Tau muaj ib cov kev nug tej pej xeem cov kev tawm tswv yim hu ua tau mus txheeb 601 tus neeg uas tau koom tawm tswv yim ntawd, ces muaj ib tug ntwm peb tug twg yeej qhia tias lawv tau pom lwm tus neeg faib cai ntxub ntxaug ib tug neeg rau lub sij hawm ib xyoos dhau, los tab sis yeej muaj txog ib nrab ntawm tej neeg no tuaj yeem raus tes pab tus neeg raug tsim teeb meem rau li.
Priscilla Bryce yog tus coj lub koom haum , uas yog ib lub koom haum pab cuam zej tsoom los nrog xyuas cov teeb meem faib cais ntxub ntxuas lwm haiv neeg (Racism). Nws hais tias nws yeej to taub zoo tias vim li cas tej neeg thiaj tsis kam hais dab tsi txog tej teeb meem no.
Priscilla Bryce hais tias "Raws li tau muaj kev teeb txheeb lawm ces, lawv kuj tshawb tau tias, tos tej neeg tsis xav ua dab tsi li los vim lawv tsis xav kom lawv yog thawj tug raus tes rau tej teeb meem no, thiab lawv tsuas xav yog ib tug los koom pab lwm tus xwb, yog tias muaj ib tug twg xub nqes tes los nrog xyuas lawm. Tsis tas li no los tej neeg sawv daws xum ua twj ywm xwb yog lawv mloog tau tias tsam tsis tau txais kev nyab xeeb rau yus yog yus muaj feem koom los yog mloog tau tias tsis paub xyov yuav ua li cas puas tsim nyog yuav pab los yog yuav hais dab tsi."
Nod yog tej yam ua sawvdaws muaj peev xwm ua tau:
Bryce yeej tsis xav kom cov neeg ntiag tug cia li los raus tes kiag rau tej xwm txheej uas lawv xav tias yuav tsis tau txais kev nyab xeeb rau lawv, tab sis yeej muaj neeg coob leej ntau tus muaj peev xwm los pab tus neeg raug lwm tus faib cais ntxub ntxaug los yog lawv qhia rau tub ceev xwm los nrog xyuas tau.
Nws xav taw qhia tias:
1. Tsis txhob hais tej yam yuav ua rau tus neeg tsim teeb meem faib cai ntxub ntxaug lwm tus tsis txaus siab rau yus :
Tsis txhob hais kiag rau tus neeg ntawd tias koj yog ib tug neeg faib cais ntxub ntxaug lwm tus (Racist) tab sis yuav tsum nug tias yog vim li cas nws thiaj li ua li no rau lwm tus? Bryce xav taw qhia tias yog yus tseem liam tus neeg li ntawd ntxiv ces yuav ua rau nws haj yam npau taws tuaj ntxiv xwb.
Ugandan refugee Jafri Katagar Source: SBS
2. Yuav tsum mus nrog kiag tus neeg raug lwm tus ua phem rau zaum ib sab ua ke los yog muab nws tshem mus rau lwm qhov chaw kom nrug deb ntawm tus neeg tsim teeb meem rau nws:
Bryce hais tias " Tsis hais yuav muab tus neeg raug lwm tus tsim teeb meem rau tshem mus rau lwm yav tsheb ciav hlau los sis yog nrog tus neeg ntawd tham ces yeej pab tau kom tus neeg ntawd mloog tau tias zoo li ib nyuag khees me ntsi rau nws thiab ua kom nws tsis txhob pheej xav txog cov xwm ntxeej no ntxiv, vim nws mloog tau tias muaj cov pab nws thiab".
Alcohol-based hand rubs can be useful after using public transport if you’re away from soap and water. Bikeworldtravel/Shutterstock Source: The Conversation
3. Yuav tsum tau nug xov tooj ntawm cov neeg uas pom cov xwm txheej no kom pab tau tub ceev xwm los ntsuam xyuas:
"Yog tias koj qhia cov xwm txheej no rau tub ceev xwm los yog tsim nyog koj yuav qhia rau tub ceev xwm paub, ces yog muaj coob leej ntau tus los sib pab qhia tawm tsam nrog tus neeg tsim cov teeb meem no ces yuav muaj zog tawm tsam nrog tus neeg ua txhaum no dua"
A NSW Police officer is seen in Sydney, Wednesday, May 6, 2015. (AAP Image/Dan Himbrechts) NO ARCHIVING Source: AAP
4. Siv koj lub xov tooj ntawm tes yees cov xwm txheej tau tshwm sim no thiab muab rau tub ceev xwm:
Bryce hais tias kuv yeej tsis nyiam kom cov yeeb yaj duab (Video footage) raug coj mus siv qhia txog tej dab neeg ua rau muaj kev tu siab chim siab los yog ntsawv siab li no li, tab sis kuj yog tej yam tseem ceeb heev uas tus neeg raug tsim teeb meem no muaj peev xwm yuav siv tau coj mus nrog lub koom haum Human Rights Commission hais los yog coj mus qhia rau tub ceev xwm tau. Tsis tas li no los yog yus yees yeeb yaj duab (Video footage) lawm ces yuav pab kom tus neeg tsim cov teeb meem no tso tseg tsis txhob tsim cov teeb meem no lawm thiab.
Source: Getty Images
5. Nug yus tus kheej tias vim li cas tus neeg ntawd thiaj coj tus yam ntxwv zoo li ntawd thiab siv coj los ua ib co sob kawm qhia yus tus kheej.
Bryce hais tias kuv yeej ib txwm hais kom tej neeg sawv daws mus txheeb xyuas thiab koom cov hauj lwm uas txhooj faj lem (Tsev kawm qib siab) tsim thiab mus download cov apps hu ua ntawd. Tsis tas li no los kawm kom yus paub pab lwm tus kuj tseem ceeb heev thiab tab sis peb yuav tsum nco ntsoov nug tias yog vim li cas tej neeg thiaj pheej coj tej cuj pwm zoo li ntawd?
Source: Getty Images
Koj muaj peev xwm saib tau SBS cov program tawm tsam nrog cov kev faib cai ntxub ntxaug lwm tus Face Up To Racism tau ntawm tau ntxiv thiab.
