Cov ntsiab lus tseem ceeb:
- Koj yuav tsum tau mus xaiv nom yog koj yog ib tug pej xeem Australia thiab yog muaj hnoob nyoog yam tsawg li 18 xyoo lawm ces yuav tau mus xaiv nom.
- Koj muaj peev xwm teev sau ntawv teev zwm hauv online los yog sau cov form los tau.
- Lub koom haum Australian Electoral Commission (AEC) lub vas sab (website) yeej muaj tej xov xwm ua ntau yam ntawv, thiab yeej muaj cov xov xwm ua ntawv Aaskiv yooj yooj yim qhia koj.
Cov kev xaiv tsa tsoom fwv teb chaws yog ib lub cim fim rau koj siv koj lub suab los xaiv tsa tus tsoom fwv teb chaws Australia tshiab.
Kuv puas muaj cai teev npe xaiv nom?
Txawm tias cov kev xaiv nom yog ib cov hauj lwm uas tej neeg Australia feem coob yuav tsum tau ua nkaus nkaus xwb los, koj yuav tsum xub txheeb ua ntej tias seb koj puas yog cov neeg muaj cai xaiv nom thiab tso.
Raws li Evan Ekin-Smyth uas yog tus kis ntawm lub koom haum Australian Electoral Commission (AEC) hais ces.“Tsis hais ib tug neeg Australia twg li los yog ib tug neeg muaj hnoob nyoog 18 xyoos los sis yog hnoob nyoog siab tshiaj ntawd lawm ces yog tej neeg muaj cai teev npe xaiv nom.”
“Tab sis koj yuav tsum tau teev zwm npe yog tias koj xav xaiv nom.”
Raws li lub koom haum AEC hais ces yeej muaj cov pej xeem Australia tshiab txog li 400,000 tus teev zwm npe mus xaiv nom zaum no.
Voting Centre Source: AEC
Tsim nyog kuv mus teev zwm npe thaum twg?
Mohammad Al-Khafaji uas yog tus coj lub koom haum Federation of Ethnic Communities' Councils of Australia (FECCA) hais tias " Peb txhawb nqa kom txhua tus neeg Australia tshiab mus teev zwm npe kom sai npaum li sai tau yog tias lawv muaj cai xaiv nom kom thiaj muaj peev xwm tawm suab tau rau cov kev txhim kho teb chaws Australia lub neej pem suab."
Feem ntau ces yuav tag sij hawm teev npe ib limtiam tom qab nom tswv qhia tias yuav xaiv tsa hnub twg lawm. Thiab koj tsuas muaj sij hawm 1 limtiam los qhia koj tej xov xwm tshiab xwb yog tias koj twb xub teev zwm npe ua ntej lawm.
Mr Ekin-Smyth hais tias “Tsis tas koj yuav tos txog thaum qhia tias yuav xaiv tsa thaum twg tso. Koj yeej muaj peev xwm ua tau tam sim no.”
Yuav teev zwm npe li cas?
koj muaj peev xwm siv cov form hauv online teev tau yooj yim. Koj muaj peev xwm siv koj lub smartphone teev xwm koj npe tau thaum koj mus rau ntawm lub vas sab .
Yog tias koj xav siv cov ntawv form sau teev zwm npe los yeej muaj ntawm AEC lub chaw ua hauj lwm tib yam,
thiab koj muaj peev xwm hu rau tus xov tooj 13 23 26 kom lawv xa ib daim form hauv ntawv tuaj rau koj.
Tab sis xav kom koj npaj tej ntaub ntawv li Australian passport, driver’s licence thiab citizenship certificate.
Yog tias koj tsis muaj tej ntaub ntawv no los yog nrhiav tsis tau lawm, ploj lawm ces koj yuav tsum xub npaj kom tau tej ntaub ntawv no ua ntej tso.
Vim lub sij hawm tos yeej sib txawv ntawm tej xeev thiab tej zaum yuav tau tos ntev txog 4 limtiam diam mam ua tau.
Source: AEC
Puas yog kuv yuav tau teev zwm npe txhua zaus uas muaj kev xaiv tsa?
Thaum koj muaj npe teev zwm xaiv nom lawm ces koj yeej muaj peev xwm xaiv tau tej nom teb chaws, nom tswv xeev thiab nom zos uas yuav muaj rau yav tom ntej.
