Pib txij li ib tag hmo (11:59 pm AEST) hnub zwj Teeb (Thursday) zwj thaj tim 18.06.2021 mus ces nom tswv xeev yuav tshem cov kev txwv kab mob COVID-19 ntawm xeev Victoria rau nws tej zos ntawm nroog Melbourne thiab tej zos yaj sab lawm.
Yuav tsis siv cov kev txwv uas tsuas pub tej neeg mus tau nrug deb ntawm lawv tsev txog 25 kilometres ntxiv lawm, qhov no txhais tau tias sawv daws muaj cai mus ncig tau rau tej zos yaj sab ntawm xeev Victoria lawm, tab sis tej neeg uas tab tom npaj yuav mus ua si saum roob te yuav tsum tau mus sim kab mob COVID-19 rau lub sij hawm 3 hnub ua ntej yuav mus ncig ua si ntawm lub xeev no tej chaw ua si no.
Tej zos yaj sab ntawm xeev Victoria no yuav tso cai ntaug zog rau tej neeg xws li yuav pub zej tsoom sib sau tau ua ke ntawm zej tsoom tej chaw txog 50 leej thiab pub 5 tug neeg laus mus xyuas tau ib tsev neeg rau ib hnub twg nrog lawv tej me nyuam uas lawv coj ua ke nrog lawv mus ua qhua ntawd thiab.
Tej khw noj mov thiab chaw haus kasfes muaj cai cia neeg 300 leej mus zaum noj mov thiab yuav tso cai rau tej neeg txog 75% rov qab mus ua tau hauj lwm ntawm tej chaw ua hauj lwm loj hos cov chaw ua hauj lwm me ces tseem pub 30 tus neeg rov qab mus ua hauj lwm xwb.
Pub 50 tus neeg mus koom tau ib lub rooj tshoob los yog pub 100 tus neeg mus koom tau ib lub ntees twg.
Koj muaj peev xwm txheeb tau thiab nyeem tau James Merlino uas yog xeev Victoria tus kis hau xeev tej lus tshaj tawm txog cov kev tshem cov kev txwv kab mob COVID-19 tau ntxiv no:
Tsuas pub tej neeg txog li 7,000 tus ntawm ib ncig lub zos Geelong los yog ib cheeb tsam ze mus saib cov kev sib tw AFL uas pab Geelong Cats yuav sib tw nrog Western Bulldogs hmo zwj Kuab (Friday) zwj thaj tim 18.06.2021 ntawm lub tshav sib tw Kardinia Park ntawm Geelong xwb. Thiab tej neeg uas mus saib cov kev sib tw no yuav tsum yog tej tub koom siab ntawm 2 lub club no xwb thiab tej clubs no mam li pab teev zwm lawv npe.
Thiab koj muaj peev xwm txheeb tau cov kev txwv tias tseem txwv li cas los yog tso cai li cas kom ntxaws tau ntawm no:
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
