Ntsiab lus tseem ceeb:
- Txawm tias tej tswj tso cua sov thiab cov kev haus luam yeeb yog tej yam uas ua rau tsev kub hnyiab feem ntau, tab sis yeej muaj ib yam dab tsi uas kub tau lwm yam ntawd yog cov uas ua rau hluav taws kub hnyiab tau thiab..
- Cov kev kub siab ua tib zoo nrog xyuas tej khoom uas yuav ua rau kub hnyiab tau ntawd yog ib yam tseem ceeb tiv thaiv kom tsis txhob muaj hluav taws kub hnyiab.
- Tsim nyog yuav tau qhia kom tej me nyuam paub txog tias yuav ua li cas thiaj tau txais kev nyab xeeb cuam tshuam txog hluav taws, qhia kojm lawv paub tiv thaiv thiab qhia kom lawv paub tias yuav ua dab tsi thaum muaj tej xwm txheej kub hnyiab ti tes ti taw lawm.
Tej neeg feem coob yeej tsis xav tias lawv yuav raug kub hnyiab thaum muaj ib lub tsev twg kub hnyiab li. Thiab txawm tias yeej muaj peev xwm tiv thaiv tau tej hluav taws kub hnyiab feem ntau, los yog tias thaum tswj tsis tau lawm ces, yeej yuav ua rau rau kev phom sij loj thiab yuav hloov tsis tau tej xwm txheej uas tau tshwm sim ntawd li lawm.
Cov kev paub txog tias dab tsi yuav raug kev phom sij thiab npaj tej tswv yim tiv thaiv kom tsis txhob muaj hluav taws kub hnyiab yog qhov yuav txiav txim tau txog qhov ciaj thiab qhov tuag tau.
Raws li , muaj neeg nruam sim los ntawm tej tsev kub hnyiab ntawm Australia ib lub xyoos twg ntau tshaj lwm yam xwm txheej ntuj tsim li dej nyab, nag xob nag cua thiab hav zoov kub hnyiab sib sau ua ke.
Raws li Andrew Gissing uas yog tus koom sau cov kev teeb txheeb no thiab yog tus coj ntawm lub koom haum Natural Hazards Research Australia hais ces ''Txij xyoo 2003 txog xyoo 2017 ces muaj tej neeg txog li 900 leej tas sim neej los ntawm tej xwm txheej tsev kub hnyiab uas muaj peev xwm tiv thaiv tau."
Residential fires can happen any time of the year. Contributing factors leading to preventable fires include an individual’s behaviour and their surrounding environment. Getty Images/Robert Niedring Credit: Robert Niedring/Getty Images/Cavan Images RF/Getty Images
“Thaum peb txheeb xyuas tej neeg raug kub hnyiab ntawm tej tsev kub hnyiab uas muaj peev tiv thaiv tau kom tsis txhob raug tej xwm txheej no, ces pom tau tias muaj ntau yam sib txawv nyob ib puag ncig ntawm tej neeg ntawd, lawv tej cwj pwm thiab seb tej ib puag ncig lawv tej vaj tse ntawd yog cov yuav muaj feem ua rau hluav taws kub hnyiab tau thiab. ”
Txawm li cas los nws hais ntxiv tias tej luam yeeb, tej twj siv hluav taws xob uas tsis zoo siv lawm, tej twj tso cua sov thiab tej qho cub rauv taws yog tej uas pheej ua rau tsev kub hnyiab tas mus li, tab sis yeej muaj peev xwm tiv thaiv kom tsis txhob muaj tej xwm txheej hluav taws kub hnyiab no tau thiab.”
LISTEN TO MORE FROM THE SETTLEMENT GUIDE
What are Australia’s Emergency Warnings and Fire Danger Ratings and how should you respond?
SBS English
27/09/202211:31
Tej tswv yim yooj yooj yim yuav pab kom tau txais kev nyab xeeb thiab tsev tsis txhob kub hnyiab ces yuav tsum tau nruab ib co smoke alarms rau koj lub tsev, npaj ib co tswv yim tias yog tsev kub hnyiab lawm yuav tawm khiav li cas, thiab yuav tsum saib ntsoov tej twj ua noj ua haus rau lub caij koj ua zaub mob noj.
Tab sis raws li Mark Halverson uas yog tus coj tswj kev nyab xeeb txog hluav taws ntawm Queensland lub chaw tua hluav taws thiab tswj tej xwm txheej ti tes ti taw Queensland Fire and Emergency Services (QFES) hais tias cov kev tiv thaiv ntawd yuav tau pib ntawm cov kev paub txog tias muaj dab tsi cuam tshuam nrog tej twj uas yuav ua rau kub hnyiab tau thiab yuav tau tswj raws li qhov tsim nyog.
