Tab tom yuav los kho dua cov kev txo se theem peb thiab kuj yog ib cov sib cov nyom txawm tias yog ib lub tswv yim uas yuav pab kom tej neeg ua hauj lwm feem coob tau txais txiaj ntsim yog piv rau lub tswv yim thaum xub uas tsis tau kho.
Tsoom fwv teb chaws hais tias lub tswv yim uas raug txheeb tshiab no yuav pab ''tej neeg Australia khwv tau nyiaj nrab'' daws tej teeb meem nuj nqes siv ua lub neej uas kim tuaj, tab sis lwm pab nom teb chaws tau liam tsoom fwv tias tau tsis ua raws li nws tej lus tau cog tseg, vim yav dhau los pab nom Labor yeej tau qhia lawm tias yuav tsis hloov cov kev txo se theem peb no.
Tej neeg ua hauj lwm khwv tau nyiaj $150,000 los yog tau ntau tshaj ntawd yeej yuav tau txais kev txo se thiab, tab sis yuav tau tsawg dua tej uas yuav txo rau thaum xub thawj.
Nod yog tej uas peb paub.
Thaum xub thawj cov kev txo se theem peb ho zoo li cas?
Tus tsoom fwv koom tswj dhau los yog tus los tsim tsab cai txo se rau xyoo 2019.
Uas yeej tau txo cov se theem ib thiab theem ob uas twb tau txais txiaj ntsim rau tej cuab yig neeg uas khwv tau nyiaj tsawg thiab khwv tau nyiaj nrab lawm. Raws li tus tsoom fwv koom tswj (Coalition government) lub tswv yim ces, cov kev txo se theem peb no yuav tsis sau se 37 feem pua ntxiv, thiab yuav kom txhua tus neeg uas khwv tau nyiaj ib xyoos twg txij $45,000 txog $200,000 them seb 30 feem pua lawm xwb.
Pab nom Labor ho tau hloov cov kev txo se theem peb li cas?
Raws li, tseem siv cov kev tsub se 37 feem pua rau tej neeg khwv tau nyiaj tshaj $135,000 rau ib xyoos twg li qub, thiab tsub se 45 feem pua rau tej neeg khwv tau $190,000 tsis yog tej khwv tau $180,000 lawm.
Hos cov kev txo se toom ob ntawd ces yog yuav txo tus se ntawm 32.5 mus ua 30 feem pua rau tej neeg uas khwv tau nyiaj ib xyoos twg txog li $135,000 rau ib xyoos twg.
Thiab cov kab theem se qes tshaj plaws uas txo rau tej neeg khwv tau nyiaj tsawg dua $45,000 ces yuav raug txog ntawm 19 cents mus ua 16 cents rau ib dollar uas lawv khwv tau ntawd lawm.
Thiab tej neeg khwv tau nyiaj tsawg los kuj yuav tau txais txiaj ntsim los ntawm cov kev txo cov se Medicare levy ntau tuaj ntxiv.
Ho yuav tau txiaj ntsim dab tsi rau koj los ntawm cov kev txo se theem peb tshiab no
Yuav siv cov kev txo se theem peb tshiab no txij hnub tim 1 lub 7 hli ntuj mus lawm, txhais tias tej neeg ua hauj lwm feem coob yuav tau txais txiaj ntsim zoo dua lub tswv yim txo se thaum xub thawj, tab sis kuj tsuas ua rau tej neeg khwv tau nyiaj ntau tshaj plaws tau tej nyiaj txo se txog ib nrab lawm xwb.
Ib tug neeg uas khwv tau nyiaj nrab txog li $73,000 ces yuav tau nyiaj txog li $1,500 rau ib xyoos twg los ntawm cov kev txo se, hos tej neeg khwv tau $50,000 ces yuav tau $929 rau ib lub xyoos twg, tej neeg khwv tau $100,000 ces tsuas tau $2,100 xwb.
Thiab tej neeg uas khwv tau nyiaj ntau tshaj plaws txog $200,000, ces cov kev txo se theem peb no yuav raug txiav ntawm $9,075 los tau $4,500 lawm xwb.
Cov kev txo se theem peb tshiab no ho yuav ua rau tej neeg khwv tau nyiaj sib txawv tau nyiaj npaum li cas. Source: SBS / Kenneth Macleod
Vim li cas cov kev txo se theem peb no thiaj sib cov nyom ua luaj li?
Yeej muaj ib txhia tib tus tsoom fwv koom tswj cov kev txo se theem peb vim lawv tau hais tias tsuas tau txiaj ntsim ntau dua rau tej neeg khwv tau nyiaj ntau xwb yog piv rau tej neeg khwv tau nyiaj tsawg.
