This article is more than 3 years old
Vim li cas Novavax thiaj txawv lwm yam tshuaj vaccine thiaj muaj kev cia siab
Australia tso cai siv cov tau cov tshuaj Novavax COVID-19 vaccine lawm tom qab pom tau tias cov kev sim siv cov tshuaj no siv tau hauj lwm zoo. Thiab tam sim no lub teb chaws no yeej muaj neeg hno tshuaj vaccine tshaj 90 feem pua lawm, ces thiaj cia siab tias cov kev tso cai siv cov tshuaj no yuav pab kom ib txhia uas tseem ua xyem xyav tsis tau hno muaj sib mus hno thaum kawg.
Published 21 January 2022 6:30pm
By Steven Trask
Presented by Vixay Vue
Source: SBS News
Image: Novavax illustration (SBS News)
Tus tshuaj Novavax vaccine ces yeej tau ras los ua hom tshuaj COVID-19 vaccine 4 uas Australia siv lawm tom qab Therapeutic Goods Administration (TGA).
Tus tshuaj Novavax vaccine ho ua hauj lwm li cas?
Novavax yog ib cov tshuaj vaccine tsim los ntawm protein – uas siv cov protein ntawm tus kab mob COVID-19 virus uas tsis muaj zog lawm coj los ua thiab pab kom tib neeg lub cev cov immune system tawm tsam nrog tus kab mob no.
Ces cov txheej txheem ntawm tus tshuaj no thiaj txawv cov tshuaj Pfizer, Moderna thiab AstraZeneca vaccines uas muaj siv tam sim no tawm Australia.
Paul Griffin uas yog ib tug kws paub zoo txog kab mob sib kis hais tias “Tam sim nod ntawm lub teb chaws no ces peb tseem tab tom siv cov tshuaj mRNA vaccine li Pfizer thiab Morderna thiab viral vector vaccine AstraZeneca.”
"Thiab qhov lawv ua ces yog muaj ib cov kev taw qhia kom tsim cov protiens ncau ceg (spike proteins) - uas yog tej yam peb xav siv tej tshuaj no tawm tsam."
“Yog tham txog tus tshuaj Novavax no ces ib nyuag siv raws li tej txheej txheem ib txwv siv coj los tsim tus tshuaj vaccine no, uas peb yeej tsim cov spike proteins hauv laboratory thiab ces mam coj los hno rau tib neeg."
Puas tau coj cov tshuaj no los sim hauv teb chaws Australia?
Sim lawm. Dr Griffin yeej tau muaj feem koom sim cov tshuaj Novavax no rau thaum theem tseem ntxov ntawm teb chaws Australia no lawm.
Raws li Dr Griffin tau hais ces txawm tias tau muaj teeb meem me ntsis rau cov kev tso cai pom zoo siv thiab cov txheej txheem tsim cov tshuaj Novavax no los yeej tsis muaj teeb meem dab tsi cuam tshuam txog cov kev nyab xeeb rau cov kev tus tshuaj vaccine no.
“Novavax yeej ntsib ntau yam teeb meem nyuaj thiab, tab sis yeej tsis muaj dab tsi cuam tshuam txog cov kev nyab xeeb rau tus tshuaj no los yog cov kev txhawj xeeb tias seb siv puas tau tus tshuaj no zoo."
“Feem ntau mas cuam tshuam txog cov kev nrhiav neeg txaus coj los sim tus tshuaj no kom tau txais kev ntseeg siab raws li qhov peb xav tau xwb."
Tus tshuaj Novavax vaccine no ho tau txais kev nyab xeeb thiab ho siv tau zoo npaum li cas?
Tau txais kev tso cai siv tus tshuaj Novavax no thawj zaug ntawm teb chaws Indonesia rau thaum ntxov lub 12 hlis ntuj dhau los. Txij ntawd los ces kuj tau txais kev tso cai los ntawm lub koom haum European Medicines Agency, thiab ntiaj teb lub koom haum tswj kev noj qab haus huv (World Health Organisation) tso cai siv pab cawm cov xwm txheej emergency.
Professor Cassandra Berry uas yog ib tug neeg paub zoo txog cov immune ntawm tsev kawm qib siab Murdoch University tau hais tias kuj pom tau tias yav dhau los siv tau hauj lwm zoo kawg thiab.
“Lawv yeej tau muaj ntau cov kev sim thoob ntuj - thiab yog muaj peev xwm khaws tau tej xov xwm ntawd mas yuav yog tej yam tseem ceeb heev."