All Australian states and territories have their own specific smoke alarm requirements. Authorities urge everyone to replace smoke alarm batteries annually. Getty Images/sturti. Credit: sturti/Getty Images
“Tej chaw uas yuav kub tau ces yog ib co twj tso cua sov, tej twj ua noj ua haus, thiab tej twj sam hluav taws xob uas tsis ua tib zoo sam los yog siv tej twj sam yuam kev lawm."
Smoke coming out from oven Credit: Henrik Sorensen/Getty Images
Khaws tej khoom uas yuav txais tau hluav taws yooj yim
Muaj kev teeb txheeb qhia tias tej xwm txheej tsev kub hnyiab uas ua rau neeg tas sim neej feem ntau ntawd ces tshwm sim rau ntau lub hli ntawm caij ntuj no, vim cov kev siv tej twj tso cua sov yam tsis tau txais kev nyab xeeb los yog siv tsis raws li cov kev taw qhia kom siv lawm.
Mr Gissing thiaj hais tias “Tej twj tso cua sov thiab tej cub tawg yog tej uas pheej ua rau tsev kub hnyiab feem ntau rau lub caij ntuj no."
Tej nom tswv tua hluav taws thiaj nqua hu kom tej neeg sawv daws siv tej twj tso cua sov raws li tej tuam txhab tsim tej twj ntawd qhia kom siv xwb. Txhais tau tias tsis txhob coj tej twj tso cua sov nraum zoov li tej teeb taws kom sov los yog cov taub gas Liquefied Petroleum Gas (LPG) coj mus siv rau hauv tsev.
Vim tej twj siv tso cua sov uas tsim coj los siv nraum zoov yeej tsis zoo coj mus siv rau hauv tsev, rau qhov yuav ua rau muaj cov cua carbon monoxide uas yuav ua rau muaj teeb meem tau.
MORE FROM THE SETTLEMENT GUIDE
How to call an ambulance anywhere in Australia
SBS English
20/12/202209:50
Ntau xyoo tsis ntev los no, ces yeej pom tias tau muaj tej twj sam battery tau ua rau vaj tse kub hnyiab ntau tuaj ntxiv ntawm Australia lawm, hais tsi ntsees rau cov kev sam tej e-scooter (electronic scooters) uas yuav tau siv hluav taws xob ntau heev ntawd.
Mr Halverson tshab txhais tias “Vim tias e-scooter lub battery ntawm muaj tej hluav taws xob ntau heev khaws cia rau hauv, ces yog tias hluav taws kub, ces yuav muab muaj ceem dua thiab muaj cib fim yuav kub sai heev.”
Raws li lub tuam chav tua hluav taws tej xov xwm qhia, cuam tshuam nrog tej rooj teeb lithium-ion batteries rau lub sij hawm 18 hlis dhau los no (1 xyoos 6 hlis dhau los no).
Mr Halverson thiaj ceeb toom tias “Qhov teeb meem tseem ceeb tshaj plaws mas yog tim tej neeg pheej siv twj twj sam hluav taws xob tsis yog coj los sam hluav taws xob rau ib yam khoom dab tsi."
Txawm tias lub twj sam roj teeb ntawd yuav txuas zoo nrog rau yam twj sam ntawd, los txhais tsis tau tias yog ib cov kev sam hluav taws xob raug uas siv coj los sam rau yam twj ntawd tiag.Mark Halverson, Executive Manager for Fire Safety at the Queensland Fire and Emergency Services (QFES)
From mobile phones and toothbrushes to larger items, such as vacuum cleaners and laptops, many household rechargeable devices run on lithium-ion batteries. Getty Images/Chonticha Vatpongpee / EyeEm Credit: Chonticha Vatpongpee / EyeEm/Getty Images
Mr Halverson thiaj hais tias xav kom yog tej neeg sawv daws xav khaws tej roj (sam tsheb txiav nyom, los yog siv sam tsheb) rau hauv tej thoob uas tsi nyog ntim khaws cia, thiab muab tso kom nrug ntawm lwm yam twj, thiab tsis txhob coj mus tso rau tej chaw kub kub heev los yog tej chaw uas raug tshav ntuj ziab ncaj qha rau.
Nws ceeb toom tias “Tsis txhob muab tej roj thiab tej chiv coj los tso sib xyaw ua ke hlo li.”
“Ib qho tseem ceeb yuav pab kom tau txais kev nyab xeeb ntawm yus lub tsev ces yog yuav tsum tau ua tib zoo xyuas kom tsis txhob muab tag nrho tej khoom ntau yam sib txawv tso sib xyaw ua ke, los yog yuav tsum khaws nyias cais nyias rau ib qho qhov twg, thiab nrhiav tej ntawv tej thoob zoo ntim coj los ntim raws li qhov tsim nyog ntim.”
