Victoria Ombudsman los yog pawg neeg uas nom tswv xeev Victoria tau muab zej tsoom cov tsev siab ntawm nroog Melbourne kaw rau lub 7 hli ntuj xyoo 2020 ntawd tsis yog nom tswv tswj zej tsoom cov kev noj qab haus huv cov kev taw qhia thiab yog ib cov kev ua txhaum leej tib neeg txoj cai ntawm xeev Victoria.
Deborah Glass uas yog tus neeg nom tswv teeb tsa kom mus txheeb cov hauj lwm no qhia tias, raws li nws cov kev tshuaj ntsuam ces pom tau tias tej nom tswv tswj kev noj qab haus huv yeej tau pom zoo rau thaum sawv ntxov hnub Saturday tim 4 lub 7 hli ntuj xyoo 2020 ces pom tau tias tej nom tswv tswj kev noj qab haus huv theem siab yeej pom zoo tso cai kom muab ntau lub tsev flat (cov tsev siab) ntau lub kaw txhob pub neeg tawm thiab mam li pib kaw ib hnub tag kis sawv ntxov rau hnub tom ntej kom tej neeg nyob ntawm tej tsev no npaj tau zaub mov noj tso.
Tab sis raws li sij hawm 4 pm hnub ntawd uas tus hau xeev Daniel Andrews tau nrog tej neeg nthuav xov xwm tham ces nws tau qhia tias muab tej tsev siab ntawd kaw kiag tam sim ntawd lawm.
Glass thiaj tau hais kom tsoom fwv xeev Victoria thov txim rau tej neeg nyob ntawm cov tsev siab no, lees paub tias cov kev cia li muab tej neeg no txwv kiag tsis pub lawv tawm ntawm tej tsev siab no yuav muaj tau teeb meem dab tsi rau tej neeg txoj kev noj qab nyob zoo thiab noj qab haus huv.
Nws cov kev tshuaj ntsuam no txheeb tau tias nom tswv yeej muaj ntawv tso cai los txwv tej neeg tsis pub tawm thiab yeej muaj peev xwm los tswj kom txhob muaj neeg kis tau tus kabmob coronavirus no ntxiv, tab sis kuj yog cov hauj lwm ua kiag tasm sim ntawd maj hev thiab yeej tsis ua raws li tej nom tswv tswj zej tsoom cov kev noj qab haus huv cov kev taw qhia.
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