Yog li ntawd thiaj tseem ceeb heev uas koj yuav tsum xyuas kom koj tej xov xwm tshiab tas mus li.
Mr Ekin-Smyth hais tias "Koj muaj sij hawm 1 limtiam tom qab nom tswv qhia tias yuav xaiv tsa thaum twg los xyuas kom koj tej xov xwm yog cov xov xwm tshiab."
"Peb mam xa ntawv tuaj qhia rau koj tias seb peb puas tau txais koj tej xov xwm tshiab yog koj tsiv tsev tshiab lawm. Tab sis kuj yog tej yam tseem ceeb heev uas tsis hais thaum twg li yog koj hloov tsev tshiab los yog hloov npe tshiab ces koj yuav tsum tau qhia rau peb paub thiab."
Thiab yog tias koj tsis paub tseeb tias xyov koj puas tau teev npe ces txheeb tau ntawm ces hu rau tus xov tooj 13 23 26.
Tej peev txheej pab koj teev zwm npe
Yeej muaj cov kev pab cuam ntawm lub koom haum AEC thiab tej koom haum pab cuam thoob teb chaws rau tej neeg Australia uas teev zwm npe thiab xaiv nom ua thawj zaug uas tej zaum tsis tshua paub lus los yog muaj kev cuam tshuam nrog tej kab lis kev cai thiab.
Mr Al-Khafaji hais tias "Peb yuav tsum nkag siab tias yeej muaj ib thia neeg tuaj ntawm ib cov teb chaws uas tsis muaj neeg xav mus xaiv nom."
"Yog li ntawd peb thiaj tau ua zoo xyuas kom tej neeg hloov cov kev xav. Peb yuav tsum tau ua zoo xyuas kom tej neeg muaj txoj kev ntseeg siab tias thaum lawv xaiv nom lawm yuav suav lawv tej ntawv xaiv nom thiab yeej tsis muaj kev yuam kom lawv ntshai los yog yuav tsis muaj teeb meem dab tsi rau lawv los ntawm cov kev xaiv nom no."
AEC lub website yeej muaj tej cai txhais ua koj hom ntawv qhia txog cov kev muaj cai teev npe thiab xaiv nom ua koj hom ntawv qhia rau koj. Thiab lawv yeej tseem muaj neeg txais lus hauv xov tooj pab rau koj thiab.
Source: AEC
Tsis tas li ntawd los yeej muaj tej koom haum zejzog ntawm ntau tsav neej yeej mus pab tej neeg zejzog uas tsis paub tias xyov yuav pib li cas thiab.
Ivy Zhuo yog tus neeg ua hauj lwm Settlement Support Worker nrog lub koom haum Migrant Resource Centre Tasmania (MCR Tas).
Ms Zhuo hais tias “Peb yeej muaj cov kev pab cuam rau tej neeg tuaj ntawm peb lub koom haum. Muaj cov kev taw hia rau lawv tias yuav teev zwm npe xaiv nom li cas thiab yuav thov xeem ua pej xeem li cas, uas yog ib cov lus nug uas muaj neeg nug ntau tshaj plaws."
Peb tej neeg ua hauj lwm pab cov kev tsiv teb tsaws chaw thiab cov neeg ua hauj lwm yeem thaj ua yeej tau xyaum kom paub ua tej hauj lwm no mam li pab nej teb tej lus nug li 'Kuv puas muaj cai teev zwm npe xaiv nom?, 'Kuv yuav teev zwm npe li cas?' thiab 'Puas yog kuv yuav tsum xaiv nom nkaus nkaus xwb?'.
Lub koom haum lub vas sab (website) los yeej kaw ib cov xov xwmua nej hom lus tso rau hauv Soundcloud koj nej thiaj paub tias yuav teev zwm npe li cas xaiv nom thaum nej mloog tej lus ntawd.
Yog tias kuv tsis teev zwm npe xaiv nom ne ho puas muaj teeb meem rau kuv li cas?
Yog koj tsis xaiv nom ces koj yuav raug nplua. Yeej yuam kom sawv daws yuav tsum xaiv nom, tab sis qhov tseem ceeb tshaj ntawd ces kom nco tias koj yuav tsis muaj feem tawm suab dab tsi yog tias koj tsis teev zwm npe.
kom thiaj teev zwm npe tiav npaj rau cov kev xaiv tsa tsoom fwv teb chaws rau xyoo 2022 no.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
