Ntsiab lus tseem ceeb:
- Melbourne yog ntiaj teb lub nroog zum peb uas xis nyob tshaj plaws, thiab Sydney yog lub tau zum plaub.
- Lub koom haum Economist Intelligence Unit (EIU) tau coj ntiaj teb tej nroog uas raug teev tias yog cov nroog xis nyob tshaj plaws coj los cej luam.
- Perth thiab Adelaide los kuj tau zum zoo tuaj ntxiv lawm thiab.
Melbourne tau yeej Sydney ib theem rau cov kev sib tw los ua lub nroog uas xis nyob tshaj plaws lawm, raws li lub koom haum Economist Intelligence Unit (EIU) tau qhia txog nws kev tshuaj ntsuam txog tej nroog uas xis nyob tshaj plaws xyoo 2023.
Xeev Victoria lub nroog thiaj tau ras los ua lub nroog zum peb txuas ntxiv ntawm Vienna thiab Copehagen, thiab Sydney los kuj tau dhia ntau theem los tau zum plaub lawm thiab.
Tsaib no ces nroog Melbourne tau zum 10, thiab Sydney tau zum 13 vim tseem tsis tau tshem cov kev txwv kab mob COVID-19, thiab tseem muaj teeb meem rau ob lub nroog no cov kev kho mob, tab sis kuj tau zum zoo tuaj ntxiv vim lawv tej kev kho mob tau zum zoo tuaj ntxiv lawm.
Australia lwm cov nroog los kuj tau theem zoo kawg thiab - uas nroog Perth tau nce ntawm theem 21 mus ua zum 12, hos nroog Adelaide ces tau nce ntawm theem 19 mus ua zum 12 lawm thiab.
Kuj tau muaj Canada 3 lub nroog, thiab Switzerland ob lub nroog, nrog rau Osaka thiab Auckland yog cov nroog 10 lub uas tau zum ib txog zum kaum.
Daim phiaj qhia txog 10 lub nroog uas xis nyob tshaj plaws hauv ntiaj teb xyoo 2023, raws li tau muaj kev teeb txheeb los ntawm lub koom haum Economist Intelligence Unit tau qhia. Source: SBS
Ces mam li muab ib cov index scores xam raws 100 ntawd tias seb tsim nyog tau cov zauv npaum li cas.
Ces pom tau tias tej nroog ntawm cov teb chaws Asia tau cov index scores zoo dua tej nroog ntawm lwm cheeb tsam, thiab kuj yog ib co nroog uas tau zum siab tshaj plaws ntawm tej nroog.
Tej nroog ntawm cheeb tsam sab hnub poob ntawm Europe ces poob cov theem no vim tsis tau txais kev ruaj ntseg, rau qhov tej neeg ua hauj lwm tawm tsam, muaj kev kub ntxhov ntawm tej pej xeem, thiab muaj teeb meem ua txhaum cai ntau tuaj ntxiv cuam tshuam txog tej xwm txheej nqe siv ua lub neej ua kim tuaj ntxiv.
Lub koom haum EIU tau qhia tias nws tsis xav tias yuav rov qab tau tej zauv teev txog ntiaj teb cov kev ruaj ntseg zoo sai sai tuaj ntxiv, vim tej nyiaj tseem poob nqe, tej nqe roj thiab nqe khoom kim, uas tej zaum tseem yuav ua rau muaj cov kev tsis txaus siab thiab muaj kev tawm tsam ntxiv.
Thiaj ua rau ob lub nroog Edinburgh thiab Stockholm poob theem loj kawg nkaus mus ua zum 23 thiab zum 22 sib law liag lawm.
Los Angeles thiab San Diego los kuj poob theem loj kawg nkaus tib yam li ob lub nroog Manchester thiab London thiab.
EIU tau hais cov ncauj lus no tias "Txawm li cas los yeej tsis muaj tej nroog li hais no poob lawv cov index scores ntau heev thiab, tab sis lawv kuj poob theem ntau yog piv rau lwm cov nroog ntawm cheeb tsam Asia tau zum zoo tsaib no.''
Hos Ukraine lub tuam ceeb Kyiv uas tseem muaj tsov rog ntawd ces tau ua cov teb chaws tuaj tom tw, tab sis kuj tsis yog cov nroog uas tau zum qes tshaj plaws li Damascus ntawm teb chaws Syria tau, vim lub nroog no tau muaj kev tawm tsam, muaj tej neeg phem khwv tswv yim tua lwm tus neeg kom zej tsoom ntshai, thiab tseem muaj kev tsis sib haum xeeb.
Tej nroog li Tripoli, Algier, Lagos thiab Karachi ces yog cov tau zum tom tw ntawm 5 lub nroog uas tau cov index scores tsawg, vim tsis muaj kev kho mob zoo thiab tsis tau txais kev ruaj ntseg.
Kyiv yeej tsis raug suav rau cov kev teeb txheeb xyoo 2022 tom qab uas Russia tau nam nias lub nroog no, vim pom tau tias tej hauv paus txhim kho puas tsuaj loj heev thiab tsis tau txais kev ruaj ntseg.
Thiaj ua rau nroog Melbourne tau ras los ua ntiaj teb ib lub nroog uas xis nyob tshaj plaws los tau 7 xyoo, pib txij li xyoo 2011 los no ua ntej uas yuav poob zum rau teb chaws Austria lub tuam ceeb Vienna rau xyoo 2018 ntawd.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab
kom koj mloog tau SBS Hmong.
