Ntsiab lus tseem ceeb:
- Anzac Day ces yog hnub taug kev rau tej neeg uas sib ntaus sib tua ntawm Gallipoli xwb. Tab sis tam sim no ces kuj cia tej tub rog tam sim no los yog tej tub rog dhau los nrog lawv te3j xeeb leej xeeb ntxwv ntawm tej neeg coj ntseeg ntau yam kab lis kev cai koom thiab.
- Yeej muaj neeg Australia coob heev ntawm tej neeg coj ntseeg ntau yam kab lis kev cai mus koom thiab.
- Tej neeg coj ntseeg ntau yam kab li kev cai sib txawv yeej xav los muaj feem koom nrog hnub Anzac Day thiab.
Hnub Anzac Day ces tej neeg Australia thoob teb chaws uas tau mus ua tub rog rau Australia thiab New Zealand tej tub rog uas tau tas sim neej lawm, ces cov kev taug kev rau hnub Anzac Day yeej yog ib lub koom txoos tseem ceeb los nco txog lawv cov kev tuaj yeej muab txoj sia mus tiv thaiv teb chaws thiab lawv cov kev muaj peev xwm.
Yeej ua lub koom txoos hnub Anzac Day txhua xyoo rau hnub tim 25 lub 4 hlis ntuj, thiab coj los nci txog tej qub tub rog Australia thiab New Zaland (Australian and New Zealand Army Corps -ANZAC) uas tau koom kob tsov rog ntiaj teb zeeg ib ntawm Gallipoli.
Txawm li cas lostam sim no kuj muaj tag nrho Australia tej peeb zeej (leem) tsis hais poj niam txiv neej thiab lawv tej xeeb leej xeeb ntxwv thiab lwm tog uas tau sib tawm tsam ntawm kob tsov rog Gallipoli mus koom thiab.
Xyoo 2006 ces Victoria lub koom haum Victoria's RSL tau tso cai rau Turkish tej tub rog uas tau koom tsov rog ntiaj teb zeeg ib koom tau kev rau hnub Anzac Day, thiab yeej tseem koom los txog niaj hnub no.
READ MORE
How to participate in Anzac Day
Jean McAuslan ces yog tus tau txais cov khoom plig AMaGA (Australian Museum and Galleries Association) uas yog Victoria cov khoom plig uas tau txais rau txoj kev ua lub neej tiav ntau caum xyoo uas tau ua hauj lwm nrog lub koom haum The Shrine of Remembrance and Australian War Memorial tau qhia rau cov kev xub interview dhau los nrog SBS txog cov kev tso tej qub tub rog tej peev txheej thiab tej xov xwm tau teev tseg uas qhia txog cov kev lees paub ntau tsav neeg sib txawv los ua Australia ib co kab lis kev cai.
Ms McAuslan hais ntxiv tias tej duab coj mus tso rau sawv daws saib los kuj tau muaj kev pauv hloov rau lub caij ntev tuaj ntxiv no lawm thiab, hais tsi ntsees txog tej teeb meem muaj los ntawm tej tsov rog.
Nws tshab txhais tias txawm tej neeg raug txim li neeg Italians, Germans thiab Japanese los yeej tau rov qab mus rau lawv tej teb chaws tom qab xaus tsov rog, thiab kuj tau muaj ib txhia tau ua lub neej ntawm Australia lawm thiab.
"Hais tsi ntsees txog cov neeg Italians ces kuj tau ua hauj lwm nrog tej neeg ua liaj ua teb zejzog, rau lub caij lawv tseem raug txhom los yog tseem xyaum hauj lwm, thiab tsev neeg lawv ua hauj lwm rau kuj pab tos kom lawv tau rov qab tuaj nyob ntawm Australia no,'' raws li Ms McAuslan hais.
Sankar Nadeson yog ib tug neeg Askiv caj ceg neeg Indian uas yug ntawm teb chaws Askiv thiab kuj yog ib tug contemporary artist thiab yog tus teeb txheeb txog neeg Indian tej xeeb leej xeeb ntxwv ntawm Naarm/Melbourne thiab kuj muaj ib lub art studio ntawm London.