Lub 11 hlis ntuj tsaib no ces lub koom haum yeej txheeb tau tias tej neeg khwv tau nyiaj ntau yuav tau nyiaj ntau dua ntau puas dollars yog piv rau cov neeg ua hauj lwm khwv tau nyiaj tsawg yog tseem sau se raws li lub tswv yim txo se thaum xub thawj uas tau npaj tseg ntawd.
Ces thiaj ua rau ntau pawg neeg uas tib tsis pom zoo nrog lub tswv yim txo se thaum xub thiaj zoo siab rau pab nom Labor cov kev kho cov kev txo se theem peb tshiab no.
Lub koom haum Australian Council of Social Service (ACOSS) uas thaum xub tau muab cov kev txo se theem peb no tis npe tias ''yog cov kev txo se rau lub teb chaws no tej neeg nplua nuj tshaj plaws xwb'', kuj tau hais tias cov kev kho cov kev txho seb tshiab no ''zoo dua rau tej neeg khwv tau nyiaj tsawg, khwv tau nyiaj hauj sim thiab khwv tau nyiaj nrab''.
Tab sis tam sim no lwm pab nom teb chaws kuj tsis pom zoo nrog pab nom Labor tias cov kev kho cov kev txo se no yog ib cov kev tsis uas raws li tej lus tau cog tseg tom qab uas thawj pwm tsav Anthony Albanese tau qhia tias yuav tsis hloov cov kev txo seb theem peb no thaum ntxov txij thaum nws pab nom raug xaiv tsa los ua tsoom fwv teb chaws xyoo 2022.
Ob txoj kab txo se theem peb qub (tsos xiav tsaus) thiab txoj tshiab (tso xiav kaj) uas qhia tias yuav tau nyiaj los ntawm cov kev txo se li qub thiab kho dua tshiab ntau npaum li cas. Credit: Kenneth Macleod
Vim li cas pab nom Labor thiaj hloov tswv yim rau nws cov kev txo se theem peb no?
Thaum xyoo 2018 uas tus tsoom fwv koom tswj tau thov tsim tsab cai txo se theem peb no ces cia siab tias ntiaj teb tej xwm txheej yuav pab tau Australia tej lagluam kom zoo.
Thiab yeej cia siab tias tej kab theem nyiaj poob nqe thiab kab theem paj yuav nyob qes li qub.
Raws li ib cov ncauj lug uas Albanese, Treasurer Jim Chalmers thiab tus nom lis laj fai tswj lub tuam chav nyiaj txiaj Kathy Gallagher tau koom hais ces "Scott Morrison uas yog Australia tus qub thawj pwm tsav dhau los lub tswv yim txo se no yeej tau tsim rau lub sij hawm tsib xyoos dhau los, ua ntej yuav muaj tus kab mob kis thoob ntuj, thiab ua ntej ntiaj teb tej nyiaj tsis muaj nqes, thiab ua ntej nces tej kab theem paj ntau zaus thiab ua rau tsis paub tias lub ntiaj teb no yuav zoo li cas lawm. Ces cov kev txo se no thiaj tsis muaj peev xwm pab tau tej neeg uas txom nyem tshaj plaws vim tau muaj tej xwm txheej tab tom pauv hloov no lawm.''
Chalmers thiaj tau qhia rau xov tooj cua ABC hnub zwj Teeb (Thursday tim 25.01.2024) tias lub tswv yim txo se tshiab no ''zoo dua rau Australia tej neeg khwv tau nyiaj nrab'' thiab thiaj li yuav pab daws tau .
Chalmers tau hais tias "Vim rau qhov peb yeej paub tseeb lawm tias lub caij ntuj so dhau los yeej muaj ib txoj xub ke zoo dua los siv tej nyiaj no coj los pab daws tej teeb meem nuj nqes siv ua lub neej rau Australia tej neeg khwv tau nyiaj nrab uas xav tau txais kev pab cuam heev."
Tab sis lwm pab nom teb chaws kuj tau liam Albanese tias tsis ua raws li nws tej lus cog tseg thiab yog ib cov kev tawm tsam ntawm tej neeg ua hauj lwm thiab tej neeg muaj fwj chim xwb.
Sussan Ley uas yog tus lwm coj ntawm lwm pab nom teb chaws thiaj tau qhia rau xov tooj cua ABC rau hnub zwj Teeb (Thursday) tias "Cov kev txo se ntau rau ib co neeg Australia twg no tsis tsim nyog yuav ua rau muaj teeb meem rau cov kev cog lus rau lwm cov neeg Australia."
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
