Kab mob COVID-19 ntawm Australia rau hnub tim 08.10.2021:
Xeev Victoria muaj neeg kis kab mob txog 1,838 leej thiab muaj 5 tug neeg tas sim neej.
NSW kuj muaj 646 tus neeg kis kab mob thiab muaj 11 leej tas sim neej ib hnub dhau los. Tsis tas li no NSW kuj tau muaj qee cov kev tshem ib cov kev txwv rau tej neeg tau hno tshuaj xwm 2 koob txog 70% lawm thiab li pub 20 tus qhua sib sau tau hauv tsev (tsis suav cov me nyuam yaus hnoob nyoog 12 xyoos os yog qes dua nrog), pub 50 tus neeg sib sau tau nraum zoov, thiab pub neeg koom tej koom txoos nraum zoov muaj cha zaum thiab yuav yuaj (tickets) koom tau txog li ntawm 3,000 tus. Tej hais no tsuas pub rau tej neeg tau hno tshuaj vaccine txwm 2 koob ua tau xwb raws li tsoom fwv NSW tau qhia.
ACT ces hnub no muaj 40 tus neeg kis kab mob COVID-19 thiab muaj 6 tus neeg tas sim neej.
Annastacia Palaszczuk tau qhia tias txij hnub no sij hawm 4 teev tsaus ntuj mus yuav siv cov kev txwv theem 3 lawm. Txhais tau tias yuav tsis txwv ib txhia zos lawm tab sis tseem kom tej neeg siv ntaub npog qhov ncauj, nyog kom nrug ntawm lwm tus 2 metres xwm meem, tab sis yuav tso cai rau 100 tus neeg sib sau ntau hauv tsev thiab tsis txwv tej neeg sib sau ntawm zej tsoom tej chaw lawm. Pub 200 tus neeg koom tau tej rooj tshoob thiab ntees. Pub tej neeg mus xyuas tau tej laus ntawm tsev laus, tej neeg puas cev thiab tsev laj cuj los yog ntawm tsev kho mob tau.
Yog koj xav tau xov xwm qhia txog kev noj qab haus huv thiab tej cai coj los tswj tus kab mob COVID-19 uas tseem sib kis thoob ntuj no ua koj hom lus ces txheeb tau ntxiv ntawm .
Los yog koj xav tau xov xwm lwm yam qhia txog kab mob COVID-19 thiab txog cov kev hno tshuaj vaccine los yog tej lus cuav txog tus tej tshuaj COVID-19 vaccine ces mus xyuas tau ntawm
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
