ces kim tshaj plaws ua zum 3 thiab raug tus nqe $252.72, hos New Zealand daim ces kim ua zum 4 thiab raug nqe $193.72. Hos Japan daim ces raug tus nqe li ntawm $162.
Tab sis kuj txawv Singapore daim uas tau cov teb chaws zum ib hauv ntiaj teb uas mus ncig tau ntau lub teb chaws tshaj plaws yam tsis tas thov visa siv tsuas tau them tus nqe thov ib phau ntawv passport siv txog li $82 xwb.
Tej teb chaws twg uas neeg Australia muaj peev xwm mus ncig yam tsis tas thov visa siv?
Muaj ib cov teb chaws ze tshaj Australia tshaj plaws uas neeg Australia muaj peev xwm mus ncig tau li Singapore, Thailand, Philippines, Malaysia, China, New Zealand, Samoa thiab Fiji yog cov teb chaws muaj peev xwm mus ncig tau teb chaws Australia yam tsis tas thov visa siv.
Hos ntawm cheeb tsam teb chaws Europe ces neeg Australia muaj peev xwm mus ncig tau ntawm cov teb chaws Czech Republic, Denmark, France, Greece, Italy, Malta, Portugal, Switzerland thiab Askiv yam tsis tas thov visa siv.
Ntawm nriam av Africa ces kuj muaj ib co teb chaws li Botswana, Gambia, Mauritius, South Africa thiab Tunisia.
Thiab ntawm cov nrim av teb chaws Meskas ces kuj muaj cov teb chaws li Barbados, Brazil, Canada, Dominican Republic, Jamaica thiab Meskas uas neeg Australia muaj peev xwm mus ncig tau yam tsis tas thov visa siv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