“Nyob ntawm tias seb yus ho txheeb cov kev sim twg xwb, tab sis yeej pom tau tias muaj peev xwm siv tau tus tshuaj no pab kho tau cov yam ntxwv mob COVID tau zoo txog li ntawm 90.4% diam, ces thiaj yog ib tug zauv feem puas uas siab heev."
Leej twg tau tos ntev heev lawm uas yuav hno cov tshuaj Novavax no?
Ntawm Australiano ces yeej muaj tej neeg hnoob nyoog tshaj 16 xyoo txog li 92.8 feem pua tau hno tshuaj COVID-19 vaccine yam tsawg li 2 koob lawm. Thiab yeej muaj tej neeg hnoob tib yam li no ntau tshaj 95 feem pua yog cov tau hno ib koob tshuaj vaccine lawm.
Tseem muaj ib cov kev xav tias tej neeg uas tseem tsis tau hno tshuaj vaccine tseem tos ''yuav hno cov tshuaj Novavax." Hos lwm cov neeg uas tseem tos ntawd ces yog cov uas siv tsis tsis haum lwm cov tshuaj vaccine.
Raws li Greg Hunt uas yog tus nom teb chaws tswj dej num noj qab haus huv tau qhia rau hnub Thursday ces nws hais tias “Peb yeej paub tias yeej muaj ib txhia neeg tau tos los ntev heev kom tau siv tus tshuaj no."
Novavax was first approved by Indonesia in early December. It has since been approved by the European Medicines Agency. Source: AP
“Txawm tias peb tau txhawb nqa kom sawv daws kav tsij siv tab sis peb yeej lees paub txog qhov no thiab."
“Cia siab tias tus tshuaj no yuav txhawb nqa kom tej neeg tsawg dua li 5% mus hno."
Dr Griffin tau hais tias zoo li ib txhia neeg nyiam tus tshuaj Novavax no dua vim yog ib cov tshuaj uas yeej tau npaj tau tej txheej txheem tsim tshuaj zoo.
“Nws yog ib cov uas siv cov tswv yim tsim txawv thiab yeej yog tsim los rau ib txhia neeg uas nyiam - thiaj yog tej yam zoo yog tias tej neeg no mus hno cov tshuaj no kom sai npaum li sai tau thaum muaj coj los hno lawm."
Lwm yam tshuaj vaccines ned?
Dr Griffin kuj tau qhia tias tej tshuaj vaccine uas muaj siv tam sim no los yeej tau txais kev nyab xeeb thiab yeej yog ib cov tshuaj zoo.
“Peb yeej yuav tsis lam siv ib yam tshuaj vaccine twg ntawm lub tebchaws no yog tias tsis tau txais kev nyab xeeb tiag thiab tsis yog yam tshuaj uas siv tau hauj lwm zoo tiag, thiab tej tshuaj vaccine uas peb siv dhau los los yeej yog tej uas tau txais kev nyab xeeb thiab siv tau hauj lwm zoo xwb."
Limtiam dhau los Mr Hunt tau hais tias tam sim no ces Australia twg muaj neeg hno cov tshuaj vaccine koob 3 (Booster shot) tshaj 4.86 million koob los yog muab xam ua booster 52.6 feem pua ntawm tej pej xeem muaj cai hno tshuaj lawm.
Thaum twg mam muaj cov tshuaj Novavax hno rau sawv daws?
Yeej tau txais kev tso cai siv tau cov tshuaj Novavax lawm, txhais tau tias yeej tau txais kev nyab xeeb rau lub caij uas tseem muaj cov kev teeb txheeb txog tus tshuaj no txuas ntxiv.
Australia pawg neeg sab laj tawm tswv yim rau cov kev siv tshuaj vaccine (Australian Technical Advisory Group on Immunisation -ATAGI) ces yeej yuav los txheeb xyuas nws cov kev txiav txim siab tam sim no, thiab yog tias nws pom zoo siv tiag ces yeej yuav muaj tej tshuaj no siv rau ntau limtiam ntxiv no.
TGA hais tias Novavax xav kom tej neeg hnoob nyoog 18 xyoo los yog tej neeg muaj hnoob nyoog tshaj ntawd hno cov tshuaj no, thiab yuav hno cov tshuaj no 2 koob sib nrug rau lub sij hawm 3 limtiam.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
Share
