Yuav muaj ntau millions tus neeg Australia yuav tau nyiaj welfare payment (Social security payments) ntau tuaj ntxiv raws cov kab theem nyiaj poob nqe yuav lig lub hli no.
Thiaj yuav ua rau tej neeg coob tshaj 5 millions tus, suav cov neeg tau nyiaj laus (Pensioners), tej neeg ntiav tsev thiab tej neeg tau nyiaj job seeker yuav tau nyiaj pab cuam ntau tuaj ntxiv txij hnub tim 20 lub 3 hlis ntuj xyoo 2025.
Ces thiaj yuav nce nyiaj $4.60 rau tej neeg tau ntau yam nyiaj sib txawv li Age Pension (Cov neeg hnoob nyoog txwm tau nyiaj laus siv), cov nyiaj pab rau tej neeg puas cev (Disability Support Pension) thiab cov nyiaj pab rau tej neeg yuav tau tu tsom kwm saib xyuas ib tug neeg twg (Care Payment) ces thiaj yuav tau nyiaj txog li $1,149 rau 2 limtiam twg lawm.
Tsis tas li ntawd los tej cuab yig uas muaj ib tug niam/txiv tab cuab yig tau cov nyiaj pab cuam $4 ntxiv ob limtiam twg uas yuav tau nyiaj ob txog $1,030.
Hos tej neeg tau cov nyiaj pab JobSeeker uas muaj hnoob nyoog 22 xyoos los yog siab tshaj ntawd uas tsis muaj me nyuam, ces yuav tau nyiaj ntau tuaj ntxiv txog $3.10, ces thiaj ua rau lawv tau nyiaj $789.90 — suav tej nyiaj pab them nqe gas/hluav taws xob nrog thiab.
Tsoom fwv teb chaws Australia tau qhia tias cov kev them tej nyiaj no raws cov kab theem nyiaj poob nqe uas tau muaj kev pauv hloov rau lub caij 3 xyoos no txhais tau tias tib tug neeg so tsis ua hauj lwm uas tau nyiaj laus siv lawm yuav tau nyiaj ntau ntxiv tuaj ib xyoos twg txog li $3,913, hos ib nkawm niam txwv twg ces yuav tau nyiaj sib sau ua ke txog li $5,902.
Amanda Rishworth uas yog Australia tus nom tswj dej num pab cuam zej tsoom tau qhia tias tej neeg uas tau cov nyiaj JobSeeker ces yuav tau nyiaj ntxiv txij li ntawm $3,374 txog rau $5,038, hos tej cuab yig uas muaj tib tug leej niam leej txi, feem ntau yog tej poj niam ntawd yuav tau nyiaj ntau tshaj $7,500 ib lub xyoos twg raws cov kev them raws kab theem nyiaj poob nqe, thiab yog Labor cov kev pauv hloov rau tej nyiaj pab cuam rau lub caij 3 xyoos dhau los no.
Rishworth tau hais tias tsoom fwv yeej kub siab yuav pab daws tej nuj nqes siv ua lub neej ntau yam uas kim tuaj ntxiv.
''Cov kev them raws tej kab theem nyiaj poob nqe yog ib feem tseem ceeb ntawm peb cov social security safety net (Cov system uas pab tej neeg txom nyem li tej laus, tej neeg puas cev, tej neeg yuav tau tu tsom kwv saib xyuas lwm tus thiab tej neeg poob nrhiav tsis tau hauj lwm ua).''
Rishworth tau hais tias pab nom Labor yeej tau kub siab tshwm nyiaj $11.5 billion pab rau haiv neeg no cov social security system rau tsoom fwv cov nyiaj puag xyoo xyoo 2023/24 thiab xyoo 2024/25.
Koj muaj peev xwm txheeb tau kom ntxaws txog txhua cov nyiaj pab ntawm daim list uas yuav them ntau tuaj ntxiv tau ntawm
Kho: Tau kho zaj xov xwm uas xub tau qhia yuam kev txog tej xov xwm them nyiaj social security ntau tuaj ntxiv kom raug thiab yog tam sim no lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
