Yeej muaj ib lo lus nug hauv tej neeg ntawm teb chaws Australia no nruab siab hais tias: thaum twg es mam li rov qab pib ua tau lub neej li qub li thaum tseem tsis tau muaj teb chaws kaw?
Nqe no ces tsuas nyob ntawm seb thaum twg lub teb chaws no hno tau tshuaj vaccine raws li tej hom phiaj tau teeb tseg xwb.
Yeej tau muaj kev kwv yees lawm tias yuav muaj peev xwm hno tshuaj COVID-19 vaccine txwm 2 koob txog 80% ua ntej yuav xaus lub xyoo no.
Australia yeej tau hno tshuaj vaccine 2 koob rau tej pej xeem hnoob nyoog 16 xyoo thiab tej neeg hnoob nyoog siab tshaj ntawd tshaj li ib nrab lawm, thiab yeej muaj neeg coob tshaj li 76% tau hno thawj koob tshuaj COVID-19 vaccine lawm.
Nrhiav tau lub zos koj nyob hauv qab no. Cov xov xwm no yuav tso cov tshiab ntxiv rau txhua limtiam.
Ib lub xeev twg ho hno tshuaj COVID-19 vaccine li cas lawm xwb?
Nyob rau hnub tim 26.09.2021, ces ACT yeej muaj nws tej neeg hnoob nyoog 16 xyoo los yog siab tshaj ntawd ntau tshaj 61% yog cov neeg tau hno tshuaj vaccine txwm 2 koob lawm.
New South Wales tau qhia tias thaum nws tej pej xeem hno tshuaj txog 70% lawm ces nws yuav tshem cov kev txwv lawm. Thiab yeej muaj tej neeg coo tshaj 85% tau hno thawj koob tshuaj vaccine lawm thiab muaj cov hno txwm 2 koob txog 60% lawm.
Tasmania ces yuav muaj neeg hno tau tshuaj vaccine thawj koob txog li ntawm 80% rau thaum ntxov lub 11 hlis ntuj no, thiab yeej muaj neeg coob tshaj 56% yog cov tau hno tshuaj vaccine txwm 2 koob lawm.
Ntawm Victoria ces, tseem muab nroog Melbourne kaw mus txog rau tim 26.10.2021 thaum uas muaj neeg ntawm lub xeev no tau hno tshuaj vaccine txwm 2 koob txog 70% tso.
Hnub tim 1.10.2021 no ces muaj tej neeg hnoob nyoog 16 xyo thiab siab tshaj ntawd hno tshuaj vaccine 2 koob txog li 50.9% thiab muaj neeg tau hno ib koob tshjaj txog li 80.9% lawm.
Raws li tej qauv hno tshuaj vaccine uas hno rau Australia cov keeb cag neeg ntawm xeev Queensland ntawd ces ntshe tseem yuav txog rau lub 2 hlis ntuj xyoo 2022 mas thiaj mam li hno tau tshuaj txog 80%.
Xeev Northern Territory ces muaj neeg hno tshuaj vaccine 2 koob txog 51% lawm.
Vim li cas thiaj yuav kom hno kom txog 70%?
Thawj pwm tsav Scott Morrison tau qhia rau tej coj xeev tias Australia yuav tsum tau xyuam ua lub neej nyob nrog tus kab mob virus no mas thiaj li yuav pib rov qab qhib teb chaws dua.
Nws yeej tau qhia tias yeej yuav tsis muaj peev xwm muab lub teb chaws no kaw mus ib txhis, thiab kuj tau qhia tias ''yuav muaj cov kev pauv hloov'' rau thaum muaj neeg hno tshuaj vaccine txwm 2 koob txog 70% lawm.
Nws tau hais tias "Txog ib lub caij twg, ces yeej yuav tau muaj cov kev pauv hloov, thaum ntawd ces yog thaum muaj neeg hno tau tshuaj vaccine txwm 2 koob txog 70% lawm, vim tau muaj tej kev taw qhia los ntawm tej nom tswv tswj kev noj qab haus huv huv cov kev tshawb fawb kom ua li ntawd."
Interactive by Ken Macleod. Lead artwork by Jono Delbridge.
