- NT rov qab muab ib cov chaw kaw 7 hnub vim muaj neeg kis kab mob coob tuaj ntxiv. Pub tej neeg tsis tau hno tshuaj tawm tau mus ua tej yam tsim nyog ua los yog yuav tej yam tsim nyog yuav xwb. Pub tej neeg hno tshuaj vaccine 2 koob lawm mus los tau yooj yim tab sis yuam kom siv ntaub npog qhov ncauj.
- Tsoom fwv Australia tau pab $13 million dollars rau Sydney University lub chaw Inside Out Institute teeb txheeb txog cov teeb meem eating disorders kom seb nrhiav puas tau cov hauv kev kho vam meej thiab cov kev kho zoo.
- Zed Seselja uas yog Australia tus pwm tsav lis laj fai pab cov teb chaws pov txwv ntawm Pacific qhia rau tej neeg tshaj xov xwm ntawm Canberra tias Australia 3 fij dav hlau uas thauj zaub mov noj, dej haus thiab cov twj telecommunication equipment mus txog teb chaws Tonga lawm, tom qab tau ib limtiam uas muaj roob hluav taws twg hauv qab thu dej hiav txwv ua rau muaj nthwv dej nyab thiab muaj plua tshauv ncho thoob.
- Lub caij uas Americas thiab nws cov teb chaws phooj ywg tseem siv kev noj tswv nrog Russia sib hais kom nws tso tseg nws cov kev hawv xav tsub nias Ukraine ntawd, tej pej xeem neeg Ukraine tau qhia tias lawv yeej ntshai kawg thiab tsam ho muaj tej xwm txheej phom sij. Tab sis vim neeg Ukraine yog ib haiv neeg uas nyiam kev thaj yeeb, yog leej twg tseem tuaj tsim teeb meem rau lawv txoj kev ywj pheej ces lawv yuav tawm tsam pov puag. Russia los kuj tau tshem nws tej leem txog li ntawm 100,000 tus ntawm Syberia mus xyaum tub rog nrog teb chaws Bellarus.
- JICA pab 80 tonnes alsphet rau Nplog kho kev hauv Vientiane.
- Alex De Minaur sib tw Australian Open yeej Spain tus txiv neej Pablo Andujar thiab tau mus sib tw nrog Italy tus txiv neej hu ua Jannik Sinner rau cov kev sib tw quarter final lawm.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