Sab laug rau sab xis: Alex Ilyin (sab xis) tuav tes nrog ib tug phooj ywg qub tug rog with former hu ua Don Frohmuller thiab Sandar Nadeson uas yog ib tug contemporary artist thiab yog ib tug neeg teeb txheeb.
Thiab nws yeej xav kom "muaj tej kev zoo siab rau haiv neeg" thiab lug tsis txhob siv lub tswv yim nruj tsiv rau neeg txawv teb chaws los yog kom muaj cov kev ua tib zoo tawm tswv yim uas kub siab txog lwm tus tej kev xav thiab.
Mr Nadeson hais tias txawm tias nws tau loj hlob ntawm teb chaws Askiv thiab yeej tau rhais paj yeeb liab rau hnub nco txog tub rog (Remembrance Day) txij li thaum tseem yau los nws yeej tsis ib txwm muaj feem cuam tshuam txog nws tsev neeg tej keeb kwm nrog hnub Anzac li.
Tsuas yog txog rau thaum nws tau pib ua hauj lwm nrog tau poj tsuam uas lawv tej txiv nruam sim vim tsov rog xwb ces nws thiaj tau ras txog tias muaj ntau yam kab lis kev cai sib txawv ntawm lub koom txoos Anzacs thiab thiaj mam li tau pib nug txog nws zaj dab neeg xwb.
Thaum kuv tau koom kuv cov hauj lwm kos duab nrog tej tub kawm ntawm tej teej kawm qib siab, tej teej kawm qib nrab thiab qeb pib thoob lub xeev no, ces kuv kuj tau pom tias tseem tsis tshua muaj neeg paub txog tias muaj lub koom txoos Chinese Anzacs thiab.Sankar Nadeson
Nws tshab txhais tias "Kuv tau nug kuv pog, thiab nws tau hais tias, yog mas koj yawg yeej tau mus nrog Askiv tej tub rog sib ntaus sib tua ntawm Malaysia, thiab kuv yeej tsis paub txog tej no tiag tiag li. Kuv los yeej tsis muaj feem nrog tej dab neeg hnub Anzac los yog ib yam dab neeg dab tsi ntawm tej tsov rog uas tau sib ntaus sib tua ntawm Askiv tej tub rog los yog Australia tej tub rog nrog kuv tej keeb kwm thiab kuv tsev neeg li.''
hais tias yeej muaj neeg Australia yuav laug txog li 420,000 tus neeg uas coj ntseeg ntau yam kab lis kev cai sib txawv yeej tau teev npe koom tsov rog ntiaj teb zeeg ib, suav Australia cov neeg txum tim, tej neeg Askiv, Asia, Greek thiab tej neeg ntawm sab qaum teb ntawm Europe. Tsis tas li ntawd los yeej muaj tej neeg tsiv teb tsaws chaw neeg Suav yuav laug txog li 200 leej yeej tau mus koom tsov rog sawv cev rau Australia thiab. Lub caij uas Sankar Nadeson tseem ua hauj lwm nrog lub koom haum Australia China Youth Association ces nws hais tias nws tej tub kawm yeej tsis zwm tias muaj tej neeg coj ntseeg ntau yam kab lis kev cai zoo li cas koom lub koom txoos Anzac li.
Mr Nadeson hais tias "Tej tub kawm uas muaj cov caj ceg neeg suav yeej ib txwm tsis paub txog qhov tseem ceeb ntwm Suav tej keeb kwm rau hnub Anzac Day. Ces peb thiaj tau tsim ib co self-taught visual art thiab cov stencils qhia txog Chinese Anzacs. Uas muaj ib daim ces yog Billy Sing uas yog ib tug neeg Suav tua phom ncaj heev uas tau mus koom Askiv tej tub rog cov tsov rog ntiaj teb zeeg ib.''
Ib tug tub rog neeg Maori hnav tsoom txum tim coj New Zealand cov qub tug rog tau kev ntawm Sydney CBD hnub tim 25 April 2021 ntawm Sydney, Australia. (Photo by Ruth Goodwin/Getty Images) Credit: Ruth Goodwin/Getty Images
Nws hais ntxiv tias "Thaum uas lawv tau pom ib tug neeg suav ntoo lub koom mom cau pliaj, ces lawv mam li nco txog tias lawv kuj yog ib feem ntawm keeb kwm thiab; lawv yeej tau muaj feem koom ntawm Australia tej keeb kwm los ntev, tsis yog tias lawv tsis tseem ceeb li lwm tsav neeg.''
