Ntsiab lus tseem ceeb:
- Lub koom haum CHOICE uas yog ib lub koom haum qhia txog tej xovxwm ntau yam txog cov kev yuav khoom siv tau coj nws cov kev tshuaj ntsuam txog tias tej khoom noj khoom siv twg yog cov 'yuav tau tsawg lawm'.
- Lo lus 'Shrinkflation' txhais tias ib yam khoom twg tsawg zog lawm, tab sis tseem muag tus nqe li qub los yog nce kim tuaj ntxiv.
- Tej tuam txhab supermarket loj li Coles thiab Woolworths tau hais tias tej neeg tsim thiab xa tej khoom no tau thov kom muag tej khoom tsawg me ntsis.
Yog tias tsis ntev los no koj tau mus yuav tej khoom noj rau lub caij yuav txog Easter, yuav tej qos yaj ywm kib, thiab yuav tej cereals noj thaum sawv ntxov los sis yog yuav tej tshuaj ntxuav tais diav los yog txhuam tsev, ces tej zaum ntshe koj yuav tau tsawg zog lawm.
Tej no yog qee yam khoom ntau ntau yam uas ''yuav tau tsawg lawm'', raws li lub koom haum CHOICE hais.
Lo lus 'Shrinkflation' txhais tau tias yuav tau ib yam khoom tsawg dua lawm, tab sis tseem tau them tus nqe li qub los yog tseem yuav tau them kim zog ntxiv.
Nitika Garg uas yog ib tug zeskais paub zoo txog kiab khw lagluam ntawm tsev kawm qib siab UNSW lub tuam chav Business School, tau hais tias cov kev yuav tau khoom tsawg no ces yog ib feem ntawm tej nyiaj poob nqe thiab yog tej yam uas tej neeg yuav khoom yeej tsis tshua ras txog kiag tam sim ntawd.
Tej zaum lub tuam txhab tsim yam khoom ntawd ua yam khoom ntawd tsawg dua li 25 los yog 50 grams lawm — thiab tej neeg yuav khoom siv yeej tsis shua paub txog tej no. Ces peb thiaj yuav tau them kim zog tab sis yuav tau tej khoom no tsawg dua tam sim no lawm.Nikita Garg, Professor of Marketing, Business School, University of New South Wales.
Cov khoom twg yog cov uas yuav tau tsawg lawm?
CHOICE tau tshuaj ntsim ib cov xov xwm thiab cov kev cej luam ntawm tej neeg yuav khoom coj los txheeb tias seb cov khoom twg yog cov uas yuav tau tsawg lawm rau xyoo 2024 no.
Ces raws li lub koom haum CHOICE hais ces cov khoom Jif's Power thiab Shine Bathroom cleaner tau nce nqe kim tuaj ntxiv tshaj 122 feem pua rau txhua txhua 100ml twg lawm.
Ces tej khoom uas muaj neeg nyiam siv heev uas muag $2.50 thiab tau 700ml lub 5 hlis ntuj xyoo 2022 ntawd tam sim no muag $4 thiab tsuas tau 500ml lawm xwb.
Hos tej khoom noj txom ncauj (snack foods), li qos yaj ywm kib thiab tej biscuits los kuj yuav tau tsawg lawm thiab.
Raws li CHOICE txheeb tau ces Woolworths cov pob kws xyaw ntsev kib uas thaum xub muag $2.30 ib pob ntawd ces raug txog ntawm 200g ua 175 g rau lub 10 hli ntuj 2023 lawm.
Hos cov khoom ntsw noj nrog ywm yam li Red Rock Deli's dips los kuj raug txo muaj ntsis sib xws li raug txo ntawm 150g ua135g txij lub 12 hlis ntuj xyoo 2021 lawm.
McVities' Go Ahead uas yog ib cov biscuits uas xuas tej txiv xyoob txiv ntoo qus tov xyaw los kuj raug txo ntawm 218gua 174g txij li lub 6 hli ntuj xyoo 2022 thiab lub 3 hlis ntuj xyoo 2024 lawm raws li CHOICE hais, thiab tseem muag tus nqe li qub ntawm $4.40 ib pob twg.
Thiab McVitess Digestive biscuits los kuj muaj $4.40 ib pob twg tag sis raug txo ntawm 400g ua 355g lawm xwb.
Thiab lub caij yuav txog Easter no, ces tej khoom noj uas npaj muag rau lub koom txoos no ntawm tej khw supermarkets ces tej zaum kuj yuav ua tsawg lawm thiab los kuj tau.
Lub tuam txhab Community Co cov ncuav qab zib hot cross bun los kuj raug txo ntawm 480g ua 450g, thiab nce nqe muag kim tuaj ntxiv ntawm $4 rau $4.50 txij xyoo 2023.
CHOICE kuj tseem txheeb tau thiab tias tej neeg yuav khoom siv los yuav tsis tau tej cereal thiab lwm yam khoom noj tshais kom tsim nyog raws li tej nyiaj lawv them lawm thiab.
Coles cov Mighty Grain cereal los kuj raug txo ntawm 560g ua 495g txij lub 10 hlis ntuj xyoo 2022, tab sis yeej tseem muag tus nqe qub $4.50.
