Cov ntsiab xov xwm tshaj tawm rau hnub zwj Hnub (Sunday 06.02.2022):
- Muaj tej neeg Australia uas muaj cai hno tshuaj COVID-19 vaccine tau hno yam tsawg li ib koob tshuaj vaccine txog li 95% lawm.
- Tau muaj tej kws paub zoo txog cov lagluam tu tsom kwm tej laus tau qhia rau SBS News tias vim tau muaj teeb meem rau Australia cov program tos tej neeg tsiv teb tsaws chaw thiab tsoom fwv tsis npaj tswv yim los nrog xyuas kom muaj neeg ua hauj lwm txaus los tu tej laus ces thiaj muaj teeb meem rau cov kev tu tsom kwv tej laus ntawm Australia tej zejzog neeg uas coj ntseeg ntau yam kab lis kev cai.
- Queensland pib siv nws lub chaw Wellcamp ntawm nroog Brisbane sab hnub poob uas muaj 500 lub txaj los cais tej neeg thiab sim tej neeg seb puas kis los yog kis kab mob COVID-19 lawm.
- Aaskiv tus niam vaj ntxwv huab tais Elizabeth II tau los ua kev zoo siab rau nws cov kev tswj hwm teb chaws Aaskiv thiab cov teb chaws Commonwealth los txwm 70 xyoo, ces thiaj ua rau nws yog ib tug niam vaj ntxwv ua huab tais ntev tshaj plaws hauv ntiaj teb no.
- Raws li Bangkok post tau tshaj tawm ces Thaib lub tuam chav tswj zej tsoom cov kev noj qab haus huv tau qhia tias lub hlis tom ntej no Thaib yuav tso kev yooj yim rau cov neeg ntoj ncig pej kum haiv uas tau hno tshuaj COVID-19 vaccine txwm kom sim tau cov Rapid Antigen Test thaum mus txog kom yooj yim yog tsis kis ces tsis tas cais lawm coj los hloov cov kev sim PCR test uas tau siv dhau los.
- Hais txog cov kev sib tw ncaws pob FFA Cup uas yuav muab hloov npe tshiab ua Australia Cup rau xyoo tshiab tom ntej no ces Tony Popovic uas yog Melbourne Victory tus coach tshiab kuj muaj peev xwm los pab kom lub club no muaj peev xwm sib tw ua zaum kawg yeej Central Coast Mariner 2-1 thiab tau ua rau nws lub club yog lub yeej cov kev sib tw ncaws pob rau xyoo 2021 lawm.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
