Cov ntsiab lus tseem ceeb:
- Yog koj raug ib tug kab laug sab loj dub tom ces raug xam tau tias yog ib co medical emergency.
- Tsis hais koj raug ib hom nab dab tsi tom li, yuav tsum tau siv cov ntaub hlo qhov txhab uas muaj peev xwm nyem qhov chaw raug tom ntawd kom ceev tam li yog cov first aid thawj kauj ruam.
- Koj muaj peev xwm siv tau cov kev pab cuam medical emergency thoob plaws teb chaws Australia suav tej chaw toj siab nrog tib si thiab.
Australia yeej yog ib lub teb chaws nto npe tias muaj tej tsiaj muaj taug txaus ntshai heev. Tab sis yog tham txog tej kab laug sab lawm, ces tsua muaj ib hom ntawm ntau hom uas tsim nyog koj txhawj txog xwb, raws li Darren Roberts us yog tus Medical Director ntawm lub koom haum
NSW Poisons Information Centre hais.
Nws hais tias “Hom kab laug sab ntawd ces yog cov kab laug sab hu ua 'funnel-web' - cov kab laug sab uas muaj cov sab los vov nws lub qhov. Txawm tias tej neeg yeej tham txog kab laug sab liab nrob qaum tias yog ib cov kab laug sab muaj taug, thiab yuav ua rau yus mob tau, [[tab sis]]
tsuas ua rau yus muaj cib fim tas sim neej los yog raug tej taug no ua rau yus sab heev thiab yuav tau mus kho ntawm tsev kho mob ntawd tsawg tsawg xwb. Tab nrho lwm hom kab laug sab ntawm Australia ces tsuas xam tias yog cov muaj taug tsawg tsawg los yog yeej tsis muaj taug hlo li.”
Research has disproved previous concerns about redback spider bites. Although they contain venom, effects take hours to develop and do not require medical treatment, unless there are signs of infection or aggravated symptoms. Credit: Getty Images/Jenny Dettrick
Muaj tej nab ntawm lub teb chaws no txog li ntawm 100 hom ntawm 172 hom thiaj yog cov nab muaj taug xwb, raws li ces tsuas pom tau tias muaj tus zauv nrab txog li 2 tug neeg thiaj raug nab tom tas sim neej rau ib lub xyoos twg xwb.
Dr Roberts hais tias “Peb yeej paub tias yeej muaj nab thoob teb chaws Australia, tsis hais ntawm tej chaw uas peb nyob, ces tej zaum peb thiaj yuav pom tej nab no. Thiab yog tej yam tsis muaj hmoob uas nab pheej tom thiab, ua yuav ua rau muaj teeb meem thiab yog tej yam uas tsis tshua pom muaj pes tsawg.”
“Snakes have very little reason to go into people's houses.” Professional snake catcher Gianni Hodgson says 90% of the calls he gets are for snake removals from a backyard. Credit: Getty Images/Andrew Balcombe / EyeEm
Thawj cov kev pab yog raug kab laug sab tom
Txawm tias cov kev raug kab laug sab tom feem ntau yeej tsis muaj teeb meem dab tsi ntau ntawm Australia no, los kuj yog tej yam tseem ceeb uas tsim nyog koj paub tias yuav tau ua dab tsi yog thaum koj los yog ib tug neeg twg raug tom thiab.
Dr Roberts hais tias cov kev taw qhia rau ib tug twg uas yog raug ib yam kab laug sab twg tom, dua ntawm cov kab laug sab cab sab vov nws lub qhov (funnel-web spider) lawm, ces xav kom 'siv antiseptic los ntxuav thaj chaw raug tom, ua tib zoo txheeb xyuas kom koj tau hno cov tshuaj vaccine tiv thaiv kab mob xeb (tenanus) kom pov puag koj, dua ntawm tej hais no lawm ces tsuas saib thiab tos seb ho muaj teeb meem dab tsi ces mam daws xwb."
Yog tias ho muaj lwm cov yam ntxwv mob ntxiv los yog ho ua paug ces yuav tau nrhiav kev kho mob pab cuam rau.