Careless use or storage of flammable products at home can easily start a fire. Getty Images/NoDerog Credit: NoDerog/Getty Images
Txawm tias tej twj no yuav tsis muaj peev xwm kom hluav taws tsis txhob kub hnyiab, los lawv kuj yog tej uas ceeb toom kom tej neeg khiav tawm, los yog pab kom ho muaj cib fim tua hluav taws thaum kob hluav taws ntawd tseem me me tau thiab.
Tab sis Mr Halverson ceeb toom tias yog yus tsis npaj kom txhij ces tsis txhob tua hluav taws.
“Vim tej neeg yeej tsis ntseeg lawv tus kheej los yog tej zaum lawv ho tsis muaj tej twj zoo coj los tua hluav taws, qhov tseem ceeb tshaj plaws uas lawv muaj peev xwm ua tau ces xav kom coj lawv tus kheej thiab lawv tsev neeg los yog ib tug twg tawm ntawm lub tsev mus rau sab nraum zoov kiag tam sim ntawd, thiab hu xov tooj rau triple zero (000) thov tej neeg tua hluav taws hauv zos tuaj pab.”
It is not advisable to extinguish a fire on your own, unless the fire is localised, and you know how to use the right equipment. Getty Images/Michael Blann Credit: Michael Blann/Getty Images
Cov kev tiv thaiv kom txhob muaj hluav taws kub hnyiab thiab tej me nyuam yaus
Tej neeg muaj hnoob nyoog tshaj 65 xyoos los yog tej me nyuam yaus uas muaj hnoob nyoog qes dua tsib xyoos yog cov neeg uas yuav raug mob tshaj plaws rau lub caij muaj hluav taws kub hnyiab.
Simone Sullivan, uas yog tus coj uas txhawb nqa tej me nyuam yaus txoj kev noj qab haus huv ntawm Sydney lub tsev kho mob Children's Hospital Networks hais tias txawm kob hluav taws ntawd me me xwb thiab tua tau yooj yim heev los tej me nyuam yaus kuj yuav raug kub hnyiab tau yooj yim dua thiab.
Nws hais tias “Vim lawv tej tawv nqaij yeej nyias dua tej laus tej tawv nqaij...ces yog lawv tej tawv nqaij raug kub hnyiab lawm ces thiaj yuav kub tob dua thiab raug kub sai dua txawm tias kob hluav taws ntawd tsuas kub hauj sim xwb.”
Children are naturally quite curious, so heat-related accidents can happen in seconds if a child is left unattended in the kitchen. Getty Images/tolgart Credit: tolgart/Getty Images
Ms Sullivan hais tias “Thawj yam ces yuav tsum tau npaj ib lub tswv yim tias yog tsev kub hnyiab lawm yuav khiav tawm li cas, thiab yuav tsum qhia thiab xyaum kiag nrog yus tsev neeg tias yuav ua li cas kiag.”
“Ua zoo xyuas kom yog cov kev xyaum yooj yooj yim, xyuas kom yog ib cov kev xyaum uas lom zem, thiab kom tej me nyuam xav koom, thiab hais kom lawv ua kiag. ”
Ms Sullivan kuj xav kom siv ib sob lus yooj yooj yim los qhia tej me nyuam. Piv txwv li:
“Qhia kom lawv khoov los yog plia kom qes rau hauv pem teb thiab kav tsij tawm tsuag tsuag mus rau sab nraum zoov yog tias tsev kub hnyiab tiag, vim tej chaw ze rau hauv pem teb ntawd yuav muaj cov cua txias dua thiab cua huv dua.”
“Thiab yog tias lawv tej ris tsho ho kub hnyiab, ces kom lawv 'nres, pw da luam hauv pem teb thiab tig mus tig los' kom hluav taws tuag."
Vim cov kev pw da luam hauv pem teb lawv pab tiv thaiv kom tej nplaim taws tsis txhob kub lawv tej ntsej muag, thiab qhia kom lawv siv lawv ob txhais tes thaiv lawv tej ntsej muag kom lawv tsis txhob raug mob dab tsi.
Ensure that every occupant of the house knows what they need to do in case of fire. Getty Images/Imgorthand Source: AAP
“Tshab txhais txog tej hom phiaj tias vim li cas thiaj siv ib lub smoke alarm, nws ho ua hauj lwm li cas, nyob qhov twg, zoo li cas, los yog ho nrov lub suab zoo li cas thaum muaj hluav taws kub hnyiab los yog ho nrov lub suab zoo li cas thaum roj teeb tag lawm.''
“Kom yog hais tias tsis muaj hluav taws kub hnyiab los tseg, yog muaj tiag ces kom lawv tsis txhob ceeb, vim lawv yeej swm nrog tej suab nrov thiab yeej swm thiab paub tias yuav ua li cas lawm.”
Tej tswv yim pab tej niam txiv los yog tej neeg siab xyuas ib tug me nyuam twg kom tau txais kev nyab xeeb yog muaj hluav taws kub hnyiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , ,