Alex Ilyin yug ntawm teb chaws Suav thiab cuam tshuam txog neeg Russia tej puav pheej yeej tau tuaj nyob Australia tau 50 xyoo dhau los lawm. Nws cov kev tau ua tub rog tau ua rau nws totaub nthuav dav tuaj ntxiv txog Australia tej kab lis kev cai.
"Kuv tau tuaj rau Australia xyoo 1959; thiab kuv tau mus ua tub rog xyoo 1967. Kuv yeej tsis paub lus Askiv zoo li, thiab kuv cov kev nkag siab txog lub neej ntawm Australia tseem zoo li ib tug neeg tsiv teb tsaws chaw tuaj tshiab xwb.''
Cov kev ua tub rog tau ob xyoo nrog Australia cov tub rog tau pab kom kuv nkag siab tob tuaj ntxiv. Thiab kuv yeej tau tes zoo heev nrog neeg Australia ntawm lub teb chaws no tiag tiag thiab tau pab kom kuv nkag siab txog neeg Australia txoj kev ua lub neej, tej sob lus, tej lus, thiab tej kab lis kev cai.Alex Ilyin
Tab sis muaj ib txhia tub rog thiab lawv tej xeeb leej xeeb ntxwv kuj ntsib lwm yam teeb meem nyuaj thaum lawv tau rov qab los tsev tom qab tau ua tub rog lawm. Tsis hais yog rov qab ntawm tsov rog Vietnam War, Alex Ilyin yeej tseem nco tias zej tsoom tsis pom zoo rau cov kev tsis haum xeeb no.
"Thaum peb rov qab ntawm Vietnam los ces yeej muaj tej neeg coob heev tau qhia rau peb tias: Hnav khaub ncaws pej xeem xwb, thiab tsis txhob tshwm ntsej muag qhov txhia chaw nawb', vim rau qhov muaj neeg tawm tsam tsis pom zoo nrog kob tsov rog Vietnam ntawm Australia no. Ces peb tej neeg uas peb tus tseem fwv tau xa mus ua rog sawv cev rau teb chaws Australia no, thaum tau rov qab los tsev lawm ces thiaj yuav tau nkaum, yuav tau ceev faj rau tej lus tawm tswv yim, thiab zoo li ua rau peb txaj muag kawg li,'' raws li Mr Ilyin nco.
Tab sis thaum Bob Hawke ua nom ces Australia kuj tau lees paub tej qub tub rog li Alex Ilyin li tau muaj ib lub koom txoos loj taug kev los ua kev tos txais lawv rov qab los tsev.
"Ces tsoom fwv thiaj pab them nqe caij dav hlau rau tej neeg thoob teb chaws Australia yav dav hlau tuaj rau Sydney, thiab peb thiaj tau mus taug kev ntawm tej kev ntawm nroog Sydney. Txij ntawd los ces peb thiaj tsab tau taub hau siab xwb thiab thiaj muaj kev txaus siab xwb. Vim peb yeej tau ua tej lub teb chaws txib kom peb ua,'' raws li Mr Ilyin hais.
Txij xyoo 1987 ces Alex Ilyin thiaj tau mus koom taug kev txhua hnub ANZAC Day lawm.
Raws li Sanker Nadeson uas yog ib tug neeg ua hauj lwm nrog lub zejzog neeg Sikh hais ces zej tsoom cov kev lees paub no thiaj yog ib co txheej txheej los pab kho haiv neeg no.
"Thaum uas tej neeg pom txog tej ua peb los yog nej tau ua tau pab lawm, ces yeej yog tej yam tseem ceeb heev uas yuav pab kho peb, thiab pab kom peb muaj peev xwm ntseeg siab thiab ua tau lub neej ntawm lub teb chaws no txuas ntxiv,'' raws li Mr Nadeson hais.