Feem ntau mas tsuas mob rau qhov chaw raug tom ntawd xwb. Xav kom muab ib pob dej khov txia txia (qhwv ntaub) coj los npuab ncaj qha rau qhov chaw raug tom ntawd li 15 minutes ces kuj yuav pab kom tsis txhob mob thiab.
Spider bites (other than the funnel-web) can be so delicate that people don’t feel it until later, Dr Roberts says. Credit: Getty Images/Stefania Pelfini, La Waziya Photography
Thiaj xav kom xam tias tsis hais ib hom kab laug sab dub loj twg tom koj los yog xav tias tsam ho yog cov kab laug sab funnel-web spider tom uas yog ib co medical emergency thiab yauv tau hu ambulance tuaj pab.
Yog raug hom kab laug sab funnel-web tom, ces yuav ua rau koj mloog tau tias loog loog ib ncig ntawm koj lub qhov ncauj, tej zaum yuav ua rau koj xeev siab thiab ntuav, thiab yuav mob plab los yog mob hauv siab.Dr Shaun Francis, The Royal Flying Doctor Service, Queensland
Funnel-web spiders are found around Sydney and the east coast. Other big black spiders are found Australia-wide. Credit: Getty Images/Image Created by James van den Broek
- “Siv cov ntaub pav rau thaj chaw raug tom kom tsis txhob txav tau mus los.
- Hais kom tus neeg ntawd pw xyab rau ib qho chaw twg twj ywm txog rau thaum tsheb ambulance tuaj txog tso.
- Hais kom tus neeg ntawd tsis txhob taug kev rau ub rau no. Vim yuav ua rau muaj tej taug raug xa mus thoob nws lub cev sai.”
Ua tej no txog thaum uas tsheb ambulance tuaj txog tso, los yog muab dab tsi los pav rau tej ceg los yog caj npab uas raug tom ntawd kom tsis txhob xav tau.
A pressure immobilisation bandage, not a tourniquet, is used for funnel-web spider bites as well as venomous snakebites to stop the venom circulation in the body. Credit: Getty Images/Lisa Maree Williams / Stringer
Yuav ua li cas yog koj ho raug tej tsiaj no tom ntawm tej chaw yaj sab?
Shaun Francis yog ib tug kws kho mob ntawm Queensland ib ceg hauj lwm Royal Flying Doctor Services uas yog ib lub koom haum pab cuam pub dawb pab thauj thiab kho mob nruab ntug, kho mob thiab pab xwm txheej emergency services ntawm Australia tej zos yaj sab thiab tej zejzog nyob deb.
Dr Francis hais tias yeej ib txwm muaj tej xwm txheej tej neeg raug kab laug sab tom ntej tej zos yaj sab thiab yeej tsis paub tias xyov yog hom kab laug sab twg tom.
Thaum xub thawj pom tias yeej muaj ntsis mob ntawm thaj chaw raug tom, kuj ua rau thaj chaw ntawd liab thiab o thiab tsis paub tias xyov raug hom kab laug sab twg tom.Shaun Francis, The Royal Flying Doctor Service, Queensland
Yog tias muaj tej yam ntxwv mob tag nrho rau lub cev ces kuj yuav yog tej yam qhia tias tej zaum taug mus thoob cev lawm thiab yuav tau siv cov kev kho mob thauj nruab ntug mus kho, raws li Dr Francis tshab txhais.
“Yog tias mob tshaj qhov mob dog dig lawm, ces yuav pib ua rau peb txhawj vim yuav ua rau tus neeg ntawd pib tawm hw. Piv txwv li yog raug cov kab laug sab dub loj funnel-web spider tom ces yeej yuav ua rau loog loog ib puag ncig qhov ncauj, thiab tej zaum yuav ua rau xeev siab thiab ntuav los yog mob plab thiab mob hauv siab.
“Yog thau muaj tej xwm txheej zoo li no lawm ces peb yuav rau raus tes pab, thiab siv lwm cov kev kho mob pab, thiab piv tias ho raug nab tom es txawm ho tsis muaj tej yam ntxwv mob li hais no los ntshe tej zaum peb kuj yuav tau xaiv seb yuav siv cov kev kho mob twg zoo tshaj plaws coj los pab tus neeg ntawd thiab,” raws li Dr Francis hais.
