Ntsiab lus tseem ceeb:
- Tau kho dua tsab cai txwv tsis pub faib cais lwm tus tau txwv tsis pub hais lus/sau ntawv thuam lwm tus vim lawv yog lawv ib tsav neeg, yog tej neeg LGBTQI+ thiab tau tus mob HIV/AIDS.
- Lub koom haum Anti-Discrimination NSW yog lub yuav los siv cov kev sib kho los txheeb thiab daws tej teeb meem no.
- Yog tias muaj pov thawj tim khawv txaus qhia tau tias muaj tej xwm txheej thuam saib tsis tau lwm tus tiag ces tsev hais plaub yuav txib kom tus neeg ntawd thov txim los yog yuav raug nplua nyiaj $100,000 ntxuav tus neeg ntawd ntsej muag.
Tam sim no ces tej neeg ntawm xeev NSW yuav raug nplua $100,000 yog tias lawv hais lus/sau ntawv phem thuam ib tug twg, tom qab uas tsoom fwv xeev tau kho nws tej cai Anti-Discrimination Laws uas muaj siv tam sim no lawm.
Cov kev kho tej cai no yuav ua rau ib tug twg ua txhaum cai yog tias tau hais ib yam dab tsi los yog ua ib yam dab tsi ntxub ntxaug lwm tus ntawm zej tsoom tej chaw los yog luag thiab thuam ib tug neeg twg los yog ib pawg neeg twg vim lawv ntseeg ib co kev ntseeg twg los yog ua ib yam dab tsi. Yog li ntawd lo lus Vilification no thiaj raug teev lub ntsiab lus tias yog ib cov kev hais lus phem/sau ib cov ntawv phem tsis zoo rau lwm tus.
Chris Minns uas yog tus hau xeev NSW thiaj tau hais tias tej no yog ib co kev cob lus tseem ceeb rau lub caij sib tw xaiv tsa ua nws yuav ua kom tau.
Tus hau xeev NSW tau hais rau hnub Sunday dhau los tias nws tus tsoom fwv NSW yeej txhawb nqa kom tau tej zejzog tau txais kev thaj yeeb thiab tej zejzog uas coj ntseeg ntau yam kab lis kev cai. Peb yuav tsis pub muaj cov kev ntxub ntxaug lwm tus los tsim kom tsis muaj kev tsis sib ntseeg siab thiab cov kev tsis yoog tsis hwm lwm tus txoj kev xav, kev ntseeg thiab tej cwj pwm tsis zoo.NSW's Premier Chris Minns
Chris Minns hais tias cov kev thuam saib tsis tau ib cov neeg twg vim lawv coj ntseeg ib co kev ntseeg twg yog ib cov kev tsim teeb meem rau xeev NSW tej neeg pawg tsawg uas coj ntseeg ntau yam kab lis kev cai Source: AAP / Dan Himbrechts
Cov kev hais lus tuam saib tsis tau lwm tus vim lawv coj lawv ib yam kev ntseeg ''yog tej yam yuav ua rau muaj teeb meem rau txoj kev loj hlob huam vam, txoj kev hwm lwm tus, ntau cov kev ntseeg thiab ntau cov pawg neeg tsawg ntawm xeev NSW. Peb sawv daws yuav tau txhawb nqa kom zejzog muaj txoj kev haum xeeb thiab txoj kev koom npoj, thiab xaiv txoj kev thaj yeeb, thiab txoj kev sib hlub sib pab tsis yog txoj kev ntxub ntxaug thiab tsim kev sib tawg tswj.NSW's Premier Chris Minns
Ces cov kev kho tej cai no tshiab thiaj tau txhab cov kev txwv tsis pub hais lus/sau ntawv thuam saib tsis tau ib tsav neeg twg vim lawv yog lawv ib tsav neeg, lawv yog cov neeg homosexual, thiab yog cov neeg transgender (cov neeg phais hloov cev ntawm poj niam ua txiv neej los yog txiv neej mus ua poj niam) thiab tej neeg uas tau tus mob HIV/AIDS.
Michael Daley uas yog tus kws lij choj xeev tau hais tias tej cai tshiab no yog tej yam tseem ceeb uas yuav tau kho kom siv tau haum raws li lub teb chaws Australia uas tab tom muaj kev pauv hloov.
Nws tau hais tias "Vim txij li thaum tau tsim tsab cai Anti-Dicrimination Act los siv ces kuj tau muaj kev paub hloov lawm, yog li ntawd peb thiaj tau tsim tau tsab cai uas siv tau zoo thiab los pov puag peb lub teb chaws rau tiam vam meej no."
Ces lub koom haum Anti-Discrimination NSW thiaj li yuav siv cov kev sib kho coj los daws tej teeb meem no. Thiab NSW Civil and Administrative Tribunal mam li ua tus los daws tej teeb meem no yog tias ho muaj pov thawj tim khawv txaus qhia tau tias muaj tej xwm txheej no tiag, ces lub chaw hais plaub no mam li hais kom tus neeg ntawd thov txim rau tus neeg nws thuam thiab saib tsis taus los sis yog kom them nyiaj paj tshab $100,000 kho nws lub koob npe.
Steve Kamper uas yog NSW tus nom tswj tej dej num Multiculturalism tau hais tias tsoom fwv yeej tau kub siab nrog tej koom haum ntawm cov pawg ntseeg thiab tej koom haum tawm tsam pov puag ib pawg neeg twg txoj cai nrog xyuas kom tsim tau tsab cai no siv tau raws li qhov tsim nyog.
Nws tau hais tias "Tsab cai tseeb ceeb heev uas peb tau siv no yuav pab kom peb tej zejzog uas coj ntseeg ntau yam kab lis kev tau txais kev pov puag zoo sib xws tib yam."
Xeev ACT, Northern Queensland, Tasmania, Victoria, thiab Western Australia yeej muaj tej cai cuam tshuam txog cov kev faib cais ib co neeg twg raws lawv cov kev ntseeg, cov kev ntseeg ntawm ib cov kev ntseeg twg, thiab tej hauj lwm cuam tshuam txog cov kev ntseeg raws li lub koom haum Australian Human Rights Commission tau teev tseg.
Yog li ntawd cov kev faib cais ib tug twg vim lawv hnav lawv tej tsoos raws li lawv cov kev ntseeg, lawv yog lawv ib cov neeg muaj cev nqaij daim tawv los yog yam ntxwv txawv lwm tus ntawm tej chaw ua hauj lwm/tej teej kawm yog ib cov kev ua txhaum cai ntawm xeev South Australia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