Tej neeg mus koom tau kev hnub ANZAC Day ntaw Sydney, Australia hnub zwj Quag (Tuesday) tim 25 lub 4 hlis ntuj xyoo 2023. (Photo by Steven Saphore/Anadolu Agency via Getty Images) Source: Anadolu / Anadolu/Anadolu Agency via Getty Images
"Thaum kuv tau koom nrog tej zejzog tej tub koom siab tshaj 100 leej ntawm Sikh lub tsev teev hawm ntawm Melbourne sab qaum teb hnub poob ces kuj pom tias lub zejzog no yeej mloog tau tias lawv tsis yog 'lwm tus' ntxiv lawm.''
Mr Nadeson ntseeg tias vim cov kev lees paub tej qub tub rog no thiaj ua rau Sikh community mloog tau tias lawv yog ib feem ntawm Australia tej zejzog.
"Muaj qee zaus ces yus kuj ras tias yus txawv tej zejzog feem coob thiab, tab sis thaum muaj ntau yam ua rau muaj kev koom npoj thiab pab kom tej neeg tau ua ke, ces kuj ua rau yus mloog tau tias yus yog ib tug neeg Australia thiab; ces thiaj ua rau yus mloog tau tias Australia zoo li cas tiag.''
Yog li Sikh community thiaj raug lees paub tias yog ib feem uas tsis muaj peev xwm yuav cais tawm ntawm Australia tej zejzog, los yog tsis ua rau lawv mloog tias lawv tsuas yog lwm tus ntxiv lawm xwb.Sankar Nadeson
Mr Nadeson cov kev tau ua hauj lwm nrog ntau cov zejzog sib txawv kuj tau ua rau nws paub txog tej tswv yim tias yuav ua dab tsi rau hnub Anzac Day, thaum lawv qhia txog lawv tej kab lis kev cai ib txwm ua.
"Tej neeg Sikh tej kab lis kev cai ces yeej yog ib co uas lawv kub siab heev. Thiab yeej yog ib co uas lawv kub siab heev vim lawv yeej muaj ib co keeb kwm tug rog, ua ke no los kuj ib txwm muaj kev ua kev zoo siab, ces thiaj muaj ntau yam ua.''
"Ntxiv ntawd ces kuj muaj tej zejzog neeg Suav, uas txhua tsav yam yeej siv tsos liab, vim yog ib tsos coj los ua kev nco txog tej qub tub rog thiab yog ib xim sawv cev rau kev vam meej. Yog li thaum lawv ua tej neeg Suav tej tub rog, ces thiaj ua rau lawv mloog tau tias lawv yeej muaj kev cuam tshuam thiab muaj kev hwm lawv tej poj koob yawm koob,' raws li Mr Nadeson tau qhia ntxiv.
Tej neeg uas mus xyuas lub koom txoos taug kev hnub ANZAC Day ntawm Sydney, Australia hnub zwj Quag (Tuesday) tim 25 lub 4 hlis ntuj xyoo 2023. (Photo by Steven Saphore/Anadolu Agency via Getty Images) Source: Anadolu / Anadolu/Anadolu Agency via Getty Images
Nws hais tias ''Raws li kuv xam pom lawm ces tej neeg uas kuv ntsib yeej xav ras los ua ib feem ntawm hnub no, thiab muaj feem koom rau ib hnub keeb kwm tseem ceeb ntawm Australia no.''
Yog li ntawd ces txhua hnub tim 25 lub 4 hlis ntuj Alex Ilyin thiab nws tus tub thiaj muaj hom phiaj yuav koom taug kev hnub Anzac Day li ib txwm ua, coj los ua kev nco txog Australia tej tub rog.
"Yeej tseem muaj cov kev ua tej kev cai Anzac. Kuv tus tub los yeej tau ua tub rog ntawm Iraq, Timor thiab Solomon Island tam li yog ib tug neeg tswj kev thaj yeeb, ces thiaj tseem ua tej kab lis kev cai no.''
Tsis tas li ntawd los kuj muaj tej koom txoos nco txog tej qub tub rog rau thaum sawv ntxov hnub tim 25 lub 4 hlis ntuj no, rau tib lub caij uas lawv tau sib tua ntawm Gallipoli. Ces thaum lig hnub ntawd lawv mam li mus taug kev rau hnub Anzac Day ntawm tej zos me mus rau tej nroog loj.
Yog koj xav paub kom ntxaws ntxiv txog keev kwm Anzac, ces txheeb tau tsoom fwv Australia lub thiab .
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