In the outback, all emergency calls for snakebites trigger a medical response for suspected envenomation. Credit: Getty Images/kristianbell
Thawj cov kev pab cuam rau cov kev raug nab tom
Ib txhia nab tom mas qhuav qhawv xwb, txhais tau tias tus nab uas tom ntawd tau tom lawm tab sis tej zaum koj tsis tso taug rau tus neeg ntawd.
Tab sis Dr Francis ceeb toom tias kuj yog tej yam phom sij thiab yog pheej xav tias tej zaum cov kev raug tom ntawd tsis muaj taug dab tsi thiab. Yog li ntawd tag nrho tej xwm txheej yuav tau ib tib zoo txheeb kom paub tseeb thiab xav tias puas yog raug nab tom ntawd thiaj raug xam tias tej zaum yuav yog ib cov xwm txheej muaj kev phom sij tau rau txoj sia.
Dr Francis thiaj qhia txog peb co kauj ruam tsim nyog ua li:
- Nrhiav ib daim ntau qhwv qhov txhab los qhwv nias koj ruaj thiab tsis txhob txav thaj chaw raug tom ntawd.
- Tsis txhob xyab los yog txav tej caj npab los yog tej ceg uas raug tom ntawd thiab xav kom nrhiav pa/twj los pav pab rau kom txhob txav tau.
- Hu rau tus xov tooj Triple Zero (000).
Raws li Gianni Hodgson uas yog ib tug neeg txhom nab hais ces txawm tias yog ib tug nab tom uas tsis muaj taug los kuj yuav ua rau muaj tau teeb meem thiab.
“Tej zaum tej tsiaj tu hauv tsev yuav ua si nrog nab; tej zaum me nyuam yaus kuj yuav raug tom thiab. Txawm tias tej zaum yuav yog tej nab tsis muaj taug dab tsi los tej zaum kuj yuav muaj kab mob bacteria thiab.”
Tsis txhob ua dab tsi thaum ntsib nab
Tej nab yeej tsis lam yuav tom tsuas yog tias ntshe yus ho thab los yog ua rau lawv ntshai xwb. Cov kev raug nab tom feem ntau tshwm sim thaum uas muaj neeg xav tua nab los yog txhom nab.
Mr Hodgson hasi tias cov kev pheej xav tias tsam nab caum yus mas yog ib cov kev nkag siab yuam kev lawm.
Tib lub caij uas nab yuav los ncaj qha rau yus ces tshua yog lawv nrhiav ib qho chaw nyab xeeb nkaum es yus ho sawv tav lawv kev xwb. Thiab feem ntau mas lawv yeej tsis paub tias lawv yeej tsis paub tias yus nyob ntawm thaj chaw ntawd li.Gianni Hodgson, professional snake catcher
Mr Hodgson thiaj muaj qee cov kev taw qhia tias kom tsis txhob ua dab tsi thaum ntsib nab:
- “Tsis txhob qw nrov nrov, yog tias yus nyob ze tus nab ntawd heev, vim yuav ua rau nab tiv thaiv nws tus kheej.
- Ua zoo xyuas kom lub ib cheeb tsam tus nab ntawd los yog thim rov qab kom nrug ntawm tus nab ntawd.
- Yog tias tsis nco faj eb twb ho cia li tsuj tau tus nab ntawd lawm ces nyob twj ywm tsis txhob nti hlo li. Cia tus nab ntawd mus kom dhau tso. Vim tus nab ntawd yeej tsis paub tias yus nyob ntawm thaj chaw ntawd li.”
Yuav ua rau leej twg yog raug nab tom lawm
- Yog koj tsis paub tias xyov yuav ua li cas tom qab raug ib tug kab laug sab tom lawm, ces kom hu rau lub koom haum Poisons Information Centre tus xov tooj 13 11 26 thov lawv cov kev pab cuam.
- Tag nrho cov kev raug nab tom los yog tsam ho poob rau tej xwm txheej ti tes ti taw es ho xav tau kev pab cuam ces kom hu rau tus xov tooj Triple Zero (000).
- Yog tias koj nyob nrug deb tsev kho mob lawm, ces koj muaj peev xwm hu rau tus xov tooj pab cuam 1300 My RFDS tus xov tooj 1300 69 7337.