Hos lub khw no cov paj pob kws kib uas muab luam pluav lawm los kuj raug txo ntawm 475g ua 440g rau ib thawv twg rau tib lub caij ntawd, tab sis kuj tau nce tus nqe muag ntawm $1.90 ua $2.10 lawm.
Hos Woolworth cov Max Charge cereal los kuj raug txos ntawm 560g ua 495g, tab sis tseem muag tus nqe qub $4.50.
Vim li cas thiaj yuav tau tej khoom tsawg lawm?
Nyob hauv ib co ncauj lug uas ib tug kis ntawm lub tuam txhab Woolworths tau xa rau SBS News ces vim yog tej nqe tsim tej khoom kim tuaj ntxiv lawm.
Muaj qee yam khoom ces tej nqe tsim tej khoom ntawd kim tuaj ntxiv lawm, tsis hais yog tej nqe yuav tej khoom ntau yam los sib tim ua, los yog tej khoom coj los tsim yam khoom ntawd, nqe zog los yog lwm yam nqe tsim yam khoom ntawd. Ces yog poob rau tej xwm txheej li ntawd lawm peb yuav tau ua tib zoo xyuas kom nce nqe tsawg npaum li tsawg tau rau peb tej customers them li yuav tau xyuas seb yuav tsim tau tej khoom ntawd kom zoo tshaj qub ntxiv li cas thiab yuav mus yuav tej khoom ntawd qhov twg los.Woolworths spokesperson's statement sent to SBS News.
Tus kis no thiaj tau hais tias muaj ib co piv txwv uas lub koom haum CHOICE yeej tau qhia tias vim tej neeg tsim khoom thiab tej neeg xa khoom xav koom ua tsawg zog ntxiv.
Ob co piv txwv li hais no, ces peb tej neeg xa tej khoom no yeej tau thov kom ua cov khoom no tsawg zog. Thiab peb yeej muaj peev xwm qhia tau meej tseeb tias tej no tsis tau txais txiaj ntsim nyiaj txiaj dab tsi rau Woolworths, vim rau qhov tej nqe uas tej neeg xa khoom tsub rau peb no los yeej tsis pheej yig ntxiv li thiab.Woolworths spokesperson's statement sent to SBS News.
Kuj tau muaj ib tug kis ntawm lub tuam txhab Coles tau hais tias kuj tsis yog tej yam dab tsi txawv uas nws lub khw hloov ua tej khoom no kom tsawg me ntsi, thiab kuj tau hais tias nws yeej tsis tau txais txiaj ntsim dab tsi los ntawm cov kev muag tej khoom ua tsawg zog no.
Thiab tag nrho tej khoom peb muag ces yeej tseem muag li qub kom thiaj pab tswj tau tej nqe siv ua lub neej ua kim ntau yam txawm tias tej neeg tsim thiab xav tej khoom no rau peb muag yuav tau siv nqe ntau yam kim los tsim tej khoom no los yog yuav tej txhiam laj txhiam xim kim los tsim tej khoom no.
Peb tej neeg tsim tej khoom thiab xa neeg tej khoom rau peb muag yeej qhia rau peb paub tias lawv yuav ua tej cereal kom tsawg zog rau ob co brand thiab tej ntawv los rau tej khoom no kom tsim tau tej khoom no yooj yim thiab yooj yim rau tej chaw xa tej khoom no. Peb yeej kub siab nrog xyuas kom tsuas muag tus nqe uas Australia tej cuab yig muaj peev xwm yuav tau xwb thiab.Coles tus kis cov ncauj lug xa rau SBS News.
Puas muaj peev xwm ua tau dab tsi coj los daws cov kev pheej tsim khoom tsawg zog no?
Cov kev tsim khoom tsawg zog coj los muag no kuj tsis yog ib cov kev ua txhaum cai dab tsi, tab sis tej khw supermarkets loj yeej tau raug liam tias
Lub ob hlis ntuj dhau los ces, tsoom fwv teb chaws yeej tau txib kom lub koom haum tswj cov kev sib tw lagluam thiab pov puag tej neeg yuav khoom siv (Australian Competition and Consumer Commission -ACCC) mus txheeb tej tuam txhab no cov kev teeb nqe muag khoom thiab cov kev sib tw lagluam ntawm tej kiab khw lagluam no seb yog li cas tiag.
Thiab cia siab tias yuav xub coj tsab ntawv cej luam uas luv dua ib xyoos coj los qhia txog tej no rau lub 8 hlis ntuj yuav los txog no.
Garg thiaj tau hais tias nws ntseeg tias tsim nyog tej koom haum tswj tej cai no yuav muaj feem koom ntau tshaj no los nrog txheeb tej nqe muag khoom tshaj no ntxiv.
Tej no tsis yog tej teeb meem uas yuav daws tau yooj yim, tab sis kuv xav tias tej koom haum tswj cai tsim nyog yuav tau muaj feem koom ntau tshaj no thiab koom tes nrog tej khw muag khoom thiab tej tuam txhab tsim tej khoom muag no ua hauj lwm ua ke yog tias lawv xav nrhiav kom tau ib lub tswv yim los daws tej teeb mem no.Nikita Garg, Professor of Marketing, Business School, University of New South Wales.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
