Ntsiab lus tseem ceeb:
- Tau muaj ib tsab ntawv uas tseem npaj yuav nce tej nqe hluav taws xob thoob plaws rau sab qab teb hnub tuaj ntawm teb chaws Australia xyoo 2025-26 no.
- Muaj ib txhia customers ces twg tau them nqe kim tuaj ntxiv txog 40 feem pua 2 xyoos dhau los no lawm.
- Lub koom haum Australian Energy Regulator (AER) tau coj cov nqe default market offer (DMO) uas yog tus nqe kim tshaj plaws uas tej tuam txhab energy muaj peev xwm muag tau coj los qhia tias yuav nce tej nqe no txog li ntawm 9 feem pua.
Tej nqe hluav taws xob thiab gas yuav nce kim tuaj ntxiv txij tim 1 lub 7 hli ntuj raws li lub koom haum Australian Energy Regulator (AER) ib tsab ntawv 'safety net' uas teev txog tej nqe them rau xyoo 2025-26 tau qhia.
Raws li lub koom haum AER ib tsab ntawv cej luam coj los qhia ces tej tuam txhab lagluam muag hluav taws xob thiab gas thiaj muaj peev xwm muag tau cov nqe kim tshaj plaws rau tej cuab yig thiab tej lagluam ntawm NSW, sab qab teb hnub tuaj ntawm Queensland thiab xeev South Australia raws li tej nqe muag kho ib xyoos ib zaug twg uas sawv daws paub tias yog cov nqe default market offer (DMO).
NSW tej neeg siv (customers) ces yog yog cov yuav tau them ntau tshaj plaws ntxiv nce ntawm 7.8 feem pua ua 8.8 feem pua raws li tej nqe tau kho dua tshiab.
Ces thiaj yuav ua rau yuav tau them tus nqe ntau tuaj ntxiv txij li ntawm $2,714 txog rau $3,174 rau ib txhia neeg siv uas siv hluav taws xob/gas ntau thiab lwm cov customers uas yuav tau them txij li ntawm $1,969 txog $2,713.
Hos tej nqe uas yuav tau them ntawm sab qab teb hnub tuaj xeev Queensland ces cov customers uas siv ntau yuav tau them $2,475 thiab lwm cov customers ces tau them AUD$2,185 los sis yog yuav tau them tej nqe no kim tuaj ntxiv nce ntawm 2.5 feem pua mus ua 5.8 feem pua.
Tsis tas li ntawd los yeej yuav tau them tej nqe muaj ntsis sib xws li no ntawm xeev South Australia thiab uas yuav ua rau tej cuab yig uas siv hluav taws xob ntau yuav tau them ntau tshaj plaws txog $2,881 (Tshaj 4,000 kWh) thiab tej neeg uas siv hauj sim ces tau them txog li $2,344 (~4,000 kWh) uas tej nqe no tau nce kim tuaj ntxiv ntawm 4.4 feem pua ua 5.1 feem pua sib law liag lawm.
Controlled load ces yog cov kev them cai rau tej twj uas siv lwm yam ntxiv li cov tswj rhaub dej kub thiab tej pa tshuab/ntsawj dej/nqus dej uas txuas thoob plaws rau lub tsev.
Tej lagluam me ces kuj tau nce tej nqe kim tuaj ntxiv txog li ntawm 4.2 feem pua thiab 8.2 feem pua (los yog yuav tau them txij li ntawm $4,439 thiab $6,183).
Clare Savage uas yog tus tswj lub koom haum AER thiaj tau hais tias:
"Peb yeej tau pom tias tau ua rau muaj ntau yam ua rau tej nqe no tau kim tuaj lawm.''
Lub koom haum Australian Energy Regulator (AER) thiaj hais tias tsim nyog tej neeg siv (customers) yuav tau hu nrog lawv tej tuam txhab tham seb ho puas tau kev pab cuam raws li tej cai tswj cov kev siv hluav taws xob thiab gas ntawm haiv neeg no.
Txawm li cas los tej nqe no tseem yog cov tseem kho xwb, thiab tseem yuav coj los sab laj mus txog ntua tim 3 lub 4 hlis ntuj xyoo 2025 no ua ntej yuav txiav txim ua zaum kawg rau lub 5 hlis ntuj (2025) no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
