Raws li nom tswv Australia tau qhia lim piam dhau los nws tau coj tsab cai hloov kho tshiab pub lwm haiv neeg xeem ua pej xeem Australia coj mus sab laj hauv tsev kis xeev qes lawm (House of Representative).
Tab sis pab nom Labor hais tias nws yuav tsis pom zoo thiab yuav tiv thaiv kom txhob tsim tau los yog kho tau tsab cai tshiab uas xav kom cov neeg tsiv teb tsaws chaws yuav tsum tau nyob ruaj ntau xyoo thiab xeem kom tau lus Askiv (English tau zauv txog 6) ntawm cov kev xeem IELTS (International English Language Testing System) mas thiaj yuav tau ras los ua pej xeem Australia ntawd.
Nom tswv Australia no tseem yuav hais kom cov neeg xav xeem ua pej xeem Australia yuav tsum paub zoo txog Australia tej kev coj taug ua zoo (Australian values) thiab.
Tony Burke uas yo Shadow Minister for Citizenship hais tias muaj txog ib nrab ntawm pej xeem Australia yeej tsis muaj peev xwm yuav xeem tau ntawv Askiv txog 6.
Hos lub koom haum Federation of Ethnic Communities’ Councils of Australia (FECCA) los kuj tsis pom zoo thiab hais tias yeej muaj cov neeg tsiv teb tsaws chaw coob leej ntau tus uas tsis paub lus Askiv zoo los yeej tuaj pab txhim kho lub tebchaws Australia no tau tib yam thiab.
Vim pab nom Labor twb tsis pom zoo lawm ces tsoom hwv Australia yuav tsum nrhiav kom tau 10 lub suab ntawm cov nom kis xeev siab los pab mas thiaj yuav tsim tau tsab cai no coj los siv.
Pab nom Greens yeej tau qhia lawm tias yog ib tsab cai tsis muaj kev ncaj ncees thiab tsis nyiam lwm haiv neeg xwb.
's opposition to the bill means the coalition will have to seek 10 crossbench votes to pass it through the Senate. The Greens have already labelled it xenophobic and unfair.
